Dagiti Saludsod a Mausar iti Panagadal iti Ti Librok Dagiti Estoria ti Biblia

Estoria 1

1. Naggapuan ti amin a naimbag a banag, ken makaitedka kadi iti pagarigan?

2. Ania ti immuna nga inaramid ti Dios?

3. Apay a naisangsangayan ti umuna nga anghel?

4. Ania ti langa ti daga idi punganay? (Kitaem ti ladawan.)

5. Kasano nga insagana ti Dios ti daga a pagyanan dagiti animal ken tattao?

Kanayonan a salsaludsod:

1. Basaenyo ti Jeremias 10:12.

   Ania dagiti kualidad ti Dios a makita iti parsuana? (Isa. 40:26; Roma 11:33)

2. Basaenyo ti Colosas 1:15-17.

   Ania ti akem ni Jesus iti panamarsua, ket kasano koma ti panangmatmattayo kenkuana gapu iti daytoy? (Col. 1:15-17)

3. Basaenyo ti Genesis 1:1-10.

   1. Kasano a timmaud ti daga? (Gen. 1:1)

   2. Ania ti napaadda iti umuna nga aldaw ti panamarsua? (Gen. 1:3-5)

   3. Ilawlawagmo no ania ti napasamak bayat ti maikadua nga aldaw ti panamarsua. (Gen. 1:7, 8)

Estoria 2

1. Ania ti inaramid ti Dios tapno maisagana ti daga a pagtaengantayo?

2. Inaganam ti nadumaduma nga animal nga inaramid ti Dios. (Kitaem ti ladawan.)

3. Apay a naisangsangayan ti hardin ti Eden?

4. Ania ti kayat ti Dios a pagbalinan ti daga?

Kanayonan a salsaludsod:

1. Basaenyo ti Genesis 1:11-25.

   1. Ania ti inaramid ti Dios iti maikatlo nga aldaw ti panamarsua? (Gen. 1:12)

   2. Ania ti napaadda iti maikapat nga aldaw ti panamarsua? (Gen. 1:16)

   3. Aniada a kita ti animal ti inaramid ti Dios iti maikalima ken maikanem nga aldaw? (Gen. 1:20, 21, 25)

2. Basaenyo ti Genesis 2:8, 9.

   Ania ti dua a naisangsangayan a kayo nga inkabil ti Dios iti hardin, ket ania ti isimboloda?

Estoria 3

1. Ania ti nagdumaan dagiti ladawan iti maikatlo ken maikadua nga estoria?

2. Siasino ti nangaramid iti immuna a lalaki, ket ania ti nagan ti lalaki?

3. Ania a trabaho ti inted ti Dios ken ni Adan?

4. Apay a ti Dios pinaturogna ni Adan iti nauneg?

5. Kasano koma ti kapaut ti panagbiag da Adan ken Eva, ken ania a trabaho ti kayat ni Jehova nga aramidenda?

Kanayonan salsaludsod:

1. Basaenyo ti Salmo 83:18.

   Ania ti nagan ti Dios, ket ania ti naisangsangayan a saadna iti intero a daga? (Jer. 16:21; Dan. 4:17)

2. Basaenyo ti Genesis 1:26-31.

   1. Ania ti maudi a pinarsua ti Dios iti maikanem nga aldaw, ket kasano a naiduma daytoy kadagiti animal? (Gen. 1:26)

   2. Ania ti inted ni Jehova kadagiti tao ken animal? (Gen. 1:30)

3. Basaenyo ti Genesis 2:7-25.

   1. Ania ti nairaman iti annongen ni Adan a mangnagan kadagiti animal? (Gen. 2:19)

   2. Kasanonatayo a tulongan ti Genesis 2:24 a mangtarus iti panangmatmat ni Jehova iti panagasawa, panagsina, ken diborsio? (Mat. 19:4-6, 9)

Estoria 4

1. Iti ladawan, ania ti mapaspasamak kada Adan ken Eva?

2. Apay a dinusa ida ni Jehova?

3. Ania ti imbaga ti uleg ken ni Eva?

4. Siasino ti namagsao iti uleg?

5. Apay a napukaw da Adan ken Eva ti Paraiso a pagtaenganda?

Kanayonan a salsaludsod:

1. Basaenyo ti Genesis 2:16, 17 ken 3:1-13, 24.

   1. Kasano a ti saludsod ti serpiente ken ni Eva pinadakesna ni Jehova? (Gen. 3:1-5; 1 Juan 5:3)

   2. Kasano nga agserbi a pakaballaagantayo ni Eva? (Fil. 4:8; Sant. 1:14, 15; 1 Juan 2:16)

   3. Kasano nga inkalintegan da Adan ken Eva ti basolda? (Gen. 3:12, 13)

   4. Kasano a dagiti kerubin nga adda iti daya ti hardin ti Eden intandudoda ti kinasoberano ni Jehova? (Gen. 3:24)

2. Basaenyo ti Apocalipsis 12:9.

   Kasano kaballigi ni Satanas iti panangitallikudna kadagiti tattao maibusor iti turay ti Dios? (1 Juan 5:19)

Estoria 5

1. Ania ti kasasaad da Adan ken Eva iti ruar ti hardin ti Eden?

2. Ania ti nangrugi a mapasamak kada Adan ken Eva, ken apay?

3. Apay a lumakay ken matay dagiti annak da Adan ken Eva?

4. No nagtulnog koma da Adan ken Eva ken ni Jehova, ania koma ti kasasaadda ken dagiti annakda?

5. Kasano a nagrigat ni Eva gapu iti kinasukirna?

6. Ania ti nagan dagiti immuna a dua nga annak da Adan ken Eva?

7. Siasino dagiti dadduma pay nga ubbing iti ladawan?

Kanayonan a salsaludsod:

1. Basaenyo ti Genesis 3:16-23 ken 4:1, 2.

   1. Kasano a naapektaran ti biag ni Adan gapu ti lunod iti daga? (Gen. 3:17-19; Roma 8:20, 22)

   2. Apay a maitutop ti nagan nga Eva, a kaipapananna “Daydiay Sibibiag”? (Gen. 3:20)

   3. Kasano a nangipakita ni Jehova iti konsiderasion kada Adan ken Eva uray pay kalpasan ti panagbasolda? (Gen. 3:7, 21)

2. Basaenyo ti Apocalipsis 21:3, 4.

   Ania dagiti “immuna a bambanag” a padpadaanam nga aglabas?

Estoria 6

1. Ania ti trabaho da Cain ken Abel?

2. Ania dagiti sagut nga inyeg da Cain ken Abel ken ni Jehova?

3. Apay a naay-ayo ni Jehova iti sagut ni Abel, ken apay a saan a naay-ayo iti sagut ni Cain?

4. Ania a kita ti tao ni Cain, ket kasano a pinadas ni Jehova nga ilinteg ni Cain?

5. Ania ti inaramid ni Cain idi duduadan ken ni Abel idiay kataltalonan?

6. Ania ti napasamak ken ni Cain kalpasan a pinapatayna ti kabsatna?

Kanayonan a salsaludsod:

1. Basaenyo ti Genesis 4:2-26.

   1. Kasano nga inladawan ni Jehova ti napeggad a sasaaden ni Cain? (Gen. 4:7)

   2. Kasano nga impakita ni Cain no ania ti adda iti pusona? (Gen. 4:9)

   3. Ania ti panangmatmat ni Jehova iti panangpapatay iti awan basolna? (Gen. 4:10; Isa. 26:21)

2. Basaenyo ti 1 Juan 3:11, 12.

   1. Apay a nakapungtot unay ni Cain, ket kasano nga agserbi daytoy kas pakdaar kadatayo ita? (Gen. 4:4, 5; Prov. 14:30; 28:22)

   2. Kasano nga ipakita ti Biblia nga uray no dagiti kameng ti pamiliatayo ket busorenda ni Jehova, makapagtalinaedtayo latta a natarnaw? (Sal. 27:10; Mat. 10:21, 22)

3. Basaenyo ti Juan 11:25.

   Ania ti inkari ni Jehova kadagiti amin a matay maigapu iti kinalinteg? (Juan 5:24)

Estoria 7

1. Kasano a naiduma ni Enoc?

2. Apay a nagaramid iti adu a kinadakes dagiti tattao idi kaaldawan ni Enoc?

3. Ania a kinadakes ti ar-aramiden dagiti tattao? (Kitaem ti ladawan.)

4. Apay a masapul nga agbalin a natured ni Enoc?

5. Kasano kaatiddog ti biag dagiti tattao idi, ngem kasano kapaut ti biag ni Enoc?

6. Ania ti napasamak kalpasan ti ipapatay ni Enoc?

Kanayonan a salsaludsod:

1. Basaenyo ti Genesis 5:21-24, 27.

   1. Ania a kita ti relasion ti adda iti nagbaetan da Enoc ken Jehova? (Gen. 5:24)

   2. Sigun iti Biblia, siasino ti tao a kapautan a nagbiag, ket mano ti tawenna idi natay? (Gen. 5:27)

2. Basaenyo ti Genesis 6:5.

   Kasano kadakes ti kasasaad ti daga kalpasan ti ipapatay ni Enoc, ket kasano a maipada daytoy iti kaaldawantayo? (2 Tim. 3:13)

3. Basaenyo ti Hebreo 11:5.

   Ania a kualidad ni Enoc ti ‘nangay-ayo a naan-anay iti Dios,’ ket ania ti resultana? (Gen. 5:22)

4. Basaenyo ti Judas 14, 15.

   Kasano a matulad dagiti Kristiano ita ti kinatured ni Enoc iti panangpakdaarda kadagiti tattao maipapan iti um-umay a gubat ti Armagedon? (2 Tim. 4:2; Heb. 13:6)

Estoria 8

1. Ania ti napasamak idi dimngeg ken ni Satanas dagiti dadduma nga anghel ti Dios?

2. Apay a dagiti dadduma nga anghel bimmabada ditoy daga?

3. Apay a saan nga umiso nga umay dagiti anghel ditoy daga ken mangaramidda iti bagbagi ti tao para kadakuada?

4. Ania ti nakaidumaan dagiti annak dagiti anghel?

5. Kas makitam iti ladawan, ania ti inaramid dagiti annak dagiti anghel idi nagbalinda a higante?

6. Kalpasan ni Enoc, siasino ti naimbag a tao a nagbiag ditoy daga, ket apay a kaay-ayo ti Dios?

Kanayonan a salsaludsod:

1. Basaenyo ti Genesis 6:1-8.

   Kas ipakita ti Genesis 6:6, kasano nga apektaran ti kababalintayo ti rikna ni Jehova? (Sal. 78:40, 41; Prov. 27:11)

2. Basaenyo ti Judas 6.

   Ania ti maadaltayo ita kadagiti anghel idi kaaldawan ni Noe a “saan a nangtaginayon iti nakaisigudan a kasasaadda”? (1 Cor. 3:5-9; 2 Ped. 2:4, 9, 10)

Estoria 9

1. Mano ti kameng ti pamilia ni Noe, ket ania ti nagan dagiti tallo nga annakna?

2. Ania ti karkarna nga impaaramid ti Dios ken ni Noe, ken apay?

3. Ania ti inaramid dagiti kaarruba ni Noe idi imbaga ni Noe kadakuada ti maipapan iti daong?

4. Ania ti imbaga ti Dios nga aramiden ni Noe kadagiti animal?

5. Kalpasan a pinunitan ti Dios ti ruangan ti daong, ania ti masapul nga aramiden ni Noe ken ti pamiliana?

Kanayonan a salsaludsod:

1. Basaenyo ti Genesis 6:9-22.

   1. Apay a naisangsangayan ni Noe a managdaydayaw iti pudno a Dios? (Gen. 6:9, 22)

   2. Ania ti panangmatmat ni Jehova iti kinaranggas, ket kasano koma nga apektaran daytoy ti panangpilitayo iti paglinglingayan? (Gen. 6:11, 12; Sal. 11:5)

   3. Kasanotayo a matulad ni Noe no adda dagiti bilin nga aggapu ken ni Jehova babaen ti organisasionna? (Gen. 6:22; 1 Juan 5:3)

2. Basaenyo ti Genesis 7:1-9.

   Nupay imperpekto a tao ni Noe, isu ket imbilang ni Jehova a nalinteg. Kasano a makapabileg daytoy kadatayo ita? (Gen. 7:1; Prov. 10:16; Isa. 26:7)

Estoria 10

1. Apay nga awanen ti makastrek iti daong idi mangrugin nga agtudo?

2. Mano nga aldaw ken rabii a nagtudtudo, ket kasano kangato ti danum?

3. Ania ti napasamak iti daong idi mangrugin a ngumato ti danum?

4. Nakalasat kadi dagiti higante iti layus, ket ania ti nagbalinan dagiti ammada?

5. Ania ti napasamak iti daong kalpasan ti lima a bulan?

6. Apay a nangibulos ni Noe iti wak?

7. Kasano nga ammo ni Noe nga immes-esen ti danum?

8. Kalpasan ti nasurok a makatawen a nagyan iti daong da Noe ken ti pamiliana, ania ti imbaga ti Dios ken ni Noe?

Kanayonan a salsaludsod:

1. Basaenyo ti Genesis 7:10-24.

   1. Kasano kasaknap ti pannakadadael ti biag ditoy daga? (Gen. 7:23)

   2. Kasano kapaut nga immes-es ti danum? (Gen. 7:24)

2. Basaenyo ti Genesis 8:1-17.

   Kasano nga ipakita ti Genesis 8:17 a saan a nagbalbaliw ti orihinal a panggep ni Jehova iti daga? (Gen. 1:22)

3. Basaenyo ti 1 Pedro 3:19, 20.

   1. Ania ti dusa dagiti rebelioso nga anghel idi nagsublida idiay langit? (Judas 6)

   2. Kasano a ti salaysay maipapan ken ni Noe ken ti pamiliana patibkerenna ti panagtalektayo iti abilidad ni Jehova a mangisalakan kadagiti adipenna? (2 Ped. 2:9)

Estoria 11

1. Kas makitam iti ladawan, ania ti inaramid ni Noe idi rimmuar iti daong?

2. Kalpasan ti layus, ania a bilin ti inted ti Dios ken ni Noe ken ti pamiliana?

3. Ania ti inkari ti Dios?

4. Ania ti malagiptayo no makakitatayo iti bullalayaw?

Kanayonan a salsaludsod:

1. Basaenyo ti Genesis 8:18-22.

   1. Kasanotayo a makapataud ita iti “makabang-ar a sayamusom” ken ni Jehova? (Gen. 8:21; Heb. 13:15, 16)

   2. Ania ti napaliiw ni Jehova maipapan iti kasasaad ti puso dagiti tattao, ket ngarud, ania ti rumbeng a pagannadantayo? (Gen. 8:21; Mat. 15:18, 19)

2. Basaenyo ti Genesis 9:9-17.

   1. Ania ti intulag ni Jehova kadagiti amin a parsua ditoy daga? (Gen. 9:10, 11)

   2. Agingga iti kaano a maipatungpal ti tulag mainaig iti bullalayaw? (Gen. 9:16)

Estoria 12

1. Siasino ni Nimrod, ket kasano ti panagrikna ti Dios kenkuana?

2. Iti ladawan, apay nga agar-aramid dagiti tattao iti ladrilio?

3. Apay a saan a naay-ayo ni Jehova iti daytoy a panagbangon?

4. Kasano a pinasardeng ni Jehova ti pannakaibangon ti torre?

5. Ania ti nayawag iti siudad, ket ania ti kayat a sawen dayta a nagan?

6. Ania ti napasamak kadagiti tattao idi a ti Dios pinagdudumana ti pagsasaoda?

Kanayonan a salsaludsod:

1. Basaenyo ti Genesis 10:1, 8-10.

   Ania a kababalin ti imparangarang ni Nimrod, ket ania a pakdaar ti ipaay daytoy kadatayo? (Prov. 3:31)

2. Basaenyo ti Genesis 11:1-9.

   Apay a nangbangonda iti torre, ngem apay a napaay daytoy? (Gen. 11:4; Prov. 16:18; Juan 5:44)

Estoria 13

1. Ania a kita ti tattao ti agnanaed iti siudad ti Ur?

2. Siasino ti lalaki iti ladawan, kaano a nayanak, ken pagnanaedanna?

3. Ania ti imbaga ti Dios nga aramiden ni Abraham?

4. Apay a naawagan ni Abraham a gayyem ti Dios?

5. Siasino ti kimmuyog ken ni Abraham idi pinanawanna ti Ur?

6. Ania ti kinuna ti Dios ken ni Abraham idi nakadanon iti daga a Canaan?

7. Ania ti inkari ti Dios idi agtawenen iti 99 ni Abraham?

Kanayonan a salsaludsod:

1. Basaenyo ti Genesis 11:27-32.

   1. Agkapin-ano da Abraham ken Lot? (Gen. 11:27)

   2. Nupay ni Tare ti naibaga a nangipan iti pamiliana idiay Canaan, kasanotayo nga ammo a ni Abraham ti talaga a nangyussuat iti daytoy nga iyaakar, ken apay? (Gen. 11:31; Ara. 7:2-4)

2. Basaenyo ti Genesis 12:1-7.

   Ania ti innayon ni Jehova iti Abrahamiko a tulag idi nakadanon ni Abraham idiay Canaan? (Gen. 12:7)

