• Liwliwa Para Kadagiti Agsagsagaba
    Ti Pagwanawanan—2003 | Enero 1

    • Ti Dios saanna a pinarsua dagiti tattao tapno agsagabada. Imbes ketdi, pinaraburanna ti immuna a pagassawaan, da Adan ken Eva, iti perpekto a panunot ken bagi, nangisagana iti makaay-ayo a minuyongan a pagtaenganda, ken impaayanna ida iti makagunggona, makapnek a trabaho. (Genesis 1:27, 28, 31; 2:8) Nupay kasta, agpannuray ti agnanayon a kinaragsakda iti panangbigbig iti turay ti Dios ken iti kalinteganna a mangikeddeng no ania ti naimbag ken dakes. Dayta a kalintegan ti Dios ket inrepresentar ti kayo a naawagan “kayo ti pannakaammo iti naimbag ken dakes.” (Genesis 2:17) Maipakita da Adan ken Eva ti panagpasakupda iti Dios no tungpalenda ti bilinna a saanda a mangan iti bunga dayta a kayo.a

  • Liwliwa Para Kadagiti Agsagsagaba
    Ti Pagwanawanan—2003 | Enero 1

    • a Iti footnote ti Genesis 2:17, inlawlawag ti The Jerusalem Bible a “ti pannakaammo iti naimbag ken dakes” kaipapananna ti “pannakabalin a mangikeddeng . . . iti naimbag ken dakes ken agtignay a mayannurot iti dayta, naan-anay a moral a wayawaya, di panangbigbig ti tao iti kasasaadna kas maysa a parsua.” Kunana pay: “Ti immuna a basol ket ibubusor iti kinasoberano ti Dios.”