² Pudno ti kuna ti Biblia: “Daydiay makipagna kadagiti masirib a tattao agbalinto a masirib, ngem daydiay addaan kadagiti pannakilangen kadagidiay maag nakadakdakesto ti pagtungpalanna.” (Proverbio 13:20) Saan laeng a basta pannakilangen ti kayat a sawen dayta a proverbio. Ti sao a “makipagna” ipasimudaagna ti agtultuloy a pannakitimpuyog.a Maipapan iti daytoy a bersikulo, kuna ti maysa a reperensia a mainaig iti Biblia: “Ti pannakipagna iti maysa a tao kaipapananna ti panagayat ken pannakisinninged kenkuana.” Saan kadi nga agduyostayo a mangtulad kadagidiay ay-ayatentayo? Wen, gapu ta asideg ti riknatayo kadagidiay ay-ayatentayo, maimpluensiaandatayo nga agpaay iti pagimbagan wenno pagdaksantayo.