SALMONE

Maysa a dimmawadaw a daga ti Creta, kaaduanna a maikunkuna nga isu ti Rawis Sidero iti makindaya nga ungto ti isla. Naglayag ni Pablo a limmabas iti Salmone idi agarup 58 K.P. idi agturong idiay Roma tapno mausig. Ngem idi naggapuda idiay Cnido, nalawag a saan a nakapaglayag ti barkoda iti amianan ti Creta a lumabas iti makin-abagatan a murdong ti Grecia ken agturong iti Roma, gapu kadagiti napigsa nga angin. Yantangay napilitan nga agpaabagatan ti barko, limmabas dayta iti Salmone ken nasalakniban manipud iti angin bayat nga aglaylayag a tumartaraigid kadagiti makin-abagatan a takdang ti Creta.​—Ara 27:7.