GIBBAR

[Natantan-ok; Mannakabalin; Manglapunos].

Mabalin a nagan ti maysa nga ulo ti pamilia, a ti 95 kadagiti ‘annakna’ (kapkaputotanna) ket nagsubli a kadua ni Zorobabel idi 537 K.K.P. manipud pannakaidestiero idiay Babilonia. (Esd 2:1, 2, 20) Nupay kasta, iti pumadpada a teksto iti Nehemias 7:25, Gabaon ti nailista imbes a Gibbar. Gapuna “ti annak ti Gibbar (Gabaon), siam a pulo ket lima,” mabalin a tuktukoyenna ti kapkaputotan dagiti sigud nga agnanaed iti Gabaon, yantangay agparang ti sabali pay a nagnagan ti lugar iti Esdras 2:21-34, kas pagarigan, “ti annak ti Betlehem.”