FEATURE

Kabusor a Nasnasion a Nangraut iti Israel

ITI aglikmut ti Israel, adda kabusor a nasnasion a determinado a mangagaw iti tawidna. Maparmekda ngata ti Israel? Bayat a nagtalinaed a matalek ti Israel, sigurado nga agballigi. “Ni met laeng Jehova makiruprupak maipaay iti Israel.”—Jos 10:14.

Sibabatad a naiparangarang daytoy bayat ti turay ni Ari Jehosafat (936-a. 911 K.K.P.). Dagiti nagtitipon a puersa ti Ammon, Moab, ken Bantay Seir immayda a maibusor iti Juda. Ni Jehosafat indawatna ken Jehova: ‘Adtoy . . . sumsumrekda tapno pagtalawendakami iti sanikuam nga impatagikuam kadakami. O Diosmi, saanmonto aya nga ipakat ti panangukom kadakuada?’ Pudno nga aramidenna ti kasta! Naipasigurado iti Juda: “Ti bakal saanyo a kukua, no di ket kukua ti Dios.” Ni Jehova riniribukna ti kabusor, a pinagpipinnatayna ida iti maysa ken maysa.—2Cr 20:1-23.

Kamaudiananna, kalpasan ti sinigsiglo a pannakirupak maipaay iti Israel, impalubos ni Jehova a parmeken dayta ti kabusor a nasnasion. Idi 740 K.K.P. dagiti Asirio pinagpatinggada ti sangapulo-tribu a pagarian “agsipud ta nagbasol ti annak ti Israel a maikaniwas ken Jehova.” (2Ar 17:7-18) Kalpasanna idi 607 K.K.P., gapu iti kinasukir dayta, dinadael dagiti taga Babilonia ti dua-tribu a pagarian. (2Ar 21:10-15; 22:16, 17) Daytoy a periodo iti pakasaritaan ti Israel ipaganetgetna ti kinapateg ti panagtulnog ken Jehova.

[Tsart iti panid 951]

KABUSOR A NASNASION—Agraman Nainaig a Kasuratan

Amalek

Sal 83:2-4, 7

Ammon

2Cr 20:1-3, 10, 11; 2Ar 24:2

Asiria

2Ar 15:19, 20, 29; 17:1-6; 18:13-35

Babilonia

2Ar 24:1, 12-17; 25:1-21

Edom

2Cr 20:1, 2, 22; 28:17; Abd 1, 12-14