RABMAG

Ti titulo ti maysa a kangrunaan nga opisial iti Imperio ti Babilonia idi tiempo a nadadael ti Jerusalem idi 607 K.K.P. Nakita daytoy a titulo kadagiti nakabakab a kitikit. Kalpasan a naabak ti siudad ti Jerusalem iti im-ima ni Nabucodonosor, nagtugaw ni Nergal-sarezer a Rabmag (kas kameng ti maysa a pangukoman a buklen ti nangangato a prinsipe ti Babilonia) iti Makintengnga a Ruangan ti Jerusalem tapno mangukom. Daytoy met a prinsipe ti nadakamat mainaig iti pannakaluk-at ni Jeremias a mapan ken Gedalias.​—Jer 39:3, 13, 14.