ABIASAF

[Nakaummong ni Ama(k)].

Maysa kadagiti tallo nga annak ni Kore a Levita, ken kaputotan ni Cohat. (Ex 6:16-24) Ti kakabsatna isu da Elcana ken Asir. Nalawag a natukoy kas Ebiasaf iti 1 Cronicas 6:37 ken nalabit iti 1 Cronicas 9:19 ken 1 Cronicas 6:23.

Agparang a ti annak ni Kore saanda a kimmappon ken amada iti panagrebeldena, a kaduana da Datan ken Abiram, maibusor kada Moises ken Aaron. Ngarud, dagitoy nga annak saanda a natay a naikanunong ken amada iti dayta a tiempo. (Nu 26:9-11) Gapuna, iti maud-udi a periodo, masarakantayo a natukoy ti “annak ni Kore” kadagiti paulo ti adu kadagiti Salmo (42, 44-49, 84, 85, 87, 88), nupay daytoy a termino addaan, kangrunaanna, iti kaipapananna a “dagiti kaputotan ni Kore,” wenno “ti balay ni Kore.”