• Ania ti Makatulong Kenka Tapno Maitultuloymo ti Agadal iti Biblia?
    Agbiagka a Naragsak iti Agnanayon!—Leksion iti Biblia a Makatulong Kenka

    • 4. Iprioridadmo ti panagadalmo iti Biblia

      No dadduma, kasla nakaad-adu ti ar-aramidem isu nga awanen ti orasmo nga agadal iti Biblia. Ania ti makatulong? Basaen ti Filipos 1:10, sa pagsaritaan dagitoy a saludsod:

      • Para kenka, ania dagiti “napatpateg a bambanag” iti biag?

      • Kasanom a pagbalinen a prioridad ti panagadal iti Biblia?

      A. Collage: Ladawan a mangipakita iti pagkargaan a maikkan iti batbato ken darat. 1. Sangabunton a darat ken dadakkel a bato. 2. Pagkargaan a dandani mapno iti darat. 3. Naiparabaw dagiti dadakkel a bato iti darat ngem adda saan a naikarga. B. Collage: 1. Ti isu met la a sangabunton a darat ken dadakkel a bato. 2. Ti isu met la a pagkargaan a napno iti bato. 3. Naikabil ti dandani amin a darat iti pagkargaan. Adda la bassit a saan nga immanay.

      1. No ikabilmo nga umuna ti darat iti pagkargaan, sa ikabilmo dagiti bato, saanmo a maikabil ti amin a bato

      2. No ikargam nga umuna dagiti bato, maikabilmo ti dandani amin a darat. Kasta met, no iyun-unam iti biagmo dagiti “napatpateg a bambanag,” maaramidmonto dagita ken addanto pay panawenmo para iti dadduma a banag

      No agadaltayo iti Biblia, mapennek ti naespirituan a kasapulantayo​—ti panagkasapulantayo a mangam-ammo ken mangidaydayaw iti Dios. Basaen ti Mateo 5:3, sa pagsaritaan daytoy a saludsod:

      • Ania ti pagsayaatanna no iprioridadtayo ti agadal iti Biblia?