8. Apay a pimmanaw da Pablo ken Bernabe idiay Iconio, ken ania ti masursurotayo iti ulidanda?

⁸ Idi agangay, dagiti bumusbusor idiay Iconio inkeddengda nga uboren da Pablo ken Bernabe. Idi naipakaammo daytoy kadagiti dua a misionero, immakarda iti sabali a teritoria. (Ara. 14:5-7) Kasta met laeng ti kinaannad dagiti manangiwaragawag iti Pagarian ita. No agsao dagiti tattao iti maibusor kadatayo, agsaotayo a situtured. (Fil. 1:7; 1 Ped. 3:13-15) Ngem no adda maipangpangta a kinaranggas, liklikantayo ti mangaramid iti banag a mangirisgo iti biagtayo wenno iti biag dagiti kapammatiantayo.—Prov. 22:3.