3, 4. (a) Aniat’ mangiyilustrar no kasanot’ kadakkel ti panangtimbang ni Jehova iti pammati ken panagtalek nga impaay ni Abraham kenkuana? (b) Kadagiti ania a sasao nga inyeg ni Jehova dagiti sasaona idiay Isaias 41:8 iti katan-okanna?

³ Dayta a lalaki iti pammati ken aramid ti naggapu idiay siudad ti Ur dagiti Caldeo, ket isu ti immun-una a naawagan Hebreo. (Genesis 14:13) Daytoy a designasion ti naiyaplikar kadagiti kapuonanna iti nasion ti Israel. (Filipos 3:5) Gaput’ panangaramidna ken ni Abraham a gayyemna, ni Jehova a Dios ti nangiserrek met kenkuana iti dadduma kadagiti nasinged a bambanagna. Impamatmat daytoy ti adda a naisurat idiay Genesis 18:17-19.

⁶ Ti Eufrates isu ti karayan a binallasiw ni Abraham ken ti sangakabbalayanna a simrek idiay Naikari a Daga. Idi bumallasiwda, awan pay idi ti anak ni Abraham, nupay nagtengnan ti edad a 75, ket ti asawana naglabesen iti tawen ti panaganak. (Genesis 12:1-5) Kaskasdi, iti imatang ti kasta nga agsupadi a kasasaad, kuna ti Dios ken natulnog nga Abraham: “Kitaem ita, ti langit, ket bilangem dagiti bitbituen, no mabalinmo a bilangen. . . . Kastanto dagiti putotmo.”​—Genesis 15:2-5.

7. (a) Aniat’ naipanagan iti daytoy a tulag? (b) Iti ania a tawen a dayta nagepekto ket iti ania a pasamak iti panagbiag ni Abraham? (c) Mano a tawen sakbay ti Linteg ti tulag a naaramid dayta iti nasion ti Israel?

⁷ Ti tulag nga inaramid ni Jehova iti “gayyemna” awagantayo ti tulag Abrahamiko. Dayta a tulag ti nagepekto idi 1943 K.K.P. idi tinungpal ni Abraham dagiti pagannurotan iti tulag ti Dios ket binallasiwna ti Eufrates idi agturong idiay Naikari a Daga. Iti dayta a tawen naobligar ni Jehova a Dios a bendisionan ni Abraham nga awan ti anakna iti “bin-i.” Ti Linteg a kanayonan ti tulag a naaramid iti nasion ti Israel idiay Bantay Sinai naaramid 430 a tawtawen ti kamaudiananna, idi 1513 K.K.P.​—Genesis 12:1-7; Exodo 24:3-8.