“Ti kinapudno maipapan iti Dios ket sinukatan [dagiti ulbod a relihion] iti kinaulbod.” (Roma 1:25) Kas pagarigan, saan nga isursuro ti kaaduan a relihion kadagiti miembroda ti nagan ti Dios. Nupay kasta, ibagbaga ti Biblia a masapul nga usarentayo ti nagan ti Dios. (Roma 10:13, 14) No adda dakes a mapasamak, ibagbaga ti dadduma a lider ti relihion a pagayatan ti Dios dayta. Ngem kinaulbod dayta. Saan a ti Dios ti makingapuanan iti kinadakes. (Basaen ti Santiago 1:13.) Makapaliday ta gapu kadagita a kinaulbod, marigatan dagiti tattao a mangayat iti Dios.

4. Ti makimbasol iti panagrigrigattayo

Adu ti mamati a konkontrolen ti Dios ti intero a lubong. Agpayso kadi dayta? I-play ti VIDEO.

VIDEO: Asino ti Mangkonkontrol iti Lubong? (1:24)

Basaen ti Santiago 1:13 ken 1 Juan 5:19, sa pagsaritaan daytoy a saludsod:

• Basol kadi ti Dios ti panagrigrigat ken kinadakes?