Dagidiay mamati iti transubstantiation, wenno ti panagbalin ti tinapay ken arak a literal a bagi ken dara ni Jesus, imbatayda daytoy a doktrina iti sasao ti dadduma a bersikulo ti Biblia. Kas pagarigan, iti adu a patarus ti Biblia, nairekord a kinuna ni Jesus maipapan iti arak: “Daytoy ti darak.” (Mateo 26:28) Ngem mabalin met a maipatarus ti sasao ni Jesus kas: “Daytoy kaipapananna ti darak,” “Daytoy irepresentarna ti darak,” wenno “Daytoy isimbolona ti darak.”f Kas iti kaaduan nga ar-aramidenna, inyarig ditoy ni Jesus ti maysa a banag iti sabali a banag kas pamay-an ti panangisurona.​—Mateo 13:34, 35.