DIOS A DIOS TI ISRAEL

Ti impanagan ni Jacob iti umuna nga altar nga imbangonna kalpasan ti panagsublina manipud Haran.

Kas nagbanagan ti pannakirangetna iti anghel ni Jehova idiay Peniel, naited ken Jacob ti nagan nga Israel, ket kalpasan ti natalna a pannakisinnabetna ken kabsatna nga Esau, nagnaed idiay Succot sa kalpasanna idiay Siquem. Ditoy a nakagun-od iti maysa a benneg ti daga manipud iti annak ni Hamor ket imbangonna ti toldana iti dayta. (Ge 32:24-30; 33:1-4, 17-19) “Kalpasan dayta nangipasdek sadiay iti maysa nga altar ket inawaganna dayta iti Dios a Dios ti Israel,” wenno “Ti Dios Isu ti Dios ti Israel.” (Ge 33:20) Iti pananginaigna iti bagina iti nagan ti altar babaen ti kait-ited a naganna nga Israel, impakita ni Jacob ti panangawatna ken panangtagipategna iti dayta a nagan ken iti panangibagnos kenkuana ti Dios iti sitatalged a panagsublina iti Naikari a Daga. Daytoy nga ebkas ket maminsan laeng nga agparang iti Kasuratan.