Kasano a Nangrugi ti Biag?

Ti Dios ti “ubbog [wenno, naggapuan] ti biag.” (Salmo 36:9) Patiem kadi dayta? Ibagbaga ti dadduma nga awan ti nangaramid iti biag. No agpayso dayta, aksidente laeng ngarud ti kaaddatayo. Ngem no inaramid ni Jehova a Dios ti biag, adda la ketdi rasonna, saan kadi?a Kitaem ti ibagbaga ti Biblia a nangrugian ti biag ken dagiti rason a patientayo dayta.

1. Kasano a nangrugi ti uniberso?

Kuna ti Biblia: “Idi un-unana, pinarsua ti Dios ti langit ken ti daga.” (Genesis 1:1) Patien ti kaaduan a sientista nga adda nangrugian ti uniberso. Kasano nga inaramid ti Dios ti uniberso? Inusarna ti ‘aktibo a puersana’​—ti nasantuan nga espirituna a mangaramid iti amin nga adda iti uniberso, kas kadagiti galaxy, bituen, ken planeta.​—Genesis 1:2.

2. Apay nga inaramid ti Dios ti daga?

Ti daga ket ‘saan a pinarsua [ni Jehova] nga awan serserbina, no di ket pinormana a pagnaedan.’ (Isaias 45:18) Inaramidna ti planetatayo a komportable ken permanente a pagyanan dagiti tattao. (Basaen ti Isaias 40:28; 42:5.) Ipakita ti siensia a naidumduma ti daga. Ti laeng planetatayo ti addaan iti kompleto a kasapulan ti tao tapno agbiag.

3. Ania ti nakaidumaan dagiti tattao kadagiti animal?

Kalpasan nga inaramid ni Jehova ti daga, pinarsuana ti amin a biag ditoy daga. Umuna, nangaramid kadagiti adu a mula ken animal. Idi kuan, “pinarsua ti Dios ti tao a kaladladawanna.” (Basaen ti Genesis 1:27.) Apay nga espesial dagiti tattao? Gapu ta naaramidtayo a kaladladawan ti Dios, maipakitatayo ti ayat ken hustisia a kas kenkuana. Naparsuatayo met nga addaan iti abilidad nga agsursuro iti nagduduma a lengguahe, mangapresiar iti napipintas a bambanag, ken ag-enjoy nga agdengngeg iti musika. Ken saan a kas kadagiti animal, maidaydayawtayo ti Namarsua kadatayo.

AMMUEM TI AD-ADU PAY

Kitaem dagiti ebidensia a nadisenio ti biag ken no apay nga agpayso ti ibagbaga ti Biblia maipapan iti panamarsua. Ammuem no ania ti ipakita dagiti nasayaat a kababalin dagiti tattao maipapan iti Dios.

4. Nadisenio ti biag

Dagiti tattao ti mapadpadayawan kadagiti disenioda a kinopiada kadagiti pinarsua ti Dios. Ngem asino koma ti masapul a mapadayawan gapu kadagiti orihinal a disenio? I-play ti VIDEO, sa pagsaritaan ti sumaruno a saludsod.

VIDEO: Panamati iti Dios (2:43)

• Ania dagiti kinopia dagiti imbentor kadagiti parsua iti aglawlaw?

Adda nangdisenio ken nangibangon iti amin a balay. Ngem asino ti nangdisenio ken nangaramid kadagiti amin a banag a makita iti aglawlaw? Basaen ti Hebreo 3:4, sa pagsaritaan dagitoy a saludsod:

• Ania kadagiti parsua a dinisenio ti Dios ti pagbilbilibam?

• Nakappapati kadi a nadisenio ti uniberso ken ti amin nga adda iti dayta? Apay?

Ammom kadi?

Adu nga artikulo ken video maipapan iti daytoy a topiko ti makitam iti jw.org iti serye a “Nadisenio Kadi?” ken “Kapanunotan Maipapan iti Nangrugian ti Biag.”

