1, 2. (a) Babaen ken mammadtona nga Isaias, aniat’ impadto ti Dios maipapan iti daga? (b) No kumitkita iti sangaribo a tawen iti masanguanan, aniat’ makitatayo?

PINARSUA ni Jehova ti daga kas planeta iti babaen ti saksakana, kas ti piguratibo a pagbatayanna. Babaen ken mammadtona nga Isaias, ti Dios impadtona nga ‘aramidennanto ti disso dagiti saksakana a nagloriaan.’ (Isaias 60:13) Babaen iti tulong ti naipaltiing a Biblia, mabalintay ti kumita, a kasla babaen iti nagpigsa a teleskopio, sangaribo a tawtawen iti masanguanan ti tao. Anian a mangnibinibi a buya ti mangkablaaw kadagiti matmatatayo! Ti intero a daga sumilnag iti awan tulawna a kinapintas a pinataud ti kadadakkelan a Hardinero iti intero nga uniberso. Ti paraiso naisublinton iti sangatauan iti intero a daga!

3, 4. (a) Iti ania a pamay-an a ti langit ken daga agkatupag iti maysa ken maysa? (b) Kasanot’ rikna dagiti anghel inton ti Paraiso ket maisublin ditoy daga?

³ Rinibribo a tawen sakbayna, iti nasantuan pannakaipaltiingna a panangiladawan ti pagturayanna, inyebkas ti Dios dagitoy makaay-ayo a sasao iti pinilina nga ili: “Ti langit isu ti tronok, ket ti daga isu ti pagbatayan dagiti saksakak.” (Isaias 66:1) Ti naan-anay a kinadayag ti “pagbatayan ti saksakana,” ti Paraiso a daga, ti rebbeng a katupag ti dayag ti tronona kadagiti di makita a kangatuan.

6. Kalpasan ti Armagedon, kasanonto a matagitauan ti daga?

⁶ Nupay dagiti makalasat iti Armagedon ket bassitda iti bilang no iyar-arig, saanto nga interamente a babaen iti panaganak iti biangda a matagitauanto a naan-anay ti daga. Ni Jehova ‘aramidennanto ti disso ti saksakana a nagloriaan’ babaen iti panangisublina iti biag dagidiay adda kadagiti tanem a pakalaglagipan ken dagidiay umay iti sidong ti gunggona ti daton a subbot ni Kristo. Dagitoy, iti biangda, maaddaandanto ti pribilehio a makiraman iti makaay-ayo a trabaho a panamagbalin iti naindagaan a globotayo a paraiso iti aglaplapusanan a kinapintas.​—Aramid 24:15.