KADAANAN ITI AL-ALDAW

Patarus iti Aramaiko a sasao nga ʽat·tiqʹ yoh·minʹ, a mangipatuldo iti “maysa nga aduanen (wenno lakayen) iti al-aldaw.” Daytoy a titulo ni Jehova agparang laeng iti Daniel 7:9, 13, ken 22 ken kasinsinnublat ti titulo a “Daydiay Katan-okan.” (Da 7:18, 22, 25, 27) Ti eksena ket maysa a korte a sadiay agtugaw ti Kadaanan iti Al-aldaw tapno ukomenna dagiti pannakabalin ti lubong, a nadeskribir babaen iti panangisimbolo dagiti nakadakdakkel nga animal. Maikkat ti pammalubos iti panagturayda iti daga, ket ti “panagturay ken dayaw ken pagarian” maited iti daydiay “kasla anak ti tao” a naibilin a pagtulnogan ti amin a tattao.​—Da 7:10-14.

Ti titulo a “Kadaanan iti Al-aldaw” siuumiso nga igidiatna ti agnanayon a Dios kadagiti agsasaganad a pannakabalin ti lubong a tumanor ken matnag, ken iladawanna ni Jehova iti akemna kas nadaeg ken madaydayaw nga Ukom ti isuamin.​—Sal 90:2; 75:7.