“Siempre, adda nangibangon iti tunggal balay, ngem ti nangibangon iti amin a banag ket ti Dios”

5. Agpayso ti ibagbaga ti Biblia maipapan iti panamarsua

VIDEO: Naparsua Kadi ti Uniberso?​—Ababa a Paset (3:51)

• Isursuro kadi ti Biblia a ti daga ken ti amin a biag nga adda iti dayta ket naparsua laeng iti innem nga aldaw a sag-24 nga oras?

• Para kenka, nakappapati ken rasonable kadi ti ibagbaga ti Biblia maipapan iti panamarsua? Apay, wenno apay a saan?

Basaen ti Genesis 1:1, sa pagsaritaan daytoy a saludsod:

• Ibagbaga dagiti sientista nga adda nangrugian ti uniberso. Kasano nga agpada ti konklusionda ken ti kabasbasam iti Biblia?

Pampanunoten ti dadduma nga inusar ti Dios ti ebolusion a mangparsua iti biag. Basaen ti Genesis 1:21, 25, 27, sa pagsaritaan dagitoy a saludsod:

• Isursuro kadi ti Biblia a nangaramid ti Dios iti simple a kita ti biag sa binay-anna nga ag-evolve wenno agbalbaliw dayta ket agbalin nga animal ken tao? Wenno pinarsuana ti amin a ‘kita’ ti biag?b

6. Dagiti tattao ket naidumduma a parsua ti Dios

Pinarsua ni Jehova dagiti tattao ken animal, ngem naidumatayo kadagiti animal. Basaen ti Genesis 1:26, sa pagsaritaan daytoy a saludsod:

• Gapu ta naaramidtayo a kaladladawan ti Dios, ania ti masursurotayo maipapan kenkuana iti abilidadtayo a mangipakita iti ayat ken asi?

SUMARIO

Pinarsua ni Jehova ti uniberso ken ti amin a biag.

Rebiu

• Ania ti isursuro ti Biblia maipapan iti nangrugian ti uniberso?

• Binay-an kadi ti Dios nga ag-evolve wenno agbalbaliw ti simple a kita ti biag tapno agbalin nga agduduma a kita ti biag, wenno pinarsuana amin ida?

• Ania ti espesial kadagiti tattao?

AGDISKOBREKA PAY

Diskobriem dagiti disenio a makita iti aglawlawmo.

“Ania ti Isursuro ti Nakaparsuaan?” (Agriingkayo!, Septiembre 2006)

Kitaem no kasano nga ilawlawag ti maysa nga ama ti ibagbaga ti Biblia a panamarsua iti ubing pay nga anakna.

Inaramid ni Jehova ti Amin a Bambanag (2:37)

Ammuem no agpada a husto ti ebolusion ken ti Biblia.

“Inusar Kadi ti Dios ti Ebolusion a Mangpataud iti Nagduduma a Kita ti Biag?” (Artikulo iti website)

Kitaem no kasano a dagiti nakali a nagkauna a tultulang ken dagiti nadiskobre ti siensia ipakitada no naparsua ti biag wenno basta nagadda lattan.

The Origin of Life​—Five Questions Worth Asking (broshur)

1. Apay a masapul nga ipategtayo ti biag?

Masapul nga ipategtayo ti biag ta regalo dayta ti naayat nga Amatayo, ni Jehova. Isu “ti ubbog ti biag”​—pinarsuana ti amin a biag. (Salmo 36:9) “Isu ti mangipapaay iti biag ken anges ken amin a banag iti amin a tattao.” (Aramid 17:25, 28) Ipapaay ni Jehova ti amin a kasapulantayo tapno agtultuloytayo nga agbiag. Ngem saan la a dayta. Nakaad-adu ken agduduma ti nagsasayaat nga ipapaayna tapno ma-enjoy-tayo ti biag.​—Basaen ti Aramid 14:17.