ANAB

[Ubas].

Maysa nga ili iti makin-abagatan a deppaar ti katurturodan ti Juda. Manipud iti daytoy a lugar, pinagtalaw ni Josue dagiti higante nga Anakim. (Jos 11:21; 15:48, 50) Ti lugar ket naikuna nga isu ti Khirbet ʽAnab es-Saghireh, 1.5 km (1 mi) iti laud ti Edh Dhahiriya, adda iti nagtengngaan ti Hebron ken Beer-seba. Ti orihinal a nagan ti siudad ket mabalin a Kiriat-anab, yantangay dagiti Egipcio a teksto nalawag a dakamatenda dayta kas Qrt ʽnb.