3. Basaenyo ti Genesis 17:1-8, 15-17.

   1. Idi agtawenen iti 99 ni Abram, ania ti naisukat iti naganna, ken apay? (Gen. 17:5)

   2. Aniada a bendision iti masanguanan ti inkari ni Jehova ken ni Sara? (Gen. 17:15, 16)

4. Basaenyo ti Genesis 18:9-19.

   1. Iti Genesis 18:19, ania dagiti responsabilidad dagiti amma? (Deut. 6:6, 7; Efe. 6:4)

   2. Ania ti inaramid ni Sara a mangipakita nga awan ti mailimedtayo ken ni Jehova? (Gen. 18:12, 15; Sal. 44:21)

Estoria 14

1. Ania ti inkari ti Dios ken ni Abraham, ket kasanona a tinungpal ti karina?

2. Kas makitam iti ladawan, kasano a sinuot ti Dios ti pammati ni Abraham?

3. Ania ti inaramid ni Abraham uray no dina maawatan no apay nga imbilin ti Dios daytoy?

4. Ania ti napasamak idi a ni Abraham papatayenna koman ti anakna?

5. Kasano kadakkel ti pammati ni Abraham iti Dios?

6. Ania ti inted ti Dios nga idaton ni Abraham, ken kasano?

Kanayonan a salsaludsod:

1. Basaenyo ti Genesis 21:1-7.

   Idi walo nga aldawen ni Isaac, apay a kinugit ni Abraham? (Gen. 17:10-12; 21:4)

2. Basaenyo ti Genesis 22:1-18.

   Kasano a nagpasakup ni Isaac iti amana a ni Abraham, ket kasano nga iladawan daytoy ti napatpateg a pasamak iti masanguanan? (Gen. 22:7-9; 1 Cor. 5:7; Fil. 2:8, 9)

Estoria 15

1. Apay a nagsina da Abraham ken Lot?

2. Apay a pinili ni Lot ti agnaed idiay Sodoma?

3. Ania a kita ti tattao dagiti agnanaed idiay Sodoma?

4. Ania a pakdaar ti inted ti dua nga anghel ken ni Lot?

5. Apay a nagbalin a teddek ti asin ti asawa ni Lot?

6. Ania ti maadaltayo iti asawa ni Lot?

Kanayonan a salsaludsod:

1. Basaenyo ti Genesis 13:5-13.

   Ania ti maadaltayo ken ni Abraham no maipapan iti panangrisut iti parikut iti nagbaetan dagiti tattao? (Gen. 13:8, 9; Roma 12:10; Fil. 2:3, 4)

2. Basaenyo ti Genesis 18:20-33.

   Kasano a ti pannakilangen ni Jehova ken ni Abraham ipatalgedna kadatayo a mangukomto a sililinteg da Jehova ken Jesus? (Gen. 18:25, 26; Mat. 25:31-33)

3. Basaenyo ti Genesis 19:1-29.

   1. Ania ti isuro daytoy a salaysay ti Biblia maipapan iti panangmatmat ti Dios iti homoseksualidad? (Gen. 19:5, 13; Lev. 20:13)

   2. Ania ti nagdumaan da Lot ken Abraham no iti wagas a panagtungpalda iti bilin ti Dios, ket ania ti maadaltayo iti daytoy? (Gen. 19:15, 16, 19, 20; 22:3)

4. Basaenyo ti Lucas 17:28-32.

   Ania ti adda iti puso ti asawa ni Lot maipapan kadagiti material a banag, ket kasano a pakaballaagantayo daytoy? (Luc. 12:15; 17:31, 32; Mat. 6:19-21, 25)

5. Basaenyo ti 2 Pedro 2:6-8.

   Kas panangtulad ken ni Lot, ania koma ti kababalintayo iti dakes a lubong a nanglikmut kadatayo? (Ezeq. 9:4; 1 Juan 2:15-17)

Estoria 16

1. Siasino ti lalaki ken ti babai iti ladawan?

2. Ania ti inaramid ni Abraham tapno makaala iti agbalin nga asawa ti anakna, ken apay?

3. Kasano a nasungbatan ti kararag ti adipen ni Abraham?

4. Kasano a nagtignay ni Rebecca idi inanamongan ni Laban ti pannakiasawana ken ni Isaac?

5. Ania ti nangparagsak manen ken ni Isaac?

Kanayonan a salsaludsod:

1. Basaenyo ti Genesis 24:1-67.

   1. Ania dagiti nagsayaat a galad nga imparangarang ni Rebecca idi naam-ammona ti adipen ni Abraham iti bubon? (Gen. 24:17-20; Prov. 31:17, 31)

   2. Ti urnos ni Abraham para ken ni Isaac ket mangipaay iti ania a nagsayaat nga ehemplo kadagiti Kristiano ita? (Gen. 24:37, 38; 1 Cor. 7:39; 2 Cor. 6:14)

   3. Apay nga iwayaantayo ti agmennamenna, kas iti inaramid ni Isaac? (Gen. 24:63; Sal. 77:12; Fil. 4:8)

Estoria 17

1. Siasino da Esau ken Jacob, ket ania ti nagdumaanda?

2. Mano ti tawen da Esau ken Jacob idi natay ni apongda nga Abraham?

3. Ania ti inaramid ni Esau a nangpaleddaang unay kada nanang ken tatangna?

4. Apay a nakapungtot unay ni Esau iti kabsatna a ni Jacob?

5. Ania ti imbilin ni Isaac iti anakna a ni Jacob?

Kanayonan a salsaludsod:

1. Basaenyo ti Genesis 25:5-11, 20-34.

   1. Ania ti impadto ni Jehova maipapan kadagiti dua nga annak ni Rebecca? (Gen. 25:23)

   2. Ania ti nagdumaan ti kababalin da Jacob ken Esau maipapan iti kalintegan iti pannakayanak? (Gen. 25:31-34)

2. Basaenyo ti Genesis 26:34, 35; 27:1-46; ken 28:1-5.

   1. Kasano a nabatad nga awan ti panangipateg ni Esau kadagiti naespirituan a banag? (Gen. 26:34, 35; 27:46)

   2. Ania ti imbaga ni Isaac nga aramiden ni Jacob tapno awatenna ti pamendision ti Dios? (Gen. 28:1-4)

3. Basaenyo ti Hebreo 12:16, 17.

   Kas ipakita ti ulidan ni Esau, ania ti pagbanagan dagidiay mangumsi kadagiti sagrado a banag?

Estoria 18

1. Siasino ti babai iti ladawan, ket ania ti inaramid kenkuana ni Jacob?

2. Ania ti situtulok nga aramiden ni Jacob tapno maasawana ni Raquel?

3. Ania ti inaramid ni Laban idi nadanonen ti panawen a panagkasar da Jacob ken Raquel?

4. Tapno maasawana ni Raquel, immanamong ni Jacob a mangaramid iti ania?

Kanayonan a salsaludsod:

1. Basaenyo ti Genesis 29:1-30.

   1. Uray no inallilaw ni Laban, kasano nga impakita ni Jacob nga isu ket natakneng, ket ania ti masursurotayo iti daytoy? (Gen. 25:27; 29:26-28; Mat. 5:37)

   2. Kasano nga ipakita ti ulidan ni Jacob ti nagdumaan ti ayat ken pannakakayaw? (Gen. 29:18, 20, 30; Sol. 8:6)

   3. Siasino dagiti uppat a babbai a nagbalin nga assawa ni Jacob a nangipasngay kenkuana kadagiti annak a lalaki idi agangay? (Gen. 29:23, 24, 28, 29)

Estoria 19

1. Ania ti nagan dagiti innem nga annak a lalaki ni Jacob iti umuna nga asawana a ni Lea?

2. Siasino dagiti dua nga annak a lalaki nga impasngay ken Jacob ti adipen ni Lea a ni Zilpa?

3. Ania ti nagan dagiti dua nga annak a lalaki nga impasngay ken Jacob ti adipen ni Raquel a ni Bilha?

4. Siasino dagiti dua nga annak a lalaki nga impasngay ni Raquel, ngem ania ti napasamak idi nayanak ti maikadua nga anakna?

5. Iti ladawan, mano ti annak a lallaki ni Jacob, ket ania ti timmaud kadakuada?

Kanayonan a salsaludsod:

1. Basaenyo ti Genesis 29:32-35; 30:1-26; ken 35:16-19.

   Kas ipasimudaag iti kaso dagiti 12 nga annak a lallaki ni Jacob, kasano a mapanaganan dagiti Hebreo a lallaki idi un-unana?

2. Basaenyo ti Genesis 37:35.

   Nupay ni Dina laeng ti nainaganan iti Biblia, kasanotay nga ammo a saan laeng a maymaysa ti anak a babai ni Jacob? (Gen. 37:34, 35)

Estoria 20

1. Apay a saan a kayat da Abraham ken Isaac a mangasawa dagiti annakda kadagiti babbai a taga Canaan?

2. Kayat kadi ni Jacob a makigayyem ti balasangna kadagiti babbai a taga Canaan?

3. Iti ladawan, siasino ti lalaki a kumitkita ken ni Dina, ket ania ti dakes nga inaramidna?

4. Ania ti inaramid dagiti kakabsat ni Dina a da Simeon ken Levi idi nadamagda ti napasamak?

5. Kayat kadi ni Jacob ti inaramid da Simeon ken Levi?

6. Kasano a nangrugi amin daytoy a gulo?

Kanayonan a salsaludsod:

1. Basaenyo ti Genesis 34:1-31.

   1. Naminsan laeng kadi a nakikadua ni Dina kadagiti babbalasang idiay Canaan? Ilawlawagmo. (Gen. 34:1)

   2. Apay nga adda met basol ni Dina iti pannakapukaw ti kinabirhenna? (Gal. 6:7)

   3. Kasano a maipakita dagiti agtutubo ita a saanda a tultuladen ni Dina? (Prov. 13:20; 1 Cor. 15:33; 1 Juan 5:19)

Estoria 21

1. Apay a nagimon dagiti kakabsat ni Jose, ket ania ti inaramidda?

2. Ania ti kayat dagiti kakabsat ni Jose nga aramiden kenkuana, ngem ania ti imbaga ni Ruben?

3. Ania ti napasamak idi immay dagiti negosiante nga Ismaelita?

4. Ania ti inaramid dagiti kakabsat ni Jose tapno mamati ti amada a natayen ni Jose?

Kanayonan a salsaludsod:

1. Basaenyo ti Genesis 37:1-35.

   1. Kasano a matulad dagiti Kristiano ti ulidan ni Jose babaen ti panangibagada kadagiti agar-aramid iti di umiso iti kongregasion? (Gen. 37:2; Lev. 5:1; 1 Cor. 1:11)

   2. Ania ti nangtignay kadagiti kakabsat ni Jose a makilangen a sigugulib kenkuana? (Gen. 37:11, 18; Prov. 27:4; Sant. 3:14-16)

   3. Ania ti inaramid ni Jacob a gagangay a paset ti panagladingit? (Gen. 37:35)

Estoria 22

1. Mano ti tawen ni Jose idi naipan idiay Egipto, ket ania ti napasamak idi nakadanon sadiay?

2. Apay a naibalud ni Jose?

3. Ania ti akem ni Jose idiay pagbaludan?

4. Iti pagbaludan, ania ti inaramid ni Jose iti mamakpakan ken iti agtintinnapay ni Paraon?

5. Ania ti napasamak idi nawayawayaan ti mamakpakan?

Kanayonan a salsaludsod:

1. Basaenyo ti Genesis 39:1-23.

   Tangay awan ti naisurat a linteg ti Dios a mangkondenar iti pannakikamalala idi kaaldawan ni Jose, apay a tinarayan ni Jose ti asawa ni Potifar? (Gen. 2:24; 20:3; 39:9)

2. Basaenyo ti Genesis 40:1-23.

   1. Ilawlawagmo iti apagbiit ti tagtagainep ti mamakpakan, wenno agaw-awit iti kopa, ken ti kaipapananna nga inted ni Jehova ken ni Jose. (Gen. 40:9-13)

   2. Ania ti tagtagainep ti agtintinapay, wenno panadero, ket ania ti kaipapananna? (Gen. 40:16-19)

   3. Kasano a tinulad ti klase matalek ken masirib nga adipen ita ti kababalin ni Jose? (Gen. 40:8; Sal. 36:9; Juan 17:17; Ara. 17:2, 3)

   4. Kasano nga ipakita ti Genesis 40:20 no ania ti panangmatmat dagiti Kristiano iti panangrambak iti kasangay? (Ecl. 7:1; Mar. 6:21-28)

Estoria 23

1. Ania ti napasamak ken ni Paraon iti maysa a rabii?

2. Apay a ti mamakpakan nalagipna met laeng ni Jose?

3. Kas makitam iti ladawan, ania dagiti dua a tagtagainep ni Paraon?

4. Ania ti imbaga ni Jose a kaipapanan dagiti tagtagainep ni Paraon?

5. Kasano a nagbalin ni Jose kas sumarsaruno ken ni Paraon a katan-okan a tao idiay Egipto?

6. Apay a napan dagiti kakabsat ni Jose idiay Egipto, ket apay a saanda a nabigbig ni Jose?

7. Ania a tagtagainep ti nalagip ni Jose, ket ania ti naawatanna?

Kanayonan a salsaludsod:

1. Basaenyo ti Genesis 41:1-57.

   1. Kasano nga inturong ni Jose ti atension ken ni Jehova, ket iti ania a pamay-an a matulad dayta dagiti Kristiano ita? (Gen. 41:16, 25, 28; Mat. 5:16; 1 Ped. 2:12)

   2. Kasano a dagiti tawen ti kinawadwad idiay Egipto a sinaruno dagiti tawen ti bisin siuumiso a paggidiatenna ti naespirituan a kasasaad dagiti adipen ni Jehova ita ken ti Kakristianuan? (Gen. 41:29, 30; Amos 8:11, 12)

2. Basaenyo ti Genesis 42:1-8 ken 50:20.

   Maiparit kadi kadagiti agdaydayaw ken ni Jehova ti agruknoy iti tao kas pammadayaw ken panangraem iti saadna no dayta ket kaugalian iti maysa a pagilian? (Gen. 42:6)

Estoria 24

1. Apay a pinabasol ni Jose dagiti kakabsatna kas espia?

2. Apay nga impalubos ni Jacob a mapan idiay Egipto ti inaudi nga anakna a ni Benjamin?

3. Kasano a naikabil iti supot ni Benjamin ti pirak a kopa ni Jose?

4. Ania ti imbaga ni Juda tapno mawayawayaan ni Benjamin?

5. Kasano a nagbalbaliw dagiti kakabsat ni Jose?

Kanayonan a salsaludsod:

1. Basaenyo ti Genesis 42:9-38.

   Kasano a dagiti sasao ni Jose iti Genesis 42:18 ket nagsayaat a palagip kadagidiay addaan iti annongen iti organisasion ni Jehova ita? (Neh. 5:15; 2 Cor. 7:1, 2)

2. Basaenyo ti Genesis 43:1-34.

   1. Nupay ni Ruben ti inauna, apay a ni Juda ti nagsao para kadagiti kakabsatna? (Gen. 43:3, 8, 9; 44:14, 18; 1 Cron. 5:2)

   2. Kasano a sinubok ni Jose dagiti kakabsatna, ken apay? (Gen. 43:33, 34)

3. Basaenyo ti Genesis 44:1-34.

   1. Kas paset ti panangallilaw ni Jose a mangilimed iti kinasiasinona kadagiti kakabsatna, ania ti pinagparang ni Jose? (Gen. 44:5, 15; Lev. 19:26)

   2. Kasano nga impakita dagiti kakabsat ni Jose a saandan a managimon iti kabsatda? (Gen. 44:13, 33, 34)

Estoria 25

1. Ania ti napasamak idi inyam-ammo ni Jose ti bagina kadagiti kakabsatna?

2. Ania ti siaasi nga inlawlawag ni Jose kadagiti kakabsatna?

3. Ania ti imbaga ni Paraon idi nangngegna ti maipapan kadagiti kakabsat ni Jose?

4. Mano ti dagup ti pamilia ni Jacob idi immakarda idiay Egipto?

5. Ania ti nayawag iti pamilia ni Jacob, ken apay?

Kanayonan a salsaludsod:

1. Basaenyo ti Genesis 45:1-28.

   Kasano nga ipakita ti salaysay ti Biblia maipapan ken ni Jose a ni Jehova mapagbalinna a nasayaat ti dakes koma a pagtungpalan dagiti adipenna? (Gen. 45:5-8; Isa. 8:10; Fil. 1:12-14)

2. Basaenyo ti Genesis 46:1-27.

   Ania a pammatalged ti inted ni Jehova ken ni Jacob idi agturongda idiay Egipto? (Gen. 46:1-4)

Estoria 26

1. Siasino ni Job?

2. Ania ti pinadpadas nga aramiden ni Satanas, ngem nabaelanna kadi?

3. Ania ti impalubos ni Jehova nga aramiden ni Satanas, ken apay?

4. Apay a ti asawa ni Job imbagana ken ni Job nga ‘ilunodna ti Dios ket matayen’? (Kitaem ti ladawan.)

5. Kas makitam iti maikadua a ladawan, kasano a ni Jehova binendisionanna ni Job, ken apay?

6. No agmatalektayo ken ni Jehova a kas ken Job, ania a gunggona ti awatentayto?

Kanayonan a salsaludsod:

