Agtalinaedtayo a Napudno

1. Ayatentay ni Jehova;

Napudnotay kenkuana.

Kas Saksi a dedikado,

Ammuentay bilbilinna.

No balakadnat’ suroten,

Saantay a maiwawa.

Ni Jehova ket napudno;

Agtalektay kenkuana.

2. Nasinged ken napudnotay

Kadagiti kakabsat.

Intay agsisinnaranay

Iti tiempo ti rigat.

Kakabsat ket padayawan,

Raemen, ken pagtalkan.

Napudnotay kadakuada;

Ditayo suminsina.

3. Napudnotay iti amin

A pastor ni Jehova.

Naimpusuan nga agtulnog;

Paidalan kadakuada.

Ket ipaay ni Jehova

Bendision ken bilegna.

Ti anamong ken ayatna

Magun-od ti napudno.