“Addanto dagiti nakabutbuteng a buya.”​—Lucas 21:11.

Maigapu kadagiti nakaam-amak a pasamak iti nabiit pay a tawtawen, nalabit a ti buteng ti kangrunaan a maymaysa nga emosion iti biag ti tattao. Kabuteng ti tattao ti gubat, krimen, polusion, sakit, implasion, ken adu a sabsabali pay a banag a pangta iti kinatalged ken ti mismo a biagda.

“Iti nadumaduma a disso, dagiti angol.”​—Lucas 21:11.

Sigun iti maysa a grupo dagiti eksperto, ti pananglaban ti gobierno ti E.U. iti AIDS​—nga aggatad iti nasurok a $500 a milion iti kada tawen​—ti naawagan a nakalkaldaang a pannakapaay. “Mapukpukawtayon ti intero a nabunga a kaputotan maigapu iti AIDS,” ipakdaar ni Dr. Donna Sweet, a mangtartaripato iti 200 agingga iti 300 a pasiente. Idiay Estados Unidos, ti AIDS ti kangrunaanen a pakaigapuan ti ipapatay ti lallaki nga agtawen iti 25 agingga iti 44.