1. Basaenyo ti Job 1:1-22.

   Kasano a matulad dagiti Kristiano iti kaaldawantayo ni Job? (Job 1:1; Fil. 2:15; 2 Ped. 3:14)

2. Basaenyo ti Job 2:1-13.

   Kasano a nagduma ti reaksion ni Job ken ti asawana iti panangidadanes ni Satanas? (Job 2:9, 10; Prov. 19:3; Mik. 7:7; Mal. 3:14)

3. Basaenyo ti Job 42:10-17.

   1. Ania dagiti nagpadaan ti gunggona nga inawat ni Job ken ti gunggona nga inawat ni Jesus gapu iti kinamatalekda? (Job 42:12; Fil. 2:9-11)

   2. Kasanotayo a mapabileg kadagiti gunggona nga inawat ni Job gapu iti panagtalinaedna a natarnaw iti Dios? (Job 42:10, 12; Heb. 6:10; Sant. 1:2-4, 12; 5:11)

Estoria 27

1. Iti ladawan, siasino ti lalaki nga agig-iggem iti pagbaut, ket siasino ti babautenna?

2. Idi natay ni Jose, ania ti napasamak kadagiti Israelita?

3. Apay a nagamak dagiti Egipcio kadagiti Israelita?

4. Ania ti imbaga ni Paraon kadagiti babbai a tumultulong kadagiti Israelita nga inna no aganakda?

Kanayonan a salsaludsod:

1. Basaenyo ti Exodo 1:6-22.

   1. Kasano nga inrugi ni Jehova a tungpalen ti karina ken ni Abraham? (Ex. 1:7; Gen. 12:2; Ara. 7:17)

   2. Kasano a rinaem dagiti Hebreo a mammaltot ti kinasagrado ti biag? (Ex. 1:17; Gen. 9:6)

   3. Kasano a nagunggonaan dagiti mammaltot gapu iti kinamatalekda ken ni Jehova? (Ex. 1:20, 21; Prov. 19:17)

   4. Kasano a pinadpadas ni Satanas a tungdayen ti panggep ni Jehova maipapan iti naikari a Bin-i ni Abraham? (Ex. 1:22; Mat. 2:16)

Estoria 28

1. Siasino ti ubing iti ladawan, ken makin-ramay ti petpetpetanna?

2. Ania ti inaramid ti ina ni Moises tapno saan a matay ni Moises?

3. Iti ladawan, siasino ti balasitang, ken ania ti inaramidna?

4. Ania ti imbaga ni Miriam idi a ti balasang ni Paraon nakitana ti ubing?

5. Ania ti imbaga ti prinsesa iti ina ni Moises?

Kanayonan a saludsod:

1. Basaenyo ti Exodo 2:1-10.

   Ania nga oportunidad ti naited iti ina ni Moises a mangsanay ken mangisuro ken ni Moises bayat ti kinamaladagana, ket ania nga ulidan ti ipaay daytoy kadagiti nagannak ita? (Ex. 2:9, 10; Deut. 6:6-9; Prov. 22:6; Efe. 6:4; 2 Tim. 3:15)

Estoria 29

1. Dimmakkelan ni Moises, ngem ania ti ammona maipapan kadagiti nagannak kenkuana?

2. Ania ti inaramid ni Moises idi agtawenen iti 40?

3. Ania ti imbaga ni Moises iti Israelita a lalaki a makiap-apa, ket ania ti insungbat ti lalaki?

4. Apay a nagtalaw ni Moises idiay Egipto?

5. Nagtarayan ni Moises, ket siasino ti nasarakanna sadiay?

6. Ania ti inaramid ni Moises bayat ti 40 a tawen kalpasan ti ipapanawna idiay Egipto?

Kanayonan a salsaludsod:

1. Basaenyo ti Exodo 2:11-25.

   Nupay adu a tawen a nasursuruan ni Moises iti sirib dagiti Egipcio, kasano nga impakita ni Moises ti kinasungdona ken ni Jehova ken kadagiti padana nga Israelita? (Ex. 2:11, 12; Heb. 11:24)

2. Basaenyo ti Aramid 7:22-29.

   Ania ti masursurotayo iti panangpadas ni Moises nga is-isuna a mangispal iti Israel idiay Egipto a nakaadipenanda? (Ara. 7:23-25; 1 Ped. 5:6, 10)

Estoria 30

1. Ania ti nagan ti bantay iti ladawan?

2. Ania ti karkarna a nakita ni Moises idi napan idiay bantay a kaduana dagiti karnerona?

3. Ania ti kuna ti timek a naggapu iti dumardarang a kayo, ken makintimek iti dayta?

4. Ania ti insungbat ni Moises idi imbaga kenkuana ti Dios nga isu ti mangiruar kadagiti adipen ti Dios idiay Egipto?

5. Ania ti imbaga ti Dios nga isungbat ni Moises no damagen dagiti tattao no siasino ti nangibaon kenkuana?

6. Kasano a mapaneknekan ni Moises a ti Dios ti nangibaon kenkuana?

Kanayonan a salsaludsod:

1. Basaenyo ti Exodo 3:1-22.

   Kasano a ti kapadasan ni Moises ipatalgedna kadatayo a tulongannatayo ni Jehova uray no mariknatayo a saantayo a kualipikado a mangitungpal iti teokratiko nga annongen? (Ex. 3:11, 13; 2 Cor. 3:5, 6)

2. Basaenyo ti Exodo 4:1-20.

   1. Ania ti napasamak a panagbalbaliw iti kababalin ni Moises bayat ti 40 a tawen a panagyanna idiay Midian, ket ania ti maadal iti daytoy dagidiay gumawgaw-at kadagiti pribilehio iti kongregasion? (Ex. 2:11, 12; 4:10, 13; Mik. 6:8; 1 Tim. 3:1, 6, 10)

   2. Uray no disiplinaennatayo ni Jehova babaen ti organisasionna, ania a panagtalek ti maadaltayo iti ehemplo ni Moises? (Ex. 4:12-14; Sal. 103:14; Heb. 12:4-11)

Estoria 31

1. Ania ti epektona kadagiti Israelita dagiti milagro nga inaramid da Moises ken Aaron?

2. Ania ti imbaga da Moises ken Aaron ken ni Paraon, ngem ania ti kuna ni Paraon?

3. Kas makitam iti ladawan, ania ti napasamak idi impuruak ni Aaron ti sarukodna?

4. Kasano a lineksionan ni Jehova ni Paraon, ket ania ti inaramid ni Paraon?

5. Ania ti napasamak kalpasan ti maikasangapulo a saplit?

Kanayonan a salsaludsod:

1. Basaenyo ti Exodo 4:27-31 ken 5:1-23.

   Ania ti kayat a sawen ni Paraon idi kinunana: “Diak a pulos am-ammo ni Jehova”? (Ex. 5:2; 1 Sam. 2:12; Roma 1:21)

2. Basaenyo ti Exodo 6:1-13, 26-30.

   1. Iti ania nga anag a saan nga inyam-ammo ni Jehova ti bagina kada Abraham, Isaac, ken Jacob? (Ex. 3:13, 14; 6:3; Gen. 12:8)

   2. Ania ti makunatayo iti panangusar latta ni Jehova ken ni Moises, uray no narikna ni Moises a saan a kualipikado iti naituding a trabahona? (Ex. 6:12, 30; Luc. 21:13-15)

3. Basaenyo ti Exodo 7:1-13.

   1. Idi situtured nga imbaga da Moises ken Aaron dagiti pangngeddeng ni Jehova ken ni Paraon, ania a padron ti impaayda kadagiti adipen ti Dios ita? (Ex. 7:2, 3, 6; Ara. 4:29-31)

   2. Kasano nga impakita ni Jehova nga isu ket natantan-ok ngem kadagiti didiosen iti Egipto? (Ex. 7:12; 1 Cron. 29:12)

Estoria 32

1. Kas makitam kadagiti ladawan, ania ti umuna a tallo a saplit nga inyeg ni Jehova iti Egipto?

2. Ania ti nakaidumaan ti umuna a tallo a saplit kadagiti dadduma a saplit?

3. Ania ti maikapat, maikalima, ken maikanem a saplit?

4. Ania ti maikapito, maikawalo, ken maikasiam a saplit?

5. Ania ti imbaga ni Jehova nga aramiden dagiti Israelita sakbay ti maikasangapulo a saplit?

6. Ania ti maikasangapulo a saplit, ket ania ti napasamak kalpasan dayta?

Kanayonan a salsaludsod:

1. Basaenyo ti Exodo 7:19–8:23.

   1. Nupay ti immuna a dua a saplit nga inyeg ni Jehova ket natulad dagiti salamangkero ti Egipto, ania ti kapilitan a binigbigda kalpasan ti maikatlo a saplit? (Ex. 8:18, 19; Mat. 12:24-28)

   2. Kasano nga imparangarang ti maikapat a saplit ti pannakabalin ni Jehova a mangsalaknib kadagiti adipenna, ket kasano a ti pannakaammo iti daytoy pabilgenna dagiti adipen ti Dios bayat nga umad-adani ti “dakkel a rigat”? (Ex. 8:22, 23; Apoc. 7:13, 14; 2 Cron. 16:9)

2. Basaenyo ti Exodo 8:24; 9:3, 6, 10, 11, 14, 16, 23-25; ken 10:13-15, 21-23.

   1. Ania a dua a grupo ti inlatak ti Sangapulo a Saplit, ket kasano nga apektaran daytoy ti panangmatmattayo kadagita a grupo iti kaaldawantayo? (Ex. 8:10, 18, 19; 9:14)

   2. Kasanonatayo a tulongan ti Exodo 9:16 a mangtarus no apay nga impalubos ni Jehova nga agtalinaed ni Satanas agingga ita? (Roma 9:21, 22)

3. Basaenyo ti Exodo 12:21-32.

   Kasano nga adu ti maisalakan gapu iti Paskua, ket ania ti iladladawan ti Paskua? (Ex. 12:21-23; Juan 1:29; Roma 5:18, 19, 21; 1 Cor. 5:7)

Estoria 33

1. Mano nga Israelita a lallaki, babbai, ken ubbing ti pimmanaw idiay Egipto, ket siasino ti kimmuyog kadakuada?

2. Ania ti narikna ni Paraon kalpasan a pinalubosanna a pumanaw dagiti Israelita, ket ania ti inaramidna?

3. Ania ti inaramid ni Jehova tapno dagiti Egipcio saanda a maraut dagiti Israelita?

4. Ania ti napasamak idi inyunnat ni Moises ti sarukodna iti Nalabaga a Baybay, ket ania ti inaramid dagiti Israelita?

5. Ania ti napasamak kadagiti Egipcio idi naggarasugasda iti baybay a kumamat kadagiti Israelita?

6. Kasano nga impakita dagiti Israelita a naragsak ken agyamanda ken ni Jehova gapu ta naisalakanda?

Kanayonan a salsaludsod:

1. Basaenyo ti Exodo 12:33-36.

   Iti adu a tawen a panangadipen dagiti Egipcio kadagiti Israelita, kasano a sinigurado ni Jehova a masupapakan dagiti adipenna? (Ex. 3:21, 22; 12:35, 36)

2. Basaenyo ti Exodo 14:1-31.

   Kasano a dagiti sasao ni Moises a nailanad iti Exodo 14:13, 14 apektaranna dagiti adipen ni Jehova ita bayat a padpadaananda ti gubat ti Armagedon? (2 Cron. 20:17; Sal. 91:8)

3. Basaenyo ti Exodo 15:1-8, 20, 21.

   1. Apay a dagiti adipen ni Jehova rebbeng nga agkantada iti pammadayaw kenkuana? (Ex. 15:1, 2; Sal. 105:2, 3; Apoc. 15:3, 4)

   2. Ania nga ulidan iti panangidayaw ken ni Jehova ti impasdek da Miriam ken dagiti babbai iti Nalabaga a Baybay para kadagiti Kristiano a babbai iti kaaldawantayo? (Ex. 15:20, 21; Sal. 68:11)

Estoria 34

1. Iti ladawan, ania ti pidpiduten dagiti tattao, ket ania ti awag iti dayta?

2. Ania ti imbaga ni Moises maipapan iti panangpidut dagiti tattao iti mana?

3. Ania ti imbaga ni Jehova nga aramiden dagiti tattao iti maikanem nga aldaw, ken apay?

4. Ania a milagro ti inaramid ni Jehova idi a dagiti tattao indulinda ti mana para iti maikapito nga aldaw?

5. Kasano kapaut a pinakan ni Jehova dagiti tattaona iti mana?

Kanayonan a salsaludsod:

1. Basaenyo ti Exodo 16:1-36 ken Numeros 11:7-9.

   1. Ania ti ipakita ti Exodo 16:8 maipapan iti panangraemtayo kadagiti nadutokan iti teokratiko a pamay-an iti kongregasion Kristiano? (Heb. 13:17)

   2. Iti let-ang, kasano nga inaldaw a napalagipan dagiti Israelita maipapan iti panagpannurayda ken ni Jehova? (Ex. 16:14-16, 35; Deut. 8:2, 3)

   3. Ania ti inted ni Jesus a simboliko a kaipapanan ti mana, ket kasanotayo a magunggonaan iti daytoy a “tinapay manipud langit”? (Juan 6:31-35, 40)

2. Basaenyo ti Josue 5:10-12.

   Mano a tawen a nangan dagiti Israelita iti mana, kasano a nasubokda iti daytoy, ken ania ti maadaltayo iti daytoy a salaysay? (Ex. 16:35; Num. 11:4-6; 1 Cor. 10:10, 11)

Estoria 35

1. Agarup dua a bulan kalpasan ti ipapanawda idiay Egipto, nagkampamentuan dagiti Israelita?

2. Ania ti imbaga ni Jehova a kayatna nga aramiden dagiti adipenna, ket ania ti sungbatda?

3. Apay a ni Jehova inikkanna ni Moises iti dua a tapi ti batbato?

4. Malaksid iti Sangapulo a Bilbilin, ania ti dadduma pay a linteg nga inted ni Jehova kadagiti Israelita?

5. Ania ti dua a linteg nga imbaga ni Jesu-Kristo a kadakkelan?

Kanayonan a salsaludsod:

1. Basaenyo ti Exodo 19:1-25; 20:1-21; 24:12-18; ken 31:18.

   Kasano a dagiti sasao a nairekord iti Exodo 19:8 tulongannatayo a mangtarus no ania ti nairaman iti panangaramid iti Nakristianuan a dedikasion? (Mat. 16:24; 1 Ped. 4:1-3)

2. Basaenyo ti Deuteronomio 6:4-6; Levitico 19:18; ken Mateo 22:36-40.

   Kasano nga iparangarang dagiti Kristiano ti ayatda iti Dios ken iti kaarruba? (Mar. 6:34; Ara. 4:20; Roma 15:2)

Estoria 36

1. Iti ladawan, ania ti ar-aramiden dagiti tattao, ken apay?

2. Apay a nakapungtot ni Jehova, ket ania ti inaramid ni Moises idi nakitana ti ar-aramiden dagiti tattao?

3. Ania ti imbaga ni Moises nga aramiden dagiti dadduma a lallaki?

4. Ania ti masursurotayo iti daytoy nga estoria?

Kanayonan a salsaludsod:

1. Basaenyo ti Exodo 32:1-35.

   1. Kasano nga ipakita daytoy a salaysay ti panangmatmat ni Jehova iti panaglaok ti palso a relihion ken ti pudno a panagdayaw? (Ex. 32:4-6, 10; 1 Cor. 10:7, 11)

   2. Ania ti rumbeng a pagannadan dagiti Kristiano iti panangpilida iti paglinglingayan, kas iti panagkakanta ken panagsasala? (Ex. 32:18, 19; Efe. 5:15, 16; 1 Juan 2:15-17)

   3. Kasano a nangipaay ti tribu ni Levi iti nasayaat nga ulidan iti panangsalimetmet iti kinalinteg? (Ex. 32:25-28; Sal. 18:25)

Estoria 37

1. Ania ti awag iti patakder nga adda iti ladawan, ken ania ti usarna?

2. Apay nga imbaga ni Jehova ken ni Moises a mangaramid iti tabernakulo a nalaka a pagsisinaen?

3. Ania daydiay kahon nga adda iti uneg ti bassit a kuarto idiay ungto ti tolda, ket ania ti nagyanna?

4. Siasino ti pinili ni Jehova nga agbalin a nangato a padi, ket ania ti aramiden ti nangato a padi?

5. Ania dagiti tallo a banag nga adda iti dakdakkel a kuarto iti tolda?

6. Ania dagiti dua a banag nga adda iti paraangan ti tabernakulo, ket ania ti usar dagitoy?

Kanayonan a salsaludsod:

1. Basaenyo ti Exodo 25:8-40; 26:1-37; 27:1-8; ken 28:1.

   Ania ti itakderan dagiti kerubin nga adda iti “rabaw ti lakasa ti pammaneknek”? (Ex. 25:20, 22; Num. 7:89; 2 Ar. 19:15)

