Yantangay “dagiti tumatalon” ti nangkabil ken nangpapatay “kadagiti ad-adipen,” inlawlawag ni Jesus: “Ngem iti kamaudianan [ti makinkukua ti kaubasan] imbaonna kadakuada ti anakna, a kunkunana, ‘Padayawandanto ti anakko.’ Ngem idi dagiti agtaltalon nakitada daydi anak, kinuna ti maysa ken maysa kadakuada, ‘Daytoy ti agtawid; umaykayo, papatayentayo ket alaentayo ti tawidna!’ Ket isu tiniliwda ket induronda iti ruar ti kaubasan ket pinatayda.”

Itan naawatan dagiti eskriba ken panguluen dagiti papadi a ni Jesus ti agsasao maipapan kadakuada, ket isut’ kayatda a papatayen, ti nainkalintegan nga “agtawid.” Gapuna ti pribilehio nga agbalin kas agtuturay iti Pagarian ti Dios ket maikkatto kadakuada kas maysa a nasion, ket maysa a baro a nasion ‘dagiti mannalon ti kaubasan’ ti mapataud, daydiay mangtedto kadagiti umiso a bungbunga.