• ‘Naideklara a Nalinteg Babaen Kadagiti Aramidna’
    Ti Pagwanawanan—2013 | Nobiembre 1

    • NI RAHAB A BALANGKANTIS

      Ni Rahab ket maysa a balangkantis. Nasdaaw ti dadduma a komentarista iti Biblia iti dayta nga impormasion ta ibagbagada a ni Rahab ket agay-aywan laeng iti pagdagusan. Ngem nalawag ti kuna ti Biblia. (Josue 2:1; Hebreo 11:31; Santiago 2:25) Iti kagimongan dagiti Canaanita, mabalin a nadayaw ti trabaho ni Rahab. Nupay maawat iti kulturada ti kasta a trabaho, mabalin a buriboren ti konsiensiana, ti abilidad nga inted ni Jehova kadatayo amin tapno mailasintayo ti naimbag ken dakes. (Roma 2:14, 15) Mabalin nga ibain ni Rahab ti wagas ti panagbiagna. Nalabit kas iti adu ita, mariknana nga awanen ti pamay-an tapno mabiagna ti pamiliana.

  • ‘Naideklara a Nalinteg Babaen Kadagiti Aramidna’
    Ti Pagwanawanan—2013 | Nobiembre 1

    • PINASANGBAYNA DAGITI ESPIA

      Naminsan, sakbay a linikmut ti Israel ti Jerico, dua nga estranghero ti simmangpet iti balay ni Rahab. Mangnamnama ti dua a lallaki nga awan ti makadlaw kadakuada, ngem iti dayta a nainget ti pannakaguardiana a siudad, adu ti makabigbig no ti maysa ket espia manipud Israel. Nalabit nailasin a dagus ni Rahab no asino dagitoy. Gagangay nga adda lallaki a mapan iti balayna, ngem ti kayat laeng ti dua a lallaki ket agdagus iti balayna saan a ti serbisiona.