11. Kasano a dadduma nakemmegda iti panangkamkamat kadagiti material a bambanag, ket apay a di nainsiriban daytoy?

¹¹ “Itultuloyyo ngarud a biruken ti pagarian ken ti kinalintegna, ket isuamin dagitoy a bambanag mainayondanto kadakayo.” (Mateo 6:33) Anian a nakalkaldaang no dadduma mapaayda a mangipangag kadagidiay a sasao! Gaput’ panangalun-onda iti sarsarita ti pinansial a kinatalged, sibabara ti panangkamatda iti kinabaknang, nailubongan nga edukasion, ken nailubongan a karera, nga “agtalekda iti kinabaknangda.” (Salmo 49:6) Namakdaar ni Salomon: “Dika maringgoran a bumaknang. . . Itaengmonto aya dagiti matam iti daydiay awan? Ta dagiti kinabaknang pudno nga agkayabkabda kas iti aguila a tumayab nga agpalangit.”​—Proverbio 23:4, 5.

13. Apay a kasayaatan ti pannakapneken nga adda “pagtaraontayo ken pagkawestayo”?

¹³ Dagidiay agtalek ken Jehova nga isut’ mangipaay para kadakuada ilisida ti bagbagida manipud adu a ladingit ken panagdanag. Pudno, ti pannakapneken babaen laeng iti “pagtaraontayo ken pagkawestayo” mabalin kaipapananna ti nanumnumo nga estandarte ti panagbiag. (1 Timoteo 6:8) Ngem “ti kinabaknang awanto ti mamaayna inton aldaw ti pungtot.” (Proverbio 11:4) Mainayon pay, no parang-ayentayo ti serbisiotayo ken Jehova, ilinlineatay ti bagitayo a maipaay “ti bendision ni Jehova” nga isu “ti mangpabaknang, ket saanna nga anayan iti ladingit.”​—Proverbio 10:22.