LAMI

[Tinapayko].

Ti kabsat ni Goliat a Gitita. Kastoy ti mabasa iti maysa a paset ti salaysay iti 1 Cronicas 20:5, “Ni Elhanan nga anak ni Jair kinabilna ni Lami a kabsat ni Goliat a Gitita,” bayat ti maysa a pannakigubat kadagiti Filisteo. Nupay kasta, ti mabasa iti kapadana a teksto iti 2 Samuel 21:19 ket: “Ni Elhanan nga anak ni Jaare-oregim a Betlehemita kinabilna ni Goliat a Gitita.” Iti daytoy a teksto, agparang a ti ʼeth-lach·miʹ (“Lami” iti Iloko, ipaspasimudaag laeng ti Hebreo a termino nga ʼeth a ti Lami ket isu ti nakaaramidan ti tignay) ket di umiso a binasa ti maysa a managkopia kas behth hal·lach·miʹ (“Betlehemita”). Isu a nalabit ti mabasa iti orihinal ket “kinabilna ni Lami,” kas ti mabasa iti kapadana a teksto iti 1 Cronicas 20:5. Iti kasta agtunos dagitoy dua a teksto iti daytoy a punto. Nalawag ngarud a ni Lami ket kabsat ti Goliat a pinatay ni David. Iti sabali a bangir, mabalin nga adda dua a Goliat idi.​—Kitaenyo ti GOLIAT.