BOANERGES

[Annak ti Gurruod].

Semitiko a sao a masarakan laeng iti Marcos 3:17, agraman ti pakaipatarusanna. Dayta ti inted ni Jesus kas birngas ti annak ni Zebedeo, da Santiago ken Juan, nalabit mangipasimudaag iti nabara a kinagagar dagitoy dua nga apostol. (Lu 9:54) Agparang a ti Boanerges ket saan a kadawyan a naar-aramat, a kas iti pannakaaramat ti Pedro a nagbalin a baro a nagan ni Simon.