2. Basaenyo ti Exodo 30:1-10, 17-21; 34:1, 2; ken Hebreo 9:1-5.

   1. Apay nga impaganetget ni Jehova ti kinapateg ti panangtaginayon iti pisikal a kinadalus kadagiti papadi nga agserserbi iti tabernakulo, ket kasano koma nga apektarannatayo daytoy ita? (Ex. 30:18-21; 40:30, 31; Heb. 10:22)

   2. Kasano nga impakita ni apostol Pablo a saanen a maus-usar ti tabernakulo ken nagpason ti Linteg ti tulag idi tiempo a sinuratanna dagiti Kristiano a Hebreo? (Heb. 9:1, 9; 10:1)

Estoria 38

1. Iti ladawan, ania ti makunam iti sangaraay nga ubas, ken naggappuanna?

2. Apay a nangibaon ni Moises iti 12 nga espia iti daga ti Canaan?

3. Ania ti imbaga dagiti sangapulo nga espia idi nagsublida nga agipadamag ken ni Moises?

4. Kasano nga impakita dagiti dua nga espia ti panagtalekda ken ni Jehova, ket ania ti naganda?

5. Apay a nakapungtot ni Jehova, ket ania ti imbagana ken ni Moises?

Kanayonan a salsaludsod:

1. Basaenyo ti Numeros 13:1-33.

   1. Siasino dagiti napili a mangsimisim iti daga, ket ania ti dakkel a pribilehioda? (Num. 13:2, 3, 18-20)

   2. Apay a ti panangmatmat da Josue ken Caleb ket naiduma kadagiti dadduma pay nga espia, ket ania ti maadaltayo iti daytoy? (Num. 13:28-30; Mat. 17:20; 2 Cor. 5:7)

2. Basaenyo ti Numeros 14:1-38.

   1. Ania a pakdaar ti masapul nga ipangagtayo maipapan iti panagtanabutob maibusor kadagiti pannakabagi ni Jehova ditoy daga? (Num. 14:2, 3, 27; Mat. 25:40, 45; 1 Cor. 10:10)

   2. Kasano nga ipakita ti Numeros 14:24 a personal a maseknan ni Jehova iti tunggal maysa kadagiti adipenna? (1 Ar. 19:18; Prov. 15:3)

Estoria 39

1. Siasino ti bimmusor iti autoridad da Moises ken Aaron, ket ania ti imbagada ken ni Moises?

2. Ania ti imbaga ni Moises nga aramiden da Core ken ti 250 a pasurotna?

3. Ania ti imbaga ni Moises kadagiti tattao, ket ania ti dagus a napasamak?

4. Ania ti napasamak kada Core ken ti 250 a pasurotna?

5. Ania ti naaramid kadagiti paginsensoan dagiti natay a lallaki, ken apay?

6. Apay a pinagsabong ni Jehova ti baston ni Aaron? (Kitaem ti ladawan.)

Kanayonan a salsaludsod:

1. Basaenyo ti Numeros 16:1-49.

   1. Ania ti inaramid da Core ken dagiti pasurotna, ket apay a maysa daytoy a panagalsa ken ni Jehova? (Num. 16:9, 10, 18; Lev. 10:1, 2; Prov. 11:2)

   2. Ania a di umiso a panangmatmat ti pinatanor da Core ken ti 250 a “papanguluen ti gimong”? (Num. 16:1-3; Prov. 15:33; Isa. 49:7)

2. Basaenyo ti Numeros 17:1-11 ken 26:10.

   1. Ania ti ipasimudaag ti panagsaringit ti baston ni Aaron, ken apay nga imbilin ni Jehova a maikabil daytoy iti lakasa? (Num. 17:5, 8, 10)

   2. Ania a napateg a leksion ti masursurotayo iti pagilasinan iti baston ni Aaron? (Num. 17:10; Ara. 20:28; Fil. 2:14; Heb. 13:17)

Estoria 40

1. Kasano nga inaywanan ni Jehova dagiti Israelita bayat ti kaaddada idiay let-ang?

2. Ania ti inreklamo dagiti Israelita idi nagkampoda idiay Cades?

3. Kasano a nangipaay ni Jehova iti danum para kadagiti tattao ken kadagiti animalda?

4. Iti ladawan, siasino ti lalaki a mangitudtudo iti bagina, ket apay nga ar-aramidenna dayta?

5. Apay a nakapungtot ni Jehova kada Moises ken Aaron, ket kasanoda a nadusa?

6. Ania ti napasamak idiay Bantay Hor, ket siasino ti nagbalin a nangato a padi iti Israel?

Kanayonan a salsaludsod:

1. Basaenyo ti Numeros 20:1-13, 22-29 ken Deuteronomio 29:5.

   1. Ania ti masursurotayo iti pamay-an ni Jehova a mangaywan kadagiti Israelita idiay let-ang? (Deut. 29:5; Mat. 6:31; Heb. 13:5; Sant. 1:17)

   2. Kasano a minatmatan ni Jehova ti saan a panangsantipikar kenkuana da Moises ken Aaron iti imatang ti Israel? (Num. 20:12; 1 Cor. 10:12; Apoc. 4:11)

   3. Ania ti masursurotayo iti panangawat ni Moises iti disiplina a naggapu ken Jehova? (Num. 12:3; 20:12, 27, 28; Deut. 32:4; Heb. 12:7-11)

Estoria 41

1. Iti ladawan, ania ti nakakawikaw iti kayo, ket apay nga imbaga ni Jehova ken ni Moises nga ikabilna dayta sadiay?

2. Kasano nga impakita dagiti tattao nga awan panagyamanda iti amin nga inaramid ni Jehova para kadakuada?

3. Ania ti indawat dagiti tattao kalpasan a nangibaon ni Jehova kadagiti makasabidong nga uleg a mangdusa kadakuada?

4. Apay nga imbaga ni Jehova ken ni Moises a mangaramid iti uleg a suer?

5. Ania ti masursurotayo iti daytoy nga estoria?

Kanayonan a salsaludsod:

1. Basaenyo ti Numeros 21:4-9.

   1. Ania a pakdaar ti ipaay kadatayo ti panagtanabutob dagiti Israelita kadagiti probision a naggapu ken Jehova? (Num. 21:5, 6; Roma 2:4)

   2. Kadagiti simmagsaganad a siglo, kasano nga inusar dagiti Israelita ti uleg a suer, ket ania ti inaramid ni Ari Ezekias? (Num. 21:9; 2 Ar. 18:1-4)

2. Basaenyo ti Juan 3:14, 15.

   Kasano a ti pannakaikabil ti uleg a suer iti pagilasinan a teddek iladawanna ti pannakailansa ni Jesu-Kristo? (Gal. 3:13; 1 Ped. 2:24)

Estoria 42

1. Siasino ni Balac, ket apay a pinaayabanna ni Balaam?

2. Apay a nagidda iti dalan ti asno ni Balaam?

3. Ania ti nangngeg ni Balaam nga ibagbaga ti asno?

4. Ania ti imbaga ti maysa nga anghel ken ni Balaam?

5. Ania ti napasamak idi pinadpadas ni Balaam nga ilunod ti Israel?

Kanayonan a salsaludsod:

1. Basaenyo ti Numeros 21:21-35.

   Apay nga inabak ti Israel da Sihon nga ari dagiti Amoreo ken ni Og nga ari iti Basan? (Num. 21:21, 23, 33, 34)

2. Basaenyo ti Numeros 22:1-40.

   Ania ti motibo ni Balaam iti panangpadpadasna a mangilunod iti Israel, ket ania ti masursurotayo iti daytoy? (Num. 22:16, 17; Prov. 6:16, 18; 2 Ped. 2:15; Jud. 11)

3. Basaenyo ti Numeros 23:1-30.

   Nupay nagsao ni Balaam a kas man la agdaydayaw ken ni Jehova, kasano nga impakita dagiti tignayna nga isu ket saan nga agdaydayaw ken ni Jehova? (Num. 23:3, 11-14; 1 Sam. 15:22)

4. Basaenyo ti Numeros 24:1-25.

   Kasano a daytoy a salaysay iti Biblia pabilgenna ti pammatitayo iti pannakaibanag ti panggep ni Jehova? (Num. 24:10; Isa. 54:17)

Estoria 43

1. Iti ladawan, siasino dagiti dua a lallaki nga agtaktakder a kadua ni Moises?

2. Ania ti imbaga ni Jehova ken ni Josue?

3. Apay nga immuli ni Moises idiay tuktok ti Bantay Nebo, ket ania ti imbaga ni Jehova kenkuana?

4. Mano ti tawen ni Moises idi natay?

5. Apay a naladingit dagiti tattao, ngem ania ti panggapuanda nga agragsak?

Kanayonan a salsaludsod:

1. Basaenyo ti Numeros 27:12-23.

   Ania a nadagsen nga annongen ti inted ni Jehova ken ni Josue, ket kasano ti panangaywan ita ni Jehova kadagiti adipenna? (Num. 27:15-19; Ara. 20:28; Heb. 13:7)

2. Basaenyo ti Deuteronomio 3:23-29.

   Apay a saan nga impalubos ni Jehova a makastrek da Moises ken Aaron iti naikari a daga, ket ania ti masursurotayo iti daytoy? (Deut. 3:25-27; Num. 20:12, 13)

3. Basaenyo ti Deuteronomio 31:1-8, 14-23.

   Kasano a ti pammakada a sasao ni Moises iti Israel ipakitana a sipapakumbaba nga inawatna ti disiplina a naggapu ken Jehova? (Deut. 31:6-8, 23)

4. Basaenyo ti Deuteronomio 32:45-52.

   Kasano koma nga apektaran ti Sao ti Dios ti biagtayo? (Deut. 32:47; Lev. 18:5; Heb. 4:12)

5. Basaenyo ti Deuteronomio 34:1-12.

   Nupay saan a personal a nakita ni Moises ni Jehova, ania ti ipasimudaag ti Deuteronomio 34:10 maipapan iti relasionna ken ni Jehova? (Ex. 33:11, 20; Num. 12:8)

Estoria 44

1. Pagnanaedan ni Rahab?

2. Siasino dagiti dua a lallaki iti ladawan, ken apay nga addada idiay Jerico?

3. Ania ti immandar ti ari ti Jerico ken ni Rahab, ngem ania ti insungbat ni Rahab?

4. Kasano a tinulongan ni Rahab dagiti dua a lallaki, ket ania ti kiniddawna?

5. Ania ti inkari dagiti dua nga espia ken ni Rahab?

Kanayonan a salsaludsod:

1. Basaenyo ti Josue 2:1-24.

   Kasano a natungpal ti kari ni Jehova a nairekord iti Exodo 23:28 idi rinaut dagiti Israelita ti Jerico? (Jos. 2:9-11)

2. Basaenyo ti Hebreo 11:31.

   Kasano nga itampok ti ehemplo ni Rahab ti kinapateg ti pammati? (Roma 1:17; Heb. 10:39; Sant. 2:25)

Estoria 45

1. Ania a milagro ti inaramid ni Jehova tapno makaballasiw dagiti Israelita iti Karayan Jordan?

2. Kas pakakitaan ti pammatida, ania ti aramiden dagiti Israelita tapno makaballasiwda iti Karayan Jordan?

3. Apay nga imbaga ni Jehova ken ni Josue a mangpaurnong iti 12 a bato manipud idiay karayan?

4. Ania ti napasamak apaman a nakapanawen dagiti papadi iti Jordan?

Kanayonan a salsaludsod:

1. Basaenyo ti Josue 3:1-17.

   1. Kas ipakita daytoy a salaysay, ania ti nasken nga aramidentayo tapno tulongan ken bendisionannatayo ni Jehova? (Jos. 3:13, 15; Prov. 3:5; Sant. 2:22, 26)

   2. Ania ti kasasaad ti Karayan Jordan idi bimmallasiw dagiti Israelita nga agturong idiay Naikari a Daga, ket kasano nga intan-ok daytoy ti nagan ni Jehova? (Jos. 3:15; 4:18; Sal. 66:5-7)

2. Basaenyo ti Josue 4:1-18.

   Ania ti panggep ti 12 a bato a naala idiay Jordan ken naikabil idiay Gilgal? (Jos. 4:4-7)

Estoria 46

1. Ania ti imbaga ni Jehova nga aramiden dagiti buyot ken dagiti papadi iti uneg ti innem nga aldaw?

2. Ania ti aramidenda iti maikapito nga aldaw?

3. Kas makitam iti ladawan, ania ti mapaspasamak iti bakud ti Jerico?

4. Apay nga adda nalabaga a tali a nakabitin iti bintana?

5. Ania ti imbaga ni Josue nga aramiden dagiti buyotna kadagiti tattao ken iti siudad, ngem ania ti aramidenda kadagiti pirak, balitok, suer, ken landok?

6. Ania ti naibaga nga aramiden dagiti dua nga espia?

Kanayonan a salsaludsod:

1. Basaenyo ti Josue 6:1-25.

   1. Kasano a ti panagmartsa dagiti Israelita iti aglawlaw ti Jerico ket umasping iti panangasaba dagiti Saksi ni Jehova kadagitoy maudi nga aldaw? (Jos. 6:15, 16; Isa. 60:22; Mat. 24:14; 1 Cor. 9:16)

   2. Kasano a natungpal ti padto a nairekord iti Josue 6:26 agarup 500 a tawen kalpasanna, ken ania ti maadaltayo iti daytoy maipapan iti sao ni Jehova? (1 Ar. 16:34; Isa. 55:11)

Estoria 47

1. Iti ladawan, siasino ti lalaki a mangikalkali iti kinabaknang a naala idiay Jerico, ken siasino dagiti tumultulong kenkuana?

2. Apay a nadagsen a basol ti inaramid ni Acan ken ti pamiliana?

3. Ania ti imbaga ni Jehova idi dinamag ni Josue no apay a naabak dagiti Israelita idi nakigubatda iti Ai?

4. Ania ti napasamak kada Acan ken ti pamiliana idi naipanda ken ni Josue?

5. Ania a napateg a leksion ti maadaltayo iti pannakadusa ni Acan?

Kanayonan a salsaludsod:

1. Basaenyo ti Josue 7:1-26.

   1. Ania ti ipalgak dagiti kararag ni Josue maipapan iti relasionna iti Namarsua kenkuana? (Jos. 7:7-9; Sal. 119:145; 1 Juan 5:14)

   2. Ania ti ipakita ti ehemplo ni Acan, ket kasano a pakaballaagantayo daytoy? (Jos. 7:11, 14, 15; Prov. 15:3; 1 Tim. 5:24; Heb. 4:13)

2. Basaenyo ti Josue 8:1-29.

   Ania ti personal a rebbengentayo iti kongregasion Kristiano iti kaaldawantayo? (Jos. 7:13; Lev. 5:1; Prov. 28:13)

Estoria 48

1. Kasano a naiduma dagiti tattao iti Gabaon kadagiti Canaanita nga adda kadagiti asideg a siudad?

2. Iti ladawan, ania ti ar-aramiden dagiti Gabaonita, ken apay?

3. Ania ti inkari ni Josue ken dagiti panguluen ti Israel kadagiti Gabaonita, ngem ania ti naammuanda kalpasan ti tallo nga aldaw?

4. Ania ti napasamak idi nadamag dagiti ari kadagiti dadduma a siudad a nakikappia dagiti Gabaonita iti Israel?

Kanayonan a salsaludsod:

1. Basaenyo ti Josue 9:1-27.

   1. Tangay binilin ni Jehova ti nasion nga Israel a ‘pukawenda dagiti amin nga agnanaed iti daga,’ ania dagiti kualidad nga intampok ti dina panangpapatay kadagiti Gabaonita? (Jos. 9:22, 24; Mat. 9:13; Ara. 10:34, 35; 2 Ped. 3:9)

   2. Babaen ti panangtungpalna iti karina kadagiti Gabaonita, kasano a nangipasdek ni Josue iti nagsayaat nga ulidan kadagiti Kristiano ita? (Jos. 9:18, 19; Mat. 5:37; Efe. 4:25)

2. Basaenyo ti Josue 10:1-5.

   Kasano a ti dakkel a bunggoy ita tultuladenda dagiti Gabaonita, ket ngarud puntiriada iti ania? (Jos. 10:4; Zac. 8:23; Mat. 25:35-40; Apoc. 12:17)

Estoria 49

1. Iti ladawan, ania ti ibagbaga ni Josue, ken apay?

2. Kasano a tinulongan ni Jehova da Josue ken ti buyotna?

3. Mano a dakes nga ar-ari ti inabak ni Josue, ket mano a tawen ti panangparmekna kadakuada?

4. Apay a biningaybingay ni Josue ti daga ti Canaan?

5. Mano ti tawen ni Josue idi natay, ket ania ti napasamak kadagiti tattao kalpasanna?

Kanayonan a salsaludsod:

1. Basaenyo ti Josue 10:6-15.

   Ti pannakaammotayo a pinagintek ni Jehova ti init ken bulan para iti Israel ipanamnamana kadatayo ita ti ania? (Jos. 10:8, 10, 12, 13; Sal. 18:3; Prov. 18:10)

2. Basaenyo ti Josue 12:7-24.

   Siasino ti talaga a nangparmek kadagiti 31 nga ari iti Canaan, ket apay a napateg daytoy kadatayo ita? (Jos. 12:7; 24:11-13; Deut. 31:8; Luc. 21:9, 25-28)

3. Basaenyo ti Josue 14:1-5.

   Kasano a nabingaybingay ti daga kadagiti tribu ti Israel, ket ania ti ipasimudaag daytoy maipapan kadagiti tawidtayo iti Paraiso? (Jos. 14:2; Isa. 65:21; Ezeq. 47:21-23; 1 Cor. 14:33)

4. Basaenyo ti Uk-ukom 2:8-13.

   Kas ken Josue iti Israel, siasino ita ti manglaplapped iti apostasia? (Uk. 2:8, 10, 11; Mat. 24:45-47; 2 Tes. 2:3-6; Tito 1:7-9; Apoc. 1:1; 2:1, 2)

Estoria 50

1. Siasino dagiti uk-ukom, ket ania ti nagan dagiti dadduma kadakuada?

2. Ania ti naisangsangayan a pribilehio ni Debora, ket ania ti nairaman iti daytoy?

3. Idi a ti Israel ket pinangtaan ni Ari Jabin ken ti pangulo ti buyotna a ni Sisera, ania a mensahe a naggapu ken ni Jehova ti indanon ni Debora ken ni Ukom a Barac, ket siasino ti imbagana a mapadayawan?

