-
“Agtulnogka, Pangngaasim, iti Timek ni Jehova”Ti Mensahe ti Dios Kadatayo Babaen ken Jeremias
-
-
12. Ania ti masapul nga aramiden no dadduma dagiti panglakayen tapno masalakniban ti kongregasion?
12 Adu a Judio ti nangumsi iti tulong a maulit-ulit nga ipapaay ni Jehova babaen ken Jeremias. Umasping iti dayta, mabalin a saan nga agbabawi ti maysa a nakaaramid iti nadagsen a basol uray no ikagkagumaan a tulongan dagiti panglakayen. Iti kasta a kasasaad, masapul nga ipatungpal dagiti panglakayen ti Nainkasuratan a bilin a salaknibanda ti kongregasion babaen ti panangilaksidda iti nakabasol. (1 Cor. 5:11-13; kitaem ti kahon a napauluan “Panagbiag nga Awanan iti Linteg,” iti panid 73.) Ngem kayatna kadi a sawen nga awanen ti namnamana a makapagsubli pay ken Jehova? Saan. Nupay kanayon nga agsukir dagiti Israelita, kinuna ti Dios: “Agsublikayo, dakayo a managlikud nga annak. Paimbagekto ti managlikud a kasasaadyo.” (Jer. 3:22)a Ni Jehova aw-awisenna dagiti nakabasol nga agsublida kenkuana. Kinapudnona, dayta ti ibilbilinna nga aramidenda.
-
-
“Agtulnogka, Pangngaasim, iti Timek ni Jehova”Ti Mensahe ti Dios Kadatayo Babaen ken Jeremias
-
-
a Ti makin-amianan a pagarian ti Israel ti nakaiturongan dagitoy a sasao ni Jehova. Idi impakaammo ni Jeremias daytoy a mensahe, agarup 100 a tawenen a nakautibo dagiti umili iti dayta a pagarian a buklen ti sangapulo a tribu. Ammona nga agingga idi kaaldawanna, saan pay a nagbabawi dayta a nasion. (2 Ar. 17:16-18, 24, 34, 35) Nupay kasta, kas indibidual, mabalinda ti agsubli iti Dios, ken uray agsubli iti dagada manipud idiay Babilonia a nakakayawanda.
-