Tulongan Dagiti Iyad-adalan iti Biblia a Maaddaan iti Personal a Relasion ken Jehova

Kayat ni Jehova nga agserbitayo kenkuana gapu ta ay-ayatentayo. (Mt 22:37, 38) Ti ayat iti Dios ti mangtignay kadagiti iyad-adalan iti Biblia a mangaramid iti panagbalbaliw ken matakderanda ti pammatida uray masuotda. (1Jn 5:3) Dayta met ti mangtignay kadakuada nga agpabautisar.

Tulonganyo dagiti iyad-adalanyo tapno makitada nga ay-ayaten ida ti Dios. Agsaludsodkayo kadakuada kas koma kadagitoy: “Ania ti isuro daytoy kenka maipapan ken Jehova?” wenno “Kasano nga ipakita daytoy nga ay-ayatennaka ti Dios?” Tulonganyo ida tapno makitada a personal a tultulongan ida ni Jehova. (2Cr 16:9) Iyestoriayo no kasano a sinungbatan ni Jehova dagiti espesipiko a kararagyo, ken ibagayo kadakuada a siputanda no kasano a sungsungbatan ni Jehova dagiti kararagda. Nakaragragsaktayo no makitatayo a marikna dagiti iyad-adalantayo iti Biblia nga ay-ayaten ida ni Jehova ken kayatda ti makigayyem kenkuana.

BUYAEN TI VIDEO A TULONGAM DAGITI IYAD-ADALAM ITI BIBLIA A MAADDAAN ITI PERSONAL A RELASION KEN JEHOVA, SA SUNGBATAN DAGITOY:

• 

  Ania ti problema a sinango ni Jade?

• 

  Kasano a tinulongan ni Neeta ni Jade?

• 

  Ania ti inaramid ni Jade tapno mapagballigianna ti problema?