Tinawen a Miting​—Oktubre 7, 1989

TI TINAWEN A MITING dagiti miembro ti Watch Tower Bible and Tract Society of Pennsylvania maangay inton Oktubre 7, 1989, idiay Assembly Hall dagiti Saksi ni Jehova, 2932 Kennedy Boulevard, Jersey City, New Jersey. Ti umuna a miting nga agpaay kadagiti miembro laeng ket matipon iti alas 9:30 t.b., a sarunuen ti tinawen a miting para kadagiti isuamin iti alas 10:00 t.b.

Rebbeng a pakaammuan itan dagiti miembro ti Korporasion ti Opisina ti Sekretario iti aniaman a panagsukat dagiti pakaipatulodan ti koreoda bayat ti napalabas a tawen tapno dagiti regular a surat ti pakaammo ken proxies makagteng kadakuada di agbayag kalpasan ti Agosto 15.

Dagiti proxies, a maipatulodto kadagiti miembro a kadua ti pakaammo iti tinawen a miting, maisublida koma tapno makagtengda iti Opisina ti Sekretario ti Sosiedad di naladladaw ngem Setiembre 1. Tunggal miembro kompletuenna koma ken isublina ti proxyna nga insigida, nga ibagana no isut’ addanto a personal wenno saan iti miting. Ti impormasion nga ited iti tunggal proxy masapul a piho iti daytoy a punto, agsipud ta daytat’ pagtalkanda a mangdeterminar no asinonto dagiti adda a personal.

Manamnama a ti intero a sesion, agraman ti pormal a miting maipapan ti mapagsasaritaan ken dagiti report, agpatingganto iti ala 1:00 t.m. wenno di agbayag kalpasan dayta. Awanto ti sesion iti malem. Gapu iti limitado nga espasio, dagiti maawat ket babaen kadagiti tiket laeng. Awan maaramid nga urnos a panangisilpo ti tinawen a miting babaen iti telepono kadagiti dadduma a luglugar.