PAGINUDUAN

Kaaduanna a maysa nga alikamen a pagpapudotan a sinanpariok nga addaan iti saksaka ken nadisenio a pagikkan iti dumardarang a beggang wenno uging. Ti Hebreo a sao a naipatarus a “paginuduan” (ʼach) ket nagtaud idiay Egipto, a daytoy ti mangipasimudaag a napartuat idiay Egipto ti mismo a paginuduan.

Kadagiti napimpintas a pagtaengan, kaykayatda ti agusar iti kastoy a paginuduan nga addaan saksaka imbes a maysa nga abut a nakali iti suelo ti balay, a mabalin a pagpasgedan iti apuy. Addaan idi ni Ari Jehoiaquim iti paginuduan, nalabit naaramid iti metal, iti pagnanaedanna a balay bayat ti panawen ti lam-ek.​—Jer 36:22, 23.