3. Kasanom a maikkan iti oras ti panagbasam iti Biblia?

Kasla kadi awan orasmo nga agbasa iti Biblia? Adu kadatayo ti kasta ti marikriknana. Ikagumaam nga ‘usaren ti tiempom iti kasayaatan a pamay-an.’ (Efeso 5:16) Maaramidmo dayta no mangyeskediulka iti espesipiko nga oras iti kada aldaw nga agbasa iti Biblia. Kayat ti dadduma a basaen ti Biblia iti bigbigat. Sabali met nga oras ti kayat ti dadduma, mabalin a bayat ti lunch break-da. Dadduma met, agbasada iti Biblia iti rabii sakbay a maturogda. Sika met ngay, ania ti kasayaatan nga oras para kenka?

3. Agpaidalanka iti Biblia

VIDEO: Agpaidalanka Kadagiti Prinsipio ti Biblia (5:54)

• Ania ti wayawaya nga agpili?

• Apay nga inikkannatayo ni Jehova iti wayawaya nga agpili?

• Ania ti intedna a makatulong kadatayo tapno umiso dagiti desisiontayo?

Tapno makitam ti maysa a prinsipio ti Biblia, basaen ti Efeso 5:15, 16. Kalpasanna, pagsaritaan no kasanom nga ‘usaren ti tiempom iti kasayaatan a pamay-an’ tapno . . .

• regular a mabasam ti Biblia.

• agbalinka a nasaysayaat nga asawa, nagannak, wenno anak.

• makaatenderka kadagiti gimong ti kongregasion.

2. Apay nga importante a kontrolentayo ti oras nga us-usarentayo nga aglinglingay?

Uray no nasayaat ti paglinglingayantayo, saan koma a sobra ti us-usarentayo nga oras para iti dayta. Ngamin, baka awanen ti orastayo para kadagiti mas importante a bambanag. Parparegtaennatayo ti Biblia nga ‘usarentayo ti tiempotayo iti kasayaatan a pamay-an.’​—Basaen ti Efeso 5:15, 16.

4. Usarem a naimbag ti orasmo

VIDEO: Ania ti Mangib-ibus iti Orasmo? (2:45)

• Uray no saan a dakes ti buybuyaen ti kabsat iti video, ania ti epekto kenkuana ti adu nga oras nga us-usarenna nga aglinglingay?

Basaen ti Filipos 1:10, sa pagsaritaan daytoy a saludsod:

• Kasano a makatulong daytoy a teksto tapno ammotayo no kasano kaadu nga oras ti usarentayo nga aglinglingay?