4. Kasano nga impakita ni Jael nga isu ket natured a babai?

5. Ania ti napasamak kalpasan ti ipapatay ni Ari Jabin?

Kanayonan a salsaludsod:

1. Basaenyo ti Uk-ukom 2:14-22.

   Apay a nakapungtot ni Jehova kadagiti Israelita, ket ania a leksion ti masursurotayo iti daytoy? (Uk. 2:20; Prov. 3:1, 2; Ezeq. 18:21-23)

2. Basaenyo ti Uk-ukom 4:1-24.

   Ania dagiti leksion maipapan iti pammati ken tured ti masursuro dagiti Kristiano a babbai ita iti ulidan da Debora ken Jael? (Uk. 4:4, 8, 9, 14, 21, 22; Prov. 31:30; 1 Cor. 16:13)

3. Basaenyo ti Uk-ukom 5:1-31.

   Kasano a ti kanta ti panagbiktoria da Barac ken Debora ket mabalin nga ibilang kas kararag maipapan iti umad-adanin a gubat ti Har–Magedon? (Uk. 5:3, 31; 1 Cron. 16:8-10; Apoc. 7:9, 10; 16:16; 19:19-21)

Estoria 51

1. Apay a nakapan ni Noemi idiay daga ti Moab?

2. Siasino da Ruth ken Orfa?

3. Kasano a nagtignay da Ruth ken Orfa idi imbaga kadakuada ni Noemi nga agsublida kadagiti kailianda?

4. Siasino ni Booz, ket kasanona a tinulongan da Ruth ken Noemi?

5. Ania ti nagan ti anak da Booz ken Ruth, ket apay a rumbeng a laglagipentayo?

Kanayonan a salsaludsod:

1. Basaenyo ti Ruth 1:1-17.

   1. Ania a nagsayaat nga ebkas ti nasungdo nga ayat ti insawang ni Ruth? (Ruth 1:16, 17)

   2. Kasano a ti panagpampanunot ni Ruth maitutop nga ipakitana ti kababalin dagiti “sabsabali a karnero” kadagiti napulotan ditoy daga iti kaaldawantayo? (Juan 10:16; Zac. 8:23)

2. Basaenyo ti Ruth 2:1-23.

   Kasano a nangipaay ni Ruth iti nagsayaat nga ulidan kadagiti agkabannuag a babbai ita? (Ruth 2:17, 18; Prov. 23:22; 31:15)

3. Basaenyo ti Ruth 3:5-13.

   1. Kasano a minatmatan ni Booz ti situtulok a pannakiasawa kenkuana ni Ruth imbes nga iti ub-ubing a lalaki?

   2. Ania ti maadaltayo iti kababalin ni Ruth maipapan iti nasungdo nga ayat? (Ruth 3:10; 1 Cor. 13:4, 5)

4. Basaenyo ti Ruth 4:7-17.

   Kasano nga agbalin a kas ken Booz dagiti Kristiano a lallaki ita? (Ruth 4:9, 10; 1 Tim. 3:1, 12, 13; 5:8)

Estoria 52

1. Kasano ken apay nga agpegpeggad unay dagiti Israelita?

2. Apay nga imbaga ni Jehova ken ni Gideon nga adu unay ti tattaona?

3. Iti ladawan, ilawlawagmo no kasano a pinagbalin ni Jehova a 300 laeng ti buyot ni Gideon.

4. Kasano nga inorganisar ni Gideon dagiti 300 a buyotna, ket kasano a nangabak ti Israel iti gubat?

Kanayonan a salsaludsod:

1. Basaenyo ti Uk-ukom 6:36-40.

   1. Kasano a sinigurado ni Gideon ti pagayatan ni Jehova?

   2. Kasanotayo a maammuan ita no ania ti pagayatan ni Jehova? (Prov. 2:3-6; Mat. 7:7-11; 2 Tim. 3:16, 17)

2. Basaenyo ti Uk-ukom 7:1-25.

   1. Ania ti masursurotayo kadagiti 300 a nagtalinaed a nasiput no maidilig kadagidiay naliway? (Uk. 7:3, 6; Roma 13:11, 12; Efe. 5:15-17)

   2. Kas iti pannakasursuro dagiti 300 babaen ti panangimatangda ken ni Gideon, kasanotayo a makasursuro babaen ti panangimatangtayo iti Dakdakkel a Gideon, a ni Jesu-Kristo? (Uk. 7:17; Mat. 11:29, 30; 28:19, 20; 1 Ped. 2:21)

   3. Kasano a tulongannatayo ti Uk-ukom 7:21 a makontento nga agserbi iti sadinoman a nangitudingan kadatayo ti organisasion ni Jehova? (1 Cor. 4:2; 12:14-18; Sant. 4:10)

3. Basaenyo ti Uk-ukom 8:1-3.

   No maipapan iti panangtaming kadagiti personal a di pagkinnaawatan iti maysa a kabsat, ania ti masursurotayo iti wagas ni Gideon a nangrisut iti parikut kadagiti Efraimita? (Prov. 15:1; Mat. 5:23, 24; Luc. 9:48)

Estoria 53

1. Siasino ni Jefte, ken iti ania a panawen a nagbiag?

2. Ania ti inkari ni Jefte ken ni Jehova?

3. Apay a naladingitan ni Jefte idi nagawid kalpasan nga inabakna dagiti Ammonita?

4. Ania ti imbaga ti balasang ni Jefte idi naammuanna ti inkari ti amana?

5. Apay nga inayat dagiti tattao ti balasang ni Jefte?

Kanayonan a salsaludsod:

1. Basaenyo ti Uk-ukom 10:6-18.

   Ania a pakdaar ti masapul nga ipangagtayo maipapan iti di kinamatalek ti Israel ken ni Jehova? (Uk. 10:6, 15, 16; Roma 15:4; Apoc. 2:10)

2. Basaenyo ti Uk-ukom 11:1-11, 29-40.

   1. Kasanotayo nga ammo a ti panangted ni Jefte iti balasangna kas “daton a mapuoran” dina kaipapanan nga indatonna babaen ti apuy kas natauan a daton? (Uk. 11:31; Lev. 16:24; Deut. 18:10, 12)

   2. Iti ania a pamay-an nga indaton ni Jefte ti balasangna kas sakripisio?

   3. Ania ti masursurotayo iti panangtungpal ni Jefte iti karina ken ni Jehova? (Uk. 11:35, 39; Ecl. 5:4, 5; Mat. 16:24)

   4. Kasano a ti balasang ni Jefte ket nagsayaat nga ulidan para kadagiti agtutubo a Kristiano iti panagserbi iti amin a tiempo? (Uk. 11:36; Mat. 6:33; Fil. 3:8)

Estoria 54

1. Ania ti nagan ti kapipigsaan a lalaki a nagbiag ditoy daga, ket siasino ti nangted iti pigsana?

2. Iti naminsan, ania ti inaramid ni Samson iti dakkel a leon, kas makitam iti ladawan?

3. Iti ladawan, ania a sekreto ti ibagbaga ni Samson ken ni Dalila, ket kasano a nagtungpal daytoy iti panangtiliw kenkuana dagiti Filisteo?

4. Kasano a pinapatay ni Samson ti 3,000 a kabusor a Filisteo iti aldaw nga ipapatayna?

Kanayonan a salsaludsod:

1. Basaenyo ti Uk-ukom 13:1-14.

   Kasano a nangipaay ni Manoa ken ti asawana iti nagsayaat nga ulidan para kadagiti nagannak iti panangpadakkelda kadagiti annakda? (Uk. 13:8; Sal. 127:3; Efe. 6:4)

2. Basaenyo ti Uk-ukom 14:5-9 ken 15:9-16.

   1. Kasano a ti salaysay maipapan iti panangpapatay ni Samson iti leon, panangpugsatna kadagiti baro a tali a naigalut kenkuana, ken ti panangusarna iti panga ti maysa a kalakian nga asno a mangpapatay iti 1,000 a lallaki ipakitana ti panagtignay ti nasantuan nga espiritu ni Jehova?

   2. Kasanonatayo a tulongan ita ti nasantuan nga espiritu? (Uk. 14:6; 15:14; Zac. 4:6; Ara. 4:31)

3. Basaenyo ti Uk-ukom 16:18-31.

   Kasano a naapektaran ni Samson iti dakes a pannakitimpuyog, ket ania ti masursurotayo iti daytoy? (Uk. 16:18, 19; 1 Cor. 15:33)

Estoria 55

1. Ania ti nagan ti ubing iti ladawan, ket siasino dagiti kakaduana?

2. Ania ti inkararag ni Anna idi naminsan a simmarungkar iti tabernakulo ni Jehova, ket kasano a sinungbatan ni Jehova?

3. Mano ti tawen ni Samuel idi naipan idiay tabernakulo ni Jehova tapno agserbi, ket ania ti tinawen nga ar-aramiden kenkuana ti inana?

4. Ania ti nagan dagiti annak ni Eli, ket aniada a kita ti tattao?

5. Kasano nga inawagan ni Jehova ni Samuel, ket ania ti imbagana kenkuana?

6. Ania ti nagbalinan ni Samuel idi nataenganen, ken ania ti napasamak idi lakayen?

Kanayonan a salsaludsod:

1. Basaenyo ti 1 Samuel 1:1-28.

   1. Ania a nasayaat nga ulidan para kadagiti ulo ti pamilia ti impaay ni Elcana iti panangidaulona iti pudno a panagdayaw? (1 Sam. 1:3, 21; Mat. 6:33; Fil. 1:10)

   2. Ania a leksion ti masursurotayo iti ehemplo ni Anna iti panangtaming iti makaburibor a parikut? (1 Sam. 1:10, 11; Sal. 55:22; Roma 12:12)

2. Basaenyo ti 1 Samuel 2:11-36.

   Kasano nga ad-adda a dinayaw ni Eli dagiti annakna imbes a ni Jehova, ket kasano nga agserbi daytoy kas pakdaar kadatayo? (1 Sam. 2:22-24, 27, 29; Deut. 21:18-21; Mat. 10:36, 37)

3. Basaenyo 1 Samuel 4:16-18.

   Ania dagiti uppat a dakes a damag a naggapu iti pagbabakalan, ket ania ti epekto daytoy ken ni Eli?

4. Basaenyo ti 1 Samuel 8:4-9.

   Kasano a ti Israel pinagrurodna ni Jehova iti kasta unay, ket kasanotayo a masuportaran a sisusungdo ti Pagarianna ita? (1 Sam. 8:5, 7; Juan 17:16; Sant. 4:4)

Estoria 56

1. Iti ladawan, ania ti ar-aramiden ni Samuel, ken apay?

2. Apay a ni Jehova kinayatna ni Saul, ket ania a kita ti tao ni Saul?

3. Ania ti nagan ti anak ni Saul, ket ania ti inaramidna?

4. Apay a nagidaton ni Saul imbes nga urayenna ni Samuel a mangaramid iti daytoy?

5. Ania dagiti leksion a masursurotayo iti salaysay maipapan ken Saul?

Kanayonan a salsaludsod:

1. Basaenyo ti 1 Samuel 9:15-21 ken 10:17-27.

   Kasano a nakatulong ti kinaemma ni Saul tapno saan nga agtignay a sidadarasudos idi awanan panagraem a nagsao dagiti sumagmamano a lallaki iti maipapan kenkuana? (1 Sam. 9:21; 10:21, 22, 27; Prov. 17:27)

2. Basaenyo ti 1 Samuel 13:5-14.

   Ania ti nagbasolan ni Saul idiay Gilgal? (1 Sam. 10:8; 13:8, 9, 13)

3. Basaenyo ti 1 Samuel 15:1-35.

   1. Ania ti nadagsen a nagbasolan ni Saul mainaig ken ni Agag, nga ari ti Amalek? (1 Sam. 15:2, 3, 8, 9, 22)

   2. Kasano a pinadas ni Saul nga ikalintegan dagiti inaramidna ken pinabasolna dagiti dadduma? (1 Sam. 15:24)

   3. Ania a pakdaar ti masapul nga ipangagtayo ita no mabalakadantayo? (1 Sam. 15:19-21; Sal. 141:5; Prov. 9:8, 9; 11:2)

Estoria 57

1. Ania ti nagan ti lalaki iti ladawan, ket kasanotayo nga ammo nga isu ket natured?

2. Pagnanaedan ni David, ket ania ti nagan ti ama ken ti apongna?

3. Apay nga imbaga ni Jehova ken ni Samuel a mapan iti balay ni Isai idiay Betlehem?

4. Ania ti napasamak idi a ni Isai inyegna ken ni Samuel dagiti pito nga annakna?

5. Idi naiyeg ni David, ania ti imbaga ni Jehova ken ni Samuel?

Kanayonan a salsaludsod:

1. Basaenyo ti 1 Samuel 17:34, 35.

   Kasano a dagitoy a pasamak ipaganetgetna ti kinatured ni David ken ti panagtalekna ken ni Jehova? (1 Sam. 17:37)

2. Basaenyo ti 1 Samuel 16:1-14.

   1. Kasano a dagiti sasao ni Jehova iti 1 Samuel 16:7 tulongannatayo nga agbalin a di mangidumduma gapu iti makinruar a langa? (Ara. 10:34, 35; 1 Tim. 2:4)

   2. Kasano nga ipakita ti ehemplo ni Saul a no ikkaten ni Jehova ti nasantuan nga espirituna iti maysa a tao, masuktan dayta iti dakes nga espiritu, wenno iti pagannayasan nga agaramid iti dakes? (1 Sam. 16:14; Mat. 12:43-45; Gal. 5:16)

Estoria 58

1. Ania ti inkarit ni Goliat iti buyot ti Israel?

2. Kasano katayag ni Goliat, ket ania ti inkari ni Ari Saul a gunggona ti lalaki a makapatay ken ni Goliat?

3. Ania ti insungbat ni David idi imbaga kenkuana ni Saul a dina malabanan ni Goliat gapu ta ni David ket maysa laeng nga ubing?

4. Iti sungbatna ken Goliat, kasano nga impakita ni David ti panagtalekna ken ni Jehova?

5. Kas makitam iti ladawan, ania ti inusar ni David a mangpapatay ken ni Goliat, ket ania ti napasamak kadagiti Filisteo kalpasan daytoy?

Kanayonan a salsaludsod:

1. Basaenyo ti 1 Samuel 17:1-54.

   1. Ania ti namagtured ken ni David, ket kasanotayo a matulad ti kinaturedna? (1 Sam. 17:37, 45; Efe. 6:10, 11)

   2. Apay a nasken a liklikan dagiti Kristiano ti makiinnatiw a kas ken ni Goliat no makiramanda kadagiti ay-ayam wenno panaglinglingay? (1 Sam. 17:8; Gal. 5:26; 1 Tim. 4:8)

   3. Kasano nga ipakita dagiti sasao ni David nga isu ket agtalek iti tulong ti Dios? (1 Sam. 17:45-47; 2 Cron. 20:15)

   4. Imbes nga isalaysayna laeng ti panagdangadang dagiti agbimbinnusor a buyot, kasano nga ipakita daytoy a salaysay a ti gubat iti kinapudnona ket maysa a dangadang iti nagbaetan dagiti ulbod a didiosen ken ti pudno a Dios, a ni Jehova? (1 Sam. 17:43, 46, 47)

   5. Kasano a tultuladen dagiti napulotan a natda ti ulidan ni David iti panagtalekna ken ni Jehova? (1 Sam. 17:37; Jer. 1:17-19; Apoc. 12:17)

Estoria 59

1. Apay a nagimon ni Saul ken ni David, ngem kasano a naiduma ti anak ni Saul a ni Jonatan?

2. Maysa nga aldaw, ania ti napasamak bayat nga agtoktokar ni David iti arpa para ken Saul?

3. Ania ti imbaga ni Saul a masapul nga aramiden ni David sakbay a maasawana ti balasang ni Saul a ni Micol, ket apay nga imbaga daytoy ni Saul?

4. Kas ipakita ti ladawan, ania ti napasamak iti maikatlo a gundaway bayat nga agtoktokar ni David iti arpa para ken Saul?

