18, 19. (a) Ania ti mabalin a tuktukoyen ti “buyot ti nangato,” ket kasano a naurnong dagitoy “iti bartolina”? (b) Nalabit, kasanonto a maasikaso ti “buyot ti nangato” “kalpasan ti naruay nga aldaw”? (c) Kasano nga ipaay ni Jehova ti atensionna kadagiti “ar-ari ti daga”?

¹⁸ Nalawlawa itan ti saklawen ti padto ni Isaias, nga itudona ti ultimo a pannakatungpal ti panggep ni Jehova: “Mapasamakto iti dayta nga aldaw a ni Jehova iturongnanto ti asikasona iti buyot ti nangato nga adda iti ngato, ken iti ar-ari ti daga iti rabaw ti daga. Ket pudno unay a maurnongdanto iti kas iti panangurnong kadagiti balud nga agturong iti abut, ket maipupokda iti bartolina; ket kalpasan ti naruay nga aldaw maasikasodanto. Ket ti bulan a kabus nariribuk, ket ti naraniag nga init nabainan, ta ni Jehova ti buybuyot nagbalin nga ari idiay Bantay Sion ken idiay Jerusalem ken iti sanguanan dagiti lallakayna buyogen ti dayag.”​—Isaias 24:21-23.

[Ladawan iti panid 269]

Dinto maartapan ti init wenno ti bulan ti dayag ni Jehova