Makapainteres ta ti Apocalipsis 11:1, 2 inaigna dagitoy a pasamak iti tiempo a pannakarukod wenno pannakasukimat ti naespirituan a templo. Dakamaten met ti Malakias kapitulo 3 ti umasping a pannakasukimat ti naespirituan a templo a sinaruno ti tiempo ti pannakadalus. (Mal. 3:1-4) Kasano ti kapaut daytoy a pannakasukimat ken pannakadalus? Nangrugi dayta idi 1914 agingga iti nasapa a paset ti 1919. Daytoy a periodo ramanenna ti 1,260 nga aldaw (42 a bulan) ken ti simboliko a tallo ket kagudua nga aldaw a tuktukoyen ti Apocalipsis kapitulo 11.