5. Ania ti inaramid ni Micol tapno maispal ti biag ni David, ket ania ti inaramid ni David iti unos ti pito a tawen?

Kanayonan a salsaludsod:

1. Basaenyo ti 1 Samuel 18:1-30.

   1. Kasano a ti di agkupas nga ayat ni Jonatan ken ni David iladawanna ti ayat iti nagbaetan dagiti “sabsabali a karnero” ken ti “bassit nga ipastoran”? (1 Sam. 18:1; Juan 10:16; Luc 12:32; Zac. 8:23)

   2. Nupay ni koma Jonatan ti agtawid iti kinaari ni Saul, kasano nga ipakita ti 1 Samuel 18:4 ti naisangsangayan a panagpasakup ni Jonatan iti napili nga ari?

   3. Kasano nga ipakita ti ehemplo ni Saul a ti imon ket mabalin nga agtungpal iti nadagsen a basol, ket ania a pakdaar ti ipaay daytoy kadatayo? (1 Sam. 18:7-9, 25; Sant. 3:14-16)

2. Basaenyo ti 1 Samuel 19:1-17.

   Kasano nga inrisgo ni Jonatan ti biagna idi kinomprontana ni Saul? (1 Sam. 19:1, 4-6; Prov. 16:4)

Estoria 60

1. Iti ladawan, ania ti nagan ti babai a sumabsabat ken David, ken ania ti kababalinna?

2. Siasino ni Nabal?

3. Apay nga imbaon ni David ti sumagmamano kadagiti tattaona a dumawat iti tulong ni Nabal?

4. Kasano a nagtignay ni Nabal iti imbaga dagiti tattao ni David, ket ania ti inaramid ni David?

5. Kasano nga impakita ni Abigail nga isu ket masirib a babai?

Kanayonan a salsaludsod:

1. Basaenyo ti 1 Samuel 22:1-4.

   Kasano a nangipaay ti pamilia ni David iti nagsayaat a pagwadan no kasanotayo a tulongan ti maysa ken maysa kas agkakabsat a Kristiano? (Prov. 17:17; 1 Tes. 5:14)

2. Basaenyo ti 1 Samuel 25:1-43.

   1. Apay a nagdakes ti pannakailadawan ni Nabal? (1 Sam. 25:2-5, 10, 14, 21, 25)

   2. Ania ti masursuro dagiti Kristiano nga assawa a babbai ita iti ulidan ni Abigail? (1 Sam. 25:32, 33; Prov. 31:26; Efe. 5:24)

   3. Ni Abigail linapdanna ni David nga agaramid iti ania a dua a dakes a banag? (1 Sam. 25:31, 33; Roma 12:19; Efe. 4:26)

   4. Kasano a ti panangipangag ni David kadagiti sasao ni Abigail tulonganna dagiti lallaki ita a mangmatmat kadagiti babbai a kas iti panangmatmat ni Jehova? (Ara. 21:8, 9; Roma 2:11; 1 Ped. 3:7)

Estoria 61

1. Ania ti inaramid da David ken Abisai bayat a matmaturog ni Saul iti nagkampuanna?

2. Ania dagiti insaludsod ni David ken ni Saul?

3. Nagkamangan ni David kalpasan a pinanawanna ni Saul?

4. Ania ti nangpaleddaang unay ken ni David?

5. Mano ti tawen ni David idi nagbalin nga ari idiay Hebron, ket ania ti nagan ti dadduma kadagiti annakna a lallaki?

6. Idi agangay, sadino ti nagturayan ni David kas ari?

Kanayonan a salsaludsod:

1. Basaenyo ti 1 Samuel 26:1-25.

   1. Dagiti sasao ni David a nairekord iti 1 Samuel 26:11 ipakitana ti ania a kababalin maipapan iti teokratiko nga urnos? (Sal. 37:7; Roma 13:2)

   2. No inkagumaantayo ti mangipakita iti naayat a kinamanangngaasi ngem saanda nga inapresiar, kasano a dagiti sasao ni Samuel a masarakan iti 1 Samuel 26:23 tulongannatayo a mangtaginayon iti umiso a panangmatmat? (1 Ar. 8:32; Sal. 18:20)

2. Basaenyo ti 2 Samuel 1:26.

   Kasano a dagiti Kristiano iti kaaldawantayo mapatanorda ti “nasged nga ayat iti maysa ken maysa” a kas kada David ken Jonatan? (1 Ped. 4:8; Col. 3:14; 1 Juan 4:12)

3. Basaenyo ti 2 Samuel 5:1-10.

   1. Mano a tawen a nagturay ni David kas ari, ket kasano a nabingaybingay daytoy a tawen? (2 Sam. 5:4, 5)

   2. Siasino ti namagbalin ken ni David a natan-ok, ket kasano nga agserbi daytoy kas palagip kadatayo ita? (2 Sam. 5:10; 1 Sam. 16:13; 1 Cor. 1:31; Fil. 4:13)

Estoria 62

1. Iti tulong ni Jehova, ania ti nagbanagan met laeng ti daga ti Canaan?

2. Apay a nakapungtot unay ni Jehova ken ni David?

3. Iti ladawan, siasino ti imbaon ni Jehova a mangibaga kadagiti basol ni David, ket ania ti imbaga ti lalaki a mapasamak ken ni David?

4. Ania a riribuk ti dimteng ken David?

5. Kalpasan ni David, siasino ti nagbalin nga ari ti Israel?

Kanayonan a salsaludsod:

1. Basaenyo ti 2 Samuel 11:1-27.

   1. Kasano a maysa a salaknib kadatayo ti panagtalinaed nga okupado iti panagserbi ken ni Jehova?

   2. Apay a nagbasol ni David, ket ania a pakdaar ti ipaay daytoy kadagiti adipen ni Jehova ita? (2 Sam. 11:2; Mat. 5:27-29; 1 Cor. 10:12; Sant. 1:14, 15)

2. Basaenyo ti 2 Samuel 12:1-18.

   1. Ania ti masursuro dagiti panglakayen ken nagannak iti wagas ti panangbalakad ni Natan ken ni David? (2 Sam. 12:1-4; Prov. 12:18; Mat. 13:34)

   2. Apay a naasian ni Jehova ken ni David? (2 Sam. 12:13; Sal. 32:5; 2 Cor. 7:9, 10)

Estoria 63

1. Ania ti insaludsod ni Jehova ken ni Salomon, ket ania ti insungbat ni Salomon?

2. Gapu ta naay-ayo iti inkalikagum ni Salomon, ania ti inkari ni Jehova nga itedna kenkuana?

3. Ania a nadagsen a parikut ti indatag dagiti dua a babbai ken ni Salomon?

4. Kas makitam iti ladawan, ania ti inaramid ni Salomon tapno marisut ti parikut?

5. Kasano ti panagturay ni Salomon, ken apay?

Kanayonan a salsaludsod:

1. Basaenyo ti 1 Ar-ari 3:3-28.

   1. Iti kaaldawantayo, ania ti masursuro dagiti lallaki nga addaan iti responsabilidad iti organisasion ti Dios manipud iti naimpusuan nga ebkas ni Salomon iti 1 Ar-ari 3:7? (Sal. 119:105; Prov. 3:5, 6)

2. Kasano a ti inkalikagum ni Salomon ket maysa a nagsayaat nga ulidan no ania dagiti maitutop a banag nga ikararagtayo? (1 Ar. 3:9, 11; Prov. 30:8, 9; 1 Juan 5:14)

3. Ti panangtaming ni Salomon iti parikut dagiti dua a babbai ipanamnamana kadatayo ti ania maipapan iti panagturay iti masanguanan ti Dakdakkel a Salomon, a ni Jesu-Kristo? (1 Ar. 3:28; Isa. 9:6, 7; 11:2-4)

4. Basaenyo ti 1 Ar-ari 4:29-34.

   1. Kasano a sinungbatan ni Jehova ti kiddaw ni Salomon a maaddaan iti natulnog a puso? (1 Ar. 4:29)

   2. Maipapan iti panangikagumaan dagiti tattao a dumngeg iti kinasirib ni Salomon, ania koma ti kababalintayo iti panagadal iti Sao ti Dios? (1 Ar. 4:29, 34; Juan 17:3; 2 Tim. 3:16)

Estoria 64

1. Kasano kapaut ti panangbangon ni Salomon iti templo ni Jehova?

2. Mano ti kangrunaan a kuarto iti templo, ket ania ti naikabil iti templo?

3. Ania ti imbaga ni Salomon iti kararagna idi nalpasen ti templo?

4. Kasano nga impakita ni Jehova nga isu ket naay-ayo iti kararag ni Salomon?

5. Ania ti imbaga dagiti assawa ni Salomon nga aramidenna, ket ania ti napasamak ken Salomon?

6. Apay a nakapungtot ni Jehova ken ni Salomon, ket ania ti imbaga kenkuana ni Jehova?

Kanayonan a salsaludsod:

1. Basaenyo ti 1 Cronicas 28:9, 10.

   Maipapan iti sasao ni David a nairekord iti 1 Cronicas 28:9, 10, ania ti masapul nga ikagumaantayo nga aramiden iti inaldaw a panagbiagtayo? (Sal. 19:14; Fil. 4:8, 9)

2. Basaenyo ti 2 Cronicas 6:12-21, 32-42.

   1. Kasano nga impakita ni Solomon nga awan ti patakder nga aramid ti tao a makalaon iti Kangatuan a Dios? (2 Cron. 6:18; Ara. 17:24, 25)

   2. Ania ti ipakita dagiti sasao ni Salomon a masarakan iti 2 Cronicas 6:32, 33 maipapan ken Jehova? (Ara. 10:34, 35; Gal. 2:6)

3. Basaenyo ti 2 Cronicas 7:1-5.

   Kas iti pannakatignay dagiti annak ti Israel nga agdayaw ken ni Jehova idi nakitada ti dayagna, kasano koma a maapektarantayo ita no panunotentayo ti panangbendision ni Jehova kadagiti adipenna? (2 Cron. 7:3; Sal. 22:22; 34:1; 96:2)

4. Basaenyo ti 1 Ar-ari 11:9-13.

   Kasano a ti panagbiag ni Salomon ipakitana ti kinapateg ti panagtalinaed a matalek agingga iti panungpalan? (1 Ar. 11:4, 9; Mat. 10:22; Apoc. 2:10)

Estoria 65

1. Ania ti nagan dagiti dua a lallaki iti ladawan, ken siasinoda?

2. Ania ti inaramid ni Ahias iti kawesna, ket ania ti kaipapanan daytoy?

3. Apay a dagiti tattao pinagbalinda ni Jeroboam nga ari iti sangapulo a tribu?

4. Apay a nangaramid ni Jeroboam iti dua a binalitokan a baka, ket ania ti napasamak iti daga kalpasanna?

5. Ania ti napasamak iti dua-tribo a pagarian ken ti templo ni Jehova idiay Jerusalem?

Kanayonan a salsaludsod:

1. Basaenyo ti 1 Ar-ari 11:26-43.

   Ania a kita ti tao ni Jeroboam, ket ania ti inkari kenkuana ni Jehova no salimetmetanna dagiti linteg ti Dios? (1 Ar. 11:28, 38)

2. Basaenyo ti 1 Ar-ari 12:1-33.

   1. Iti dakes nga ulidan ni Roboam, ania ti masursuro dagiti nagannak ken dagiti panglakayen maipapan iti panangabuso iti autoridad? (1 Ar. 12:13; Ecl. 7:7; 1 Ped. 5:2, 3)

   2. Siasino ti rumbeng a pagtalkan ken pagpaiwanwanan dagiti agtutubo ita no mangaramidda kadagiti serioso a desision iti biagda? (1 Ar. 12:6, 7; Prov. 1:8, 9; 2 Tim. 3:16, 17; Heb. 13:7)

   3. Ania ti nangtignay ken ni Jeroboam a mangaramid iti dua a pagdayawan iti sinan-urbon a baka, ket kasano a mangipakita daytoy iti nakaro a kinaawan pammati ken ni Jehova? (1 Ar. 11:37; 12:26-28)

   4. Siasino ti nangidaulo kadagiti tattao iti sangapulo-tribu a pagarian nga umalsa maibusor iti pudno a panagdayaw? (1 Ar. 12:32, 33)

Estoria 66

1. Siasino ni Jezabel?

2. Maysa nga aldaw, apay a maladingitan ni Ari Acab?

3. Ania ti inaramid ni Jezabel tapno maalana ti kaubasan ni Nabot para iti asawana a ni Acab?

4. Siasino ti imbaon ni Jehova a mangdusa ken ni Jezabel?

5. Kas makitam iti ladawan, ania ti napasamak idi simmangpet ni Jehu iti palasio ni Jezabel?

Kanayonan a salsaludsod:

1. Basaenyo ti 1 Ar-ari 16:29-33 ken 18:3, 4.

   Kasano kadakes ti kasasaad ti Israel idi panawen ni Ari Acab? (1 Ar. 14:9)

2. Basaenyo ti 1 Ar-ari 21:1-16.

   1. Kasano a nangipakita ni Nabot iti tured ken kinasungdo ken ni Jehova? (1 Ar. 21:1-3; Lev. 25:23-28)

   2. Manipud iti ehemplo ni Acab, ania ti masursurotayo maipapan iti panangdaer iti pannakapaay? (1 Ar. 21:4; Roma 5:3-5)

3. Basaenyo ti 2 Ar-ari 9:30-37.

   Ania ti masursurotayo iti kinaregta ni Jehu a mangaramid iti pagayatan ni Jehova? (2 Ar. 9:4-10; 2 Cor. 9:1, 2; 2 Tim. 4:2)

Estoria 67

1. Siasino ni Josafat, ket nagbiag iti ania a panawen?

2. Ania ti nangngegan ni Josafat, ket ania ti inaramid ti adu kadagiti Israelita?

3. Ania ti sungbat ni Jehova iti kararag ni Josafat?

4. Ania ti inaramid ni Jehova kadagiti kabusor a soldado?

5. Ania ti masursurotayo ken ni Josafat?

Kanayonan a salsaludsod:

1. Basaenyo ti 2 Cronicas 20:1-30.

   1. Kasano nga impakita ni Josafat no ania ti rumbeng nga aramiden dagiti matalek nga adipen ti Dios no maipasangoda kadagiti nakabutbuteng a kasasaad? (2 Cron. 20:12; Sal. 25:15; 62:1)

   2. Kanayon nga adda us-usaren idi ni Jehova a kalasugan no makisarita kadagiti adipenna. Ania a kalasugan ti us-usarenna ita? (2 Cron. 20:14, 15; Mat. 24:45-47; Juan 15:15)

   3. Inton iyussuat ti Dios ti “gubat ti naindaklan nga aldaw ti Dios a Mannakabalin-amin,” kasano a maipadanto ti situasiontayo iti situasion ni Josafat? (2 Cron. 20:15, 17; 32:8; Apoc. 16:14, 16)

   4. Kas panangtulad kadagiti Levita, ania a tulong ti ipapaay dagiti payunir ken misionero iti sangalubongan a trabaho a panangasaba ita? (2 Cron. 20:19, 21; Roma 10:13-15; 2 Tim. 4:2)

Estoria 68

1. Siasino dagiti tallo a tattao iti ladawan, ken ania ti napasamak iti ubing?

2. Ania ti inkararag ni Elias maipapan iti ubing, ket ania ti napasamak kalpasanna?

3. Ania ti nagan ti katulongan ni Elias?

4. Apay a naayaban ni Eliseo iti balay ti babai idiay Sunem?

5. Ania ti inaramid ni Eliseo, ket ania ti napasamak iti natay nga ubing?

6. Kas makitam iti inaramid da Elias ken Eliseo, ania a pannakabalin ti adda ken Jehova?

Kanayonan a salsaludsod:

1. Basaenyo ti 1 Ar-ari 17:8-24.

   1. Kasano a nasubok ti kinatulnog ken pammati ni Elias? (1 Ar. 17:9; 19:1-4, 10)

   2. Apay a naisangsangayan ti pammati ti balo idiay Sarepta? (1 Ar. 17:12-16; Luc. 4:25, 26)

   3. Kasano a ti kapadasan ti balo idiay Sarepta paneknekanna a pudno dagiti sasao ni Jesus a nailanad iti Mateo 10:41, 42? (1 Ar. 17:10-12, 17, 23, 24)

2. Basaenyo ti 2 Ar-ari 4:8-37.

   1. Ania ti masursurotayo iti babai idiay Sunem maipapan iti kinamanagpadagus? (2 Ar. 4:8; Luc. 6:38; Roma 12:13; 1 Juan 3:17)

   2. Kadagiti ania a pamay-an a maipakitatayo ti kinamanangngaasi kadagiti adipen ti Dios ita? (Ara. 20:35; 28:1, 2; Gal. 6:9, 10; Heb. 6:10)

Estoria 69

1. Iti ladawan, ania ti ibagbaga ti balasitang iti babai?

2. Siasino ti babai iti ladawan, ket ania ti ar-aramiden ti balasitang iti balay ti babai?

3. Ania ti imbilin ni Eliseo iti adipenna nga ibagana ken ni Naaman, ket apay a nakaluksaw ni Naaman?

4. Ania ti napasamak idi dimngeg ni Naaman kadagiti adipenna?

5. Apay a saan nga inawat ni Eliseo ti sagut ni Naaman, ngem ania ti inaramid ni Giezi?

6. Ania ti napasamak ken ni Giezi, ket ania ti masursurotayo iti daytoy?

Kanayonan a salsaludsod:

