25 Daytoy ti kinuna ni Jehova ti buybuyot, ti Dios ti Israel, ‘No maipapan kadakayo a lallaki ken kadagiti assawayo,+ dakayo a babbai agsaokayo met babaen kadagiti ngiwatyo, (ket babaen kadagiti imayo nangitungpalkayo,) a kunkunayo: “Di bumurong nga aramidenminto dagiti karimi nga inkarimi,+ a mangpataudkami iti asuk a sakripisio iti ‘reyna ti langlangit’+ ken mangibuyatkami kenkuana kadagiti daton nga inumen.”+ Dakayo a babbai di bumurong nga itungpalyonto dagiti kariyo, ket di bumurong nga aramidenyonto dagiti kariyo.’