MERARI

[nagtaud iti sao a kaipapananna ti “agbalin a napait”].

Anak ni Levi ken kabsat da Gerson (Gersom) ken Cohat. (Ge 46:11; 1Cr 6:1, 16) Yantangay ni Merari ti maikatlo a nadakamat kadagiti annak ni Levi, mabalin nga isu ti inaudian. Isu ket maysa kadagiti 70 a kameng ti sangakabbalayan ni Jacob a “dimteng iti Egipto.” (Ge 46:8, 11, 26, 27) Addaan ni Merari iti dua nga annak, da Mali ken Musi (Ex 6:19; 1Cr 6:19), ken isu ti nagtaudan dagiti Merarita, maysa kadagiti tallo a kangrunaan a Levita a pamilia.​—Nu 26:57.