1. Basaenyo ti 2 Ar-ari 5:1-27.

   1. Kasano a makaparegta kadagiti agtutubo ita ti ehemplo ti balasitang nga Israelita? (2 Ar. 5:3; Sal. 8:2; 148:12, 13)

   2. Apay a nasayaat no laglagipentayo ti ehemplo ni Naaman no maipaayantayo iti Nainkasuratan a balakad? (2 Ar. 5:15; Heb. 12:5, 6; Sant. 4:6)

   3. No pagdumaentayo ti ehemplo da Eliseo ken Giezi, ania dagiti leksion a masursurotayo? (2 Ar. 5:9, 10, 14-16, 20; Mat. 10:8; Ara. 5:1-5; 2 Cor. 2:17)

Estoria 70

1. Siasino ni Jonas, ket ania ti imbaga ni Jehova nga aramidenna?

2. Gapu ta saanna a kayat ti mapan idiay pangibabaonan kenkuana ni Jehova, ania ti inaramid ni Jonas?

3. Ania ti imbaga ni Jonas nga aramiden dagiti tattao tapno sumardeng ti bagyo?

4. Kas makitam iti ladawan, ania ti napasamak idi naitapuaken ni Jonas iti danum?

5. Mano nga aldaw nga adda ni Jonas iti tian ti ikan, ket ania ti inaramidna sadiay?

6. Napanan ni Jonas idi impugso ti dakkel nga ikan, ket ania ti isuro daytoy kadatayo?

Kanayonan a salsaludsod:

1. Basaenyo ti Jonas 1:1-17.

   Ania ti nabatad a karirikna ni Jonas maipapan iti annongenna a mangasaba kadagiti taga Nineve? (Jon. 1:2, 3; Prov. 3:7; Ecl. 8:12)

2. Basaenyo ti Jonas 2:1, 2, 10.

   Kasano a ti kapadasan ni Jonas ipanamnamana kadatayo a sungbatan ni Jehova dagiti kararagtayo? (Sal. 22:24; 34:6; 1 Juan 5:14)

3. Basaenyo ti Jonas 3:1-10.

   1. Ni Jonas ket inusar latta ni Jehova nupay nagkedked idi a mangitungpal iti annongenna. Kasanotayo a maparegta iti daytoy? (Sal. 103:14; 1 Ped. 5:10)

   2. Iti kapadasan ni Jonas kadagiti taga Nineve, ania ti maadaltayo maipapan iti panangukom kadagiti tattao iti teritoriatayo? (Jon. 3:6-9; Ecl. 11:6; Ara. 13:48)

Estoria 71

1. Siasino ni Isaias, kaano a nagbiag, ken ania ti impakita kenkuana ni Jehova?

2. Ania ti kayat a sawen ti sao a “paraiso,” ket ania ti ipalagip daytoy kenka?

3. Ania ti imbaga ni Jehova nga isurat ni Isaias maipapan iti baro a Paraiso?

4. Apay a napukaw da Adan ken Eva ti napintas a pagtaenganda?

5. Ania ti inkari ni Jehova kadagidiay mangay-ayat kenkuana?

Kanayonan a salsaludsod:

1. Basaenyo ti Isaias 11:6-9.

   1. Kasano nga ipakita ti Sao ti Dios nga addanto talna iti nagbaetan dagiti animal ken dagiti tattao iti baro a lubong? (Sal. 148:10, 13; Isa. 65:25; Ezeq. 34:25)

   2. Iti naespirituan a pamay-an, kasano a matungtungpal dagiti sasao ni Isaias kadagiti adipen ni Jehova ita? (Roma 12:2; Efe. 4:23, 24)

   3. Siasino ti rumbeng a mapadayawan iti panagbalbaliw dagiti tattao ita ken iti baro a lubong? (Isa. 48:17, 18; Gal. 5:22, 23; Fil. 4:7)

2. Basaenyo ti Apocalipsis 21:3, 4.

   1. Kasano nga ipakita ti Kasuratan a ti pannakipagnaed ti Dios iti sangatauan kaipapananna a piguratibo, saan a pisikal, ti kaaddana ditoy daga? (Lev. 26:11, 12; 2 Cron. 6:18; Isa. 66:1; Apoc. 21:2, 3, 22-24)

   2. Ania a kita ti lulua ken ut-ot ti mapukawto? (Luc. 8:49-52; Roma 8:21, 22; Apoc. 21:4)

Estoria 72

1. Siasino ti lalaki iti ladawan, ken apay nga isu ket adda iti dakkel a pakarigatan?

2. Ania dagiti surat nga inkabil ni Ezekias iti sango ti altar ni Jehova, ket ania ti inkararag ni Ezekias?

3. Ania a kita ti ari ni Ezekias, ket ania a mensahe ti impaibaga kenkuana ni Jehova babaen ken mammadto nga Isaias?

4. Kas makitam iti ladawan, ania ti inaramid ti anghel ni Jehova kadagiti Asirio?

5. Nupay adda apagbiit a talna iti dua-tribo a pagarian, ania ti napasamak kalpasan ti ipapatay ni Ezekias?

Kanayonan a salsaludsod:

1. Basaenyo ti 2 Ar-ari 18:1-36.

   1. Kasano a ti pannakangiwat ti Asiria a ni Rabsaque pinadpadasna a pakapuyen ti pammati dagiti Israelita? (2 Ar. 18:19, 21; Ex. 5:2; Sal. 64:3)

   2. Iti pannakilangen kadagiti bumusbusor, kasano a tuladen dagiti Saksi ni Jehova ti ulidan ni Ezekias? (2 Ar. 18:36; Sal. 39:1; Prov. 26:4; 2 Tim. 2:24)

2. Basaenyo ti 2 Ar-ari 19:1-37.

   1. Iti panawen ti riribuk, kasano a matulad dagiti adipen ni Jehova ita ni Ezekias? (2 Ar. 19:1, 2; Prov. 3:5, 6; Heb. 10:24, 25; Sant. 5:14, 15)

   2. Ania dagiti tallo a pannakaabak ni Ari Senaquerib, ket siasino ti naimpadtuan nga iladladawanna? (2 Ar. 19:32, 35, 37; Apoc. 20:2, 3)

3. Basaenyo ti 2 Ar-ari 21:1-6, 16.

   Apay a maikuna a maysa ni Manases kadagiti kadadaksan nga ari a nagturay idiay Jerusalem? (2 Cron. 33:4-6, 9)

Estoria 73

1. Mano ti tawen ni Josias idi nagbalin nga ari, ket ania ti rinugianna nga aramiden idi pito a tawenen nga ari?

2. Iti umuna a ladawan, ania ti makitam nga ar-aramiden ni Josias?

3. Ania ti nakita ti nangato a padi idi a dagiti tattao tartarimnenda ti templo?

4. Apay a pinigis ni Josias ti badona?

5. Ania a mensahe ni Jehova ti imbaga ni mammadto a Hulda ken ni Josias?

Kanayonan a salsaludsod:

1. Basaenyo ti 2 Cronicas 34:1-28.

   1. Ania nga ulidan ti impaay ni Josias kadagidiay narigat ti kasasaadda bayat ti panagubingda? (2 Cron. 33:21-25; 34:1, 2; Sal. 27:10)

   2. Ania dagiti napateg nga addang nga inaramid ni Josias tapno maitandudo ti pudno a panagdayaw bayat ti maika-8, maika-12, ken maika-18 a tawen ti panagturayna? (2 Cron. 34:3, 8)

   3. Ania dagiti masursurotayo iti ehemplo da Ari Josias ken ti Nangato a Padi a ni Hilkias no maipapan iti panangmantener kadagiti lugar a pagdaydayawantayo? (2 Cron. 34:9-13; Prov. 11:14; 1 Cor. 10:31)

Estoria 74

1. Siasino ti agtutubo a lalaki iti ladawan?

2. Ania ti kuna ni Jeremias maipapan iti panagbalinna a mammadto, ngem ania ti imbaga kenkuana ni Jehova?

3. Ania a mensahe ti agtultuloy nga imbaga ni Jeremias kadagiti tattao?

4. Kasano a pinadpadas dagiti papadi a pasardengen ni Jeremias, ngem kasano nga impakita ni Jeremias nga isu ket saan a mabuteng?

5. Ania ti napasamak idi saan a nagsardeng dagiti Israelita nga agaramid iti dakes?

Kanayonan a salsaludsod:

1. Basaenyo ti Jeremias 1:1-8.

   1. Kas ipakita ti ehemplo ni Jeremias, kasano nga agbalin ti maysa a tao a kualipikado nga agserbi ken ni Jehova? (2 Cor. 3:5, 6)

   2. Ti ehemplo ni Jeremias ket mangipaay iti ania a pammaregta kadagiti agtutubo a Kristiano ita? (Ecl. 12:1; 1 Tim. 4:12)

2. Basaenyo ti Jeremias 10:1-5.

   Ania a nabileg nga ilustrasion ti inusar ni Jeremias a mangipakita nga ubbaw ti agtalek kadagiti didiosen? (Jer. 10:5; Isa. 46:7; Hab. 2:19)

3. Basaenyo ti Jeremias 26:1-16.

   1. Iti panangipakaammoda iti pammakdaar a mensahe ita, kasano nga impapuso dagiti napulotan a natda ti bilin ni Jehova ken ni Jeremias a ‘di mangkissay iti maysa a sao’? (Jer. 26:2; Deut. 4:2; Ara. 20:27)

   2. Ania a nagsayaat nga ulidan ti impaay ni Jeremias kadagiti Saksi ni Jehova ita no iti panangiwaragawag iti pakdaar ni Jehova kadagiti nasion? (Jer. 26:8, 12, 14, 15; 2 Tim. 4:1-5)

4. Basaenyo ti 2 Ar-ari 24:1-17.

   Ania dagiti nakalkaldaang nga imbunga ti di panagmatalek ti Juda ken ni Jehova? (2 Ar. 24:2-4, 14)

Estoria 75

1. Iti ladawan, siasino dagiti uppat nga agtutubo, ket apay nga addada idiay Babilonia?

2. Ania ti plano ni Nabucodonosor kadagiti uppat nga agtutubo, ket ania ti imbilinna?

3. Ania ti kiniddaw ni Daniel a kanen ken inumenda nga uppat nga aggagayyem?

4. Kalpasan ti sangapulo nga aldaw a nangnanganda iti nateng, kasano a naiduma ni Daniel ken ti tallo a gagayyemna kadagiti dadduma pay nga agtutubo?

5. Apay a nagyan ni Daniel ken ti tallo a gagayyemna iti palasio ti ari, ken iti ania a wagas a nalalaingda ngem kadagiti papadi ken mamasirib a tattao?

Kanayonan a salsaludsod:

1. Basaenyo ti Daniel 1:1-21.

   1. Ania ti masapul nga aramidentayo tapno masarangettayo dagiti sulisog ken maparmektayo dagiti pagkapuyan? (Dan. 1:8; Gen. 39:7, 10; Gal. 6:9)

   2. Kadagiti ania a pamay-an a mabalin a masulisog wenno masugsogan dagiti agtutubo ita a makiraman iti ibilang dagiti dadduma kas “naimbag”? (Dan. 1:8; Prov. 20:1; 2 Cor. 6:17–7:1)

   3. Ti salaysay ti Biblia maipapan kadagiti uppat nga agtutubo a Hebreo tulongannatayo a mangapresiar iti ania maipapan iti pananggun-od iti sekular a pannakaammo? (Dan. 1:20; Isa. 54:13; 1 Cor. 3:18-20)

Estoria 76

1. Kas makitam iti ladawan, ania ti mapaspasamak iti Jerusalem ken kadagiti Israelita?

2. Siasino ni Ezekiel, ket ania dagiti makarimon a banag nga impakita kenkuana ni Jehova?

3. Gapu ta ni Jehova ket saan a raraemen dagiti Israelita, ania ti inkarina?

4. Ania ti inaramid ni Ari Nabucodonosor kalpasan nga immalsa dagiti Israelita maibusor kenkuana?

5. Apay nga impalubos ni Jehova a mapasamak kadagiti Israelita ti nakaam-ames a pannakadadael?

6. Kasano a nagbalin nga awan matagtagitaona ti daga ti Israel, ken iti mano a tawen?

Kanayonan a salsaludsod:

1. Basaenyo ti 2 Ar-ari 25:1-26.

   1. Siasino ni Zedekias, ania ti napasamak kenkuana, ket kasano a tinungpal daytoy ti padto ti Biblia? (2 Ar. 25:5-7; Ezeq. 12:13-15)

   2. Siasino ti kinuna ni Jehova a manungsungbat iti amin a kinagulib nga inaramid ti Israel? (2 Ar. 25:9, 11, 12, 18, 19; 2 Cron. 36:14, 17)

2. Basaenyo ti Ezequiel 8:1-18.

   Kasano a tinulad ti Kakristianuan dagiti apostata nga Israelita a nagdaydayaw iti init? (Ezeq. 8:16; Isa. 5:20, 21; Juan 3:19-21; 2 Tim. 4:3)

Estoria 77

1. Ania ti imbilin ni Nabucodonosor, nga ari ti Babilonia, kadagiti tattao?

2. Apay a dagiti tallo a gagayyem ni Daniel saanda a nagruknoy iti ladawan a balitok?

3. Kasano nga impakita dagiti tallo a Hebreo nga agtalekda ken ni Jehova idi inikkan ida ni Nabucodonosor iti maysa pay a gundaway tapno agruknoy?

4. Ania ti imbaga ni Nabucodonosor nga aramiden dagiti tattaona kada Sidrac, Misac, ken Abdenago?

5. Ania ti nakita ni Nabucodonosor idi timman-aw idiay urno?

6. Apay a ti ari indaydayawna ti Dios da Sidrac, Misac, ken Abdenago, ket ania nga ulidan ti ipaay daytoy kadatayo?

Kanayonan a salsaludsod:

1. Basaenyo ti Daniel 3:1-30.

   1. Ania a kababalin nga imparangarang dagiti tallo nga agtutubo a Hebreo ti masapul a tuladen dagiti amin nga adipen ti Dios no masubok ti kinasungdoda? (Dan. 3:17, 18; Mat. 10:28; Roma 14:7, 8)

   2. Ania a napateg a leksion ti insuro ni Jehova a Dios ken ni Nabucodonosor? (Dan. 3:28, 29; 4:34, 35)

Estoria 78

1. Ania ti napasamak idi nangangay ti ari ti Babilonia iti dakkel a padaya ket inusarna dagiti kopa ken malukong a naggapu iti templo ni Jehova idiay Jerusalem?

2. Ania ti imbaga ni Belsasar kadagiti mamasirib a tattaona, ngem ania ti saanda a kabaelan nga aramiden?

3. Ania ti imbaga ti ina ti ari?

4. Sigun iti imbaga ni Daniel iti ari, apay a nangibaon ti Dios iti ima nga agsurat iti diding?

5. Kasano nga inlawlawag ni Daniel ti kaipapanan dagiti sasao iti diding?

6. Iti dayta a rabii, ania ti napasamak bayat nga agsasao pay laeng ni Daniel?

Kanayonan a salsaludsod:

1. Basaenyo ti Daniel 5:1-31.

   1. Ania ti nagdumaan ti nadiosan a buteng ken ti buteng a narikna ni Belsasar idi nakitana ti surat iti diding? (Dan. 5:6, 7; Sal. 19:9; Roma 8:35-39)

   2. Kasano a nangipakita ni Daniel iti naisangsangayan a tured idi nagsao ken ni Belsasar ken kadagiti panguluenna? (Dan. 5:17, 18, 22, 26-28; Ara. 4:29)

   3. Kasano nga ipaganetget ti Daniel kapitulo 5 ti sapasap a kinasoberano ni Jehova? (Dan. 4:17, 25; 5:21)

Estoria 79

1. Siasino ni Dario, ket kasano ti panangmatmatna ken ni Daniel?

2. Ania ti impaaramid dagiti dadduma a naimun a tattao ken ni Dario?

3. Ania ti inaramid ni Daniel idi naammuanna ti baro a linteg?

4. Ania ti insungbat ni Daniel ken ni Dario?

5. Ania ti napasamak kadagiti dakes a tattao a nangpadpadas a mangpapatay ken ni Daniel, ket ania ti imbilin ni Dario kadagiti amin a tattao iti pagarianna?

Kanayonan a salsaludsod:

1. Basaenyo ti Daniel 6:1-28.

   1. Kasano a ti panagkukumplot maibusor ken ni Daniel ipalagipna kadatayo ti panangpadpadas dagiti bumusbusor a manglapped iti trabaho dagiti Saksi ni Jehova iti moderno a panawen? (Dan. 6:7; Sal. 94:20; Isa. 10:1; Roma 8:31)

   2. Kasano a dagiti adipen ti Dios ita matuladda ni Daniel iti panagpaituray kadagiti “nangatngato nga autoridad”? (Dan. 6:5, 10; Roma 13:1; Ara. 5:29)

   3. Kasanotayo a matulad ti ehemplo ni Daniel iti panagserbi a “patinayon” ken ni Jehova? (Dan. 6:16, 20; Fil. 3:16; Apoc. 7:15)

Estoria 80

1. Kas makitam iti ladawan, ania ti ar-aramiden dagiti Israelita?

2. Kasano a tinungpal ni Ciro ti padto ni Jehova babaen ken Isaias?

3. Ania ti imbaga ni Ciro kadagiti Israelita a saan a makapagsubli idiay Jerusalem?

4. Ania ti inted ni Ciro nga isubli dagiti Israelita idiay Jerusalem?

5. Kasano kapaut ti panagdaliasat dagiti Israelita nga agsubli idiay Jerusalem?

6. Mano a tawenen ti naglabas sipud idi nalangalang ti Jerusalem?

Kanayonan a salsaludsod:

1. Basaenyo ti Isaias 44:28 ken 45:1-4.

   1. Kasano nga impaganetget ni Jehova ti sierto a pannakatungpal ti padto maipapan ken ni Ciro? (Isa. 55:10, 11; Roma 4:17)

   2. Ti padto ni Isaias maipapan ken ni Ciro ipakitana ti ania maipapan iti pannakabalin ni Jehova a Dios a mangipadto iti masanguanan? (Isa. 42:9; 45:21; 46:10, 11; 2 Ped. 1:20)

2. Basaenyo ti Esdras 1:1-11.

   Kas panangtulad iti ehemplo dagidiay saan a nakapagsubli idiay Jerusalem, kasanotayo ita a ‘mapapigsa ti im-ima’ dagidiay makabael a sumrek iti amin-tiempo a serbisio? (Esd. 1:4, 6; Roma 12:13; Col. 4:12)

Estoria 81

1. Mano a tattao ti nagdaliasat iti napaut manipud Babilonia nga agturong idiay Jerusalem, ngem ania ti nakitada idi nakagtengda sadiay?

2. Ania ti inrugi a bangonen dagiti Israelita idi nakagtengda, ngem ania ti inaramid dagiti kabusorda?

3. Siasino da Hageo ken Zacarias, ket ania ti imbagada kadagiti tattao?

4. Apay a nagsurat ni Tatanai idiay Babilonia, ket ania ti naawatna a sungbat?

5. Ania ti inaramid ni Esdras idi naammuanna a masapul a matarimaan ti templo ti Dios?

6. Iti ladawan, ania ti ikarkararag ni Esdras, kasano a nasungbatan ti kararagna, ken ania ti masursurotayo iti daytoy?

Kanayonan a salsaludsod:

1. Basaenyo ti Esdras 3:1-13.

   Ania ti masapul nga itultuloytayo nga aramiden no addatayo iti lugar nga awan ti kongregasion dagiti adipen ti Dios? (Esd. 3:3, 6; Ara. 17:16, 17; Heb. 13:15)

2. Basaenyo ti Esdras 4:1-7.

   Ania nga ulidan ti impasdek ni Zorobabel kadagiti adipen ni Jehova maipapan iti panaglaok ti pammati? (Ex. 34:12; 1 Cor. 15:33; 2 Cor. 6:14-17)

3. Basaenyo ti Esdras 5:1-5, 17 ken 6:1-22.

   1. Apay a saan a nagballigi dagiti bumusbusor a mangpasardeng iti pannakaibangon ti templo? (Esd. 5:5; Isa. 54:17)

   2. Kasano a ti inaramid dagiti panglakayen a Judio paregtaenna dagiti Kristiano a panglakayen nga agpaiwanwan ken ni Jehova no maipasangoda kadagiti bumusbusor? (Esd. 6:14; Sal. 32:8; Roma 8:31; Sant. 1:5)

4. Basaenyo ti Esdras 8:21-23, 28-36.

   Sakbay nga adda rugiantayo nga aramiden, ania nga ulidan ni Esdras ti nasayaat a tuladentayo? (Esd. 8:23; Sal. 127:1; Prov. 10:22; Sant. 4:13-15)

Estoria 82

1. Siasino da Mardokeo ken Ester?

2. Apay a kayat ni Ari Ahasuero ti maaddaan iti baro nga asawa, ket siasino ti pinilina?

3. Siasino ni Haman, ket ania ti namagluksaw kenkuana?

4. Ania a linteg ti naaramid, ket ania ti inaramid ni Ester idi naawatna ti mensahe ni Mardokeo?

5. Ania ti napasamak ken ni Haman, ket ania ti nagbalinan ni Mardokeo?

6. Kasano a naisalakan dagiti Israelita manipud kadagiti kabusorda?

Kanayonan a salsaludsod:

1. Basaenyo ti Ester 2:12-18.

   Kasano nga imparangarang ni Ester ti pateg ti panangsukay iti “naulimek ken naalumamay nga espiritu”? (Ester 2:15; 1 Ped. 3:1-5)

2. Basaenyo ti Ester 4:1-17.

   Kas ken ni Ester a naikkan iti gundaway nga agtignay maigapu iti pudno a panagdayaw, ania a gundaway ti naited kadatayo ita a mangyebkas iti debosion ken kinasungdotayo ken ni Jehova? (Ester 4:13, 14; Mat. 5:14-16; 24:14)

3. Basaenyo ti Ester 7:1-6.

   Kasano nga adu kadagiti adipen ti Dios ita ti nangirisgo met iti bagbagida iti pannakaidadanes, kas iti inaramid ni Ester? (Ester 7:4; Mat. 10:16-22; 1 Ped. 2:12)

Estoria 83

1. Ania ti panagrikna dagiti Israelita no awan dagiti bakud iti aglawlaw ti siudadda a Jerusalem?

2. Siasino ni Nehemias?

3. Ania ti trabaho ni Nehemias, ket apay a napateg daytoy?

4. Ania a damag ti namagliday ken ni Nehemias, ket ania ti inaramidna?

5. Kasano nga impakitaan ni Ari Artaxerxes iti asi ni Nehemias?

6. Ania ti inaramid ni Nehemias tapno saan a mapasardeng dagiti kabusor ti panagbangon dagiti Israelita?

Kanayonan a salsaludsod:

1. Basaenyo ti Nehemias 1:4-6 ken 2:1-20.

   Kasano a nagpaiwanwan ni Nehemias ken ni Jehova? (Neh. 2:4, 5; Roma 12:12; 1 Ped. 4:7)

2. Basaenyo ti Nehemias 3:3-5.

   Ania ti masursuro dagiti panglakayen ken ministerial nga adipen iti nagdumaan dagiti Tecoita ken dagiti “nadaeg”? (Neh. 3:5, 27; 2 Tes. 3:7-10; 1 Ped. 5:5)

3. Basaenyo ti Nehemias 4:1-23.

   1. Ania ti nanggutugot kadagiti Israelita nga agtultuloy nga agibangon iti laksid ti nakaro nga ibubusor? (Neh. 4:6, 8, 9; Sal. 50:15; Isa. 65:13, 14)

   2. Iti ania a pamay-an a paregtaennatayo ita ti ehemplo dagiti Israelita?

4. Basaenyo ti Nehemias 6:15.

   Nabangon dagiti bakud ti Jerusalem iti unos ti dua a bulan. Ania ti iparangarang daytoy maipapan iti bileg ti pammati? (Sal. 56:3, 4; Mat. 17:20; 19:26)

Estoria 84

1. Siasino ti babai iti ladawan?

2. Ania ti imbaga ni Gabriel ken ni Maria?

3. Kasano nga inlawlawag ni Gabriel a maaddaanto ni Maria iti anak uray no saan a nakidenna iti lalaki?

4. Ania ti napasamak idi sinarungkaran ni Maria ti kabagianna a ni Elisabet?

Kanayonan a salsaludsod:

1. Basaenyo ti Lucas 1:26-56.

   1. Ania ti ipasimudaag ti Lucas 1:35 maipapan iti aniaman nga Adamiko a kinaimperpekto iti itlog iti aanakan ni Maria idi nayalis ti biag ti Anak ti Dios manipud iti naespirituan a disso? (Hag. 2:11-13; Juan 6:69; Heb. 7:26; 10:5)

   2. Kasano a napadayawan ni Jesus uray pay sakbay a nayanak? (Luc. 1:41-43)

   3. Ania a nagsayaat nga ulidan ti impaay ni Maria para kadagiti Kristiano ita a maikkan kadagiti naisangsangayan a pribilehio iti serbisio? (Luc. 1:38, 46-49; 17:10; Prov. 11:2)

2. Basaenyo ti Mateo 1:18-25.

   Nupay saan a naikkan ni Jesus iti personal a nagan nga Emmanuel, kasano a ti akemna kas tao tinungpalna ti kaipapanan daytoy? (Mat. 1:22, 23; Juan 14:8-10; Heb. 1:1-3)

Estoria 85

1. Siasino ti bassit nga ubing iti ladawan, ket pangipaiddaan kenkuana ni Maria?

2. Apay a naiyanak ni Jesus iti maysa a kuadra nga ayan dagiti animal?

3. Iti ladawan, siasino dagiti lallaki a sumsumrek iti kuadra, ket ania ti imbaga kadakuada ti maysa nga anghel?

4. Siasino a talaga ni Jesus?

5. Apay a maawagan ni Jesus kas Anak ti Dios?

Kanayonan a salsaludsod:

1. Basaenyo ti Lucas 2:1-20.

   1. Ania ti akem ni Cesar Augusto iti pannakatungpal ti padto maipapan iti pannakayanak ni Jesus? (Luc. 2:1-4; Mik. 5:2)

   2. Kasano a ti maysa a tao ket maibilang kadagidiay madakdakamat kas “tattao nga addaan naimbag a nakem”? (Luc. 2:14; Mat. 16:24; Juan 17:3; Ara. 3:19; Heb. 11:6)

   3. No dagidiay napakumbaba a papastor a Judio ket addaanda iti rason nga agrag-o iti pannakayanak ti Manangisalakan, ania ti napatpateg pay a panggapuan nga agrag-o dagiti adipen ti Dios ita? (Luc. 2:10, 11; Efe. 3:8, 9; Apoc. 11:15; 14:6)

Estoria 86

1. Siasino dagiti lallaki iti ladawan, ket apay nga itudtudo ti maysa kadakuada ti naraniag a bituen?

2. Gapu ta dina kayat nga adda sabali nga ari a mangala iti lugarna, ania ti inaramid ni Ari Herodes?

3. Nangiturongan ti naraniag a bituen kadagiti lallaki, ngem apay a nagnada iti sabali a dalan idi nagsublida iti pagilianda?

4. Ania ti imbilin ni Herodes, ken apay?

5. Ania ti imbaga ni Jehova nga aramiden ni Jose?

6. Siasino ti nangpasilnag iti baro a bituen, ken apay?

Kanayonan a saludsod:

1. Basaenyo ti Mateo 2:1-23.

   Mano ti tawen ni Jesus ken pagnanaedanna idi binisita dagiti astrologo? (Mat. 2:1, 11, 16)

Estoria 87

1. Iti ladawan, mano ti tawenen ni Jesus, ken sadino ti ayanna?

2. Ania ti tinawen nga ar-aramiden ni Jose ken ti pamiliana?

3. Kalpasan ti maysa nga aldaw iti panagbiaheda nga agawid, apay a nagsubli da Jose ken Maria idiay Jerusalem?

4. Sadino ti nakasarakan da Jose ken Maria ken ni Jesus, ket apay a dagiti tattao sadiay agsidsiddaawda ken ni Jesus?

5. Ania ti imbaga ni Jesus ken ni nanangna a Maria?

6. Iti panagsursuro maipapan iti Dios, kasanotayo a matulad ni Jesus?

Kanayonan a salsaludsod:

1. Basaenyo ti Lucas 2:41-52.

   1. Nupay impaannurot ti Linteg a lallaki laeng ti tumabuno kadagiti tinawen a piesta, ania a nasayaat nga ulidan ti impaay da Jose ken Maria para kadagiti nagannak ita? (Luc. 2:41; Deut. 16:16; 31:12; Prov. 22:6)

   2. Kasano a nangipasdek ni Jesus iti nagsayaat nga ulidan para kadagiti agtutubo ita maipapan iti panagpasakup kadagiti dadakkelda? (Luc. 2:51; Deut. 5:16; Prov. 23:22; Col. 3:20)

2. Basaenyo ti Mateo 13:53-56.

   Siasino dagiti nainaganan iti Biblia nga uppat a kakabsat ni Jesus iti lasag, ket kasano a nausar ti dua kadakuada iti kongregasion Kristiano idi agangay? (Mat. 13:55; Ara. 12:17; 15:6, 13; 21:18; Gal. 1:19; Sant. 1:1; Jud. 1)

Estoria 88

1. Siasino dagiti dua a lallaki iti ladawan?

2. Kasano ti pannakabautisar ti maysa a tao?

3. Siasino dagiti gagangay a babautisaran ni Juan?

4. Ania ti naisangsangayan a rason no apay a kiniddaw ni Jesus nga isu ket bautisaran ni Juan?

5. Kasano nga impakita ti Dios nga isu ket naay-ayo iti panagpabautisar ni Jesus?

6. Ania ti napasamak idi napan ni Jesus iti naiputputong a lugar iti 40 nga aldaw?

7. Siasino ti dadduma kadagiti immuna a pasurot wenno adalan ni Jesus, ken ania ti damo a milagro nga inaramidna?

Kanayonan a salsaludsod:

1. Basaenyo ti Mateo 3:13-17.

   Ania a padron ti impasdek ni Jesus para iti bautismo dagiti adalanna? (Sal. 40:7, 8; Mat. 28:19, 20; Luc. 3:21, 22)

2. Basaenyo ti Mateo 4:1-11.

   Kasano a ti nasigo a panangusar ni Jesus iti Kasuratan paregtaennatayo ita a mangadal a regular iti Biblia? (Mat. 4:5-7; 2 Ped. 3:17, 18; 1 Juan 4:1)

3. Basaenyo ti Juan 1:29-51.

   Nangiturongan ni Juan a Mammautisar kadagiti adalanna, ket kasanotayo a matulad ita? (Juan 1:29, 35, 36; 3:30; Mat. 23:10)

4. Basaenyo ti Juan 2:1-12.

   Kasano nga ipakita ti damo a milagro nga inaramid ni Jesus a saan a papaidaman ni Jehova dagiti adipenna? (Juan 2:9, 10; Sal. 84:11; Sant. 1:17)

Estoria 89

1. Apay a mailaklako dagiti animal iti templo?

2. Apay a nakapungtot ni Jesus?

3. Kas makitam iti ladawan, ania ti inaramid ni Jesus, ken ania ti imbilinna kadagiti lallaki nga aglaklako iti kalapati?

4. Ania ti nalagip dagiti pasurot ni Jesus idi nakitada ti ar-aramidenna?

5. Ania a distrito ti limmasatan ni Jesus idi nagsubli idiay Galilea?

Kanayonan a saludsod:

1. Basaenyo ti Juan 2:13-25.

   No panunotentayo ti panagpungtot ni Jesus kadagiti agsuksukat iti kuarta idiay templo, ania ti rumbeng a panangmatmattayo iti panagnegosio iti uneg ti Kingdom Hall? (Juan 2:15, 16; 1 Cor. 10:24, 31-33)

Estoria 90

1. Apay a nagsardeng ni Jesus iti maysa a bubon idiay Samaria, ket ania ti ibagbagana iti babai sadiay?

2. Apay a nagsiddaaw ti babai, ania ti imbaga kenkuana ni Jesus, ken apay?

3. Ania ti impagarup ti babai maipapan iti danum nga ibagbaga ni Jesus, ngem ania a danum ti talaga a tuktukoyen ni Jesus?

4. Apay a naklaat ti babai iti imbaga ni Jesus maipapan kenkuana, ken apay nga ammo ni Jesus daytoy?

5. Ania dagiti masursurotayo iti salaysay maipapan iti babai iti bubon?

 Kanayonan a salsaludsod:

1. Basaenyo ti Juan 4:5-43.

   1. Kas panangtulad iti ulidan ni Jesus, ania a kababalin ti masapul nga ipakitatayo kadagiti tattao a sabali ti puli wenno kasasaadda iti kagimongan? (Juan 4:9; 1 Cor. 9:22; 1 Tim. 2:3, 4; Tito 2:11)

   2. Kasano a magunggonaan iti naespirituan ti maysa a tao nga agbalin nga adalan ni Jesus? (Juan 4:14; Isa. 58:11; 2 Cor. 4:16)

   3. Kasanotayo a maipakita ti apresasion a kas iti inaramid ti Samaritana, a sigagagar a nangiranud iti naammuanna? (Juan 4:7, 28; Mat. 6:33; Luc. 10:40-42)

Estoria 91

1. Iti ladawan, pangisursuruan ni Jesus, ken siasino dagidiay nakatugaw iti asidegna?

2. Ania ti nagan dagiti 12 nga apostol?

3. Ania ti Pagarian nga ikaskasaba ni Jesus?

4. Ania ti insuro ni Jesus nga ikararag dagiti tattao?

5. Ania ti imbaga ni Jesus maipapan iti rumbeng a panangtrato dagiti tattao iti maysa ken maysa?

Kanayonan a salsaludsod:

1. Basaenyo ti Mateo 5:1-12.

   Kadagiti ania a pamay-an a maipakitatayo a sipapanunottayo iti naespirituan a kasapulantayo? (Mat. 5:3; Roma 10:13-15; 1 Tim. 4:13, 15, 16)

2. Basaenyo ti Mateo 5:21-26.

   Kasano nga ipaganetget ti Mