• “Makidangadangkay a Sipipinget Maipaay iti Pammati”!
    Ti Pagwanawanan—1998 | Hunio 1

    • 5. Makinpadto idi un-unana ti inadaw ni Judas, ket kasano nga inyebkas daydi a padto ti sigurado a kaitungpalanna?

      5 Iti ud-udina, tinukoy ni Judas ti ad-adda pay a nasaklaw a panangukom. Inadawna ti padto ni Enoc​—sasao a di masarakan iti aniaman a paset ti naipaltiing a Kasuratan.a (Judas 14, 15) Impadto ni Enoc ti tiempo a panangukom ni Jehova kadagiti amin a nadangkes ken dagiti dakes nga aramidda. Makapainteres, nagsao ni Enoc iti wagas a napasamaken ti imbagana, ta dagiti panangukom ti Dios ket sigurado a dumteng a kas man la napasamakdan. Mabalin a rinabrabak dagiti tattao ni Enoc ken idi kamaudiananna ni Noe, ngem nalmes amin dagidi a managuyaw iti sangalubongan a Layus.

  • “Makidangadangkay a Sipipinget Maipaay iti Pammati”!
    Ti Pagwanawanan—1998 | Hunio 1

    • a Kuna ti dadduma a managsirarak a nagadaw ni Judas iti apokripal a Book of Enoch, Nupay kasta, kuna ni R. C. H. Lenski: “Maisaludsodtayo: ‘Ania ti gubuayan daytoy a tugpatugpa a gapuanan, ti Book of Enoch?’ Daytoy a libro ket nainayon, ket awan ti makasinunuo kadagiti petsa ti nagduduma a pasetna . . . ; awan ti makasigurado a ti dadduma kadagiti saona ket, nalabit, saan a naggapu ken Judas a mismo.”