LO-RUHAMA

[[Isu] Saan a Naipaayan iti Asi].

Maysa nga ubing a babai nga impasngay ni Gomer nga asawa ni Oseas. Imbaga ni Jehova iti mammadto nga ipanaganna daytoy iti ubing agsipud ta ‘saanton a mangipakita ni Jehova iti asi iti balay ti Israel.’ Ngarud impasimudaag ti Dios a linaksidna ti intero nga Israel. (Os 1:6-8) Sakbay pay daytoy, idi nayanak ni Jezrael, naikuna a “nangipasngay [ni Gomer] kenkuana [Oseas] iti anak a lalaki,” ngem no maipapan ken Lo-ruhama naikuna laeng a ni Gomer ket “nagsikog iti sabali pay a tiempo ket nangipasngay iti anak a babai,” a saan a direkta a natukoy ni Oseas. Nupay saan nga espesipiko nga ibaga ti salaysay, naikuna a daytoy nga ubing ket bunga ti pannakikamalala ni Gomer, saan a putot ti mammadto. (Os 1:2, 3) Adda panangtukoy iti simboliko a naganna iti Oseas 2:1, 23 nupay saan a direkta.