DALAN TI ARI

Ti dalan nga inkari dagiti Israelita a saanda a suminaan no mapalubosanda a lumasat iti teritoria dagiti Edomita ken iti Amoreo a pagturayan ni Ari Sihon. (Nu 20:17; 21:21, 22; De 2:26, 27) Daytoy a dalan ket mabalin a nangrugi iti Gulpo ti ʽAqaba agingga iti Jaboc, ti nalawag a makin-amianan a beddeng ti teritoria ni Sihon, ket patien ti adu a sinaklawna agingga iti Damasco iti amianan ken gagangay a katupag ti nadaplatan a kangrunaan a kalsada ti Roma nga inaramid ni Emperador Trajan idi maikadua a siglo K.P. Malaksid kadagiti kasapulan a panagbalbaliw maipaay iti agdama a trapiko, ti agdama a dalan a maawagan Tariq es-Sultan(i) ket dandani lumasat iti kadaanan a kangrunaan a kalsada ti Roma, nga adda pay nabatbati a pasetna ita.

Nalawag a ti makin-amianan a paset daytoy a dalan manipud Hesbon agingga iti Astarot ket naawagan “dalan ti Basan.”​—Nu 21:33; De 3:1.