• Inrupirna ti Ili ti Dios
    Tuladenyo ti Pammatida

    • 19. Ania ti kayat nga aramiden ni Haman, ken ania ti inaramidna tapno maallukoy ti ari?

      19 Nakapungtot ni Haman. Ngem saan a kontento a ni laeng Mardokeo ti mapapatay. Kayatna a mapapatay amin a kailian ni Mardokeo! Nakisarita ni Haman iti ari, ket pinadakesna dagiti Judio. Imbagana nga “adda maysa nga ili a naiwarawara ken naisina iti tengnga ti il-ili.” Saanna a dinakamat a dagiti Judio ti tuktukoyenna. Kinunana pay a dida an-annuroten dagiti linteg ti ari; isu a napeggadda a rebelde. Intukonna a mangted iti dakkel a gatad iti paggamengan ti ari kas tangdan dagiti mangpapatay iti amin a Judio iti intero nga imperio.d Inted ni Asuero ti pangtanda a singsingna ken Haman tapno matatakan ti aniaman a bilin a pampanunotenna.​—Ester 3:5-10.

  • Inrupirna ti Ili ti Dios
    Tuladenyo ti Pammatida

    • d Nangitukon ni Haman iti 10,000 a pirak a talento, nga aggatad ita iti ginasut a milion a doliar. No ni Asuero ket isu ni Xerxes I, magustuanna la ketdi ti kuarta nga intukon ni Haman. Adu ngamin a kinabaknang ti napukaw ni Xerxes iti pannakigubatna kadagiti Griego.