GOB

Maysa a disso a namindua a nangkabilan ti tattao ni David kadagiti higante a mannakigubat dagiti puersa dagiti Filisteo. (2Sm 21:18, 19) Nailanad ti pumadpada a salaysay iti 1 Cronicas 20:4 a “Gezer” (“Gat” iti sumagmamano a kopia ti Griego a Septuagint ken ti Syriac a Peshitta), ti damo a nagrarangetanda ngem saanna a dinakamat ti maikadua a nagrarangetanda. (1Cr 20:5) Nupay kasta, ipakita dagitoy dua a salaysay nga adda maikatlo a pannakiranget a napasamak idiay “Gat” (2Sm 21:20; 1Cr 20:6), isu nga impapan ti adu nga eskolar a nagbiddut ti eskriba a nangikabil iti “Gob” imbes a “Gat.” Ngem kadagiti dadduma kasla imposible a mapasamak ti kasta a mamindua a panagkamali iti agsaruno a bersikulo, ket ipapanda a ti Gob mabalin a nagan laeng ti maysa a saanen a masigurado a lugar iti asideg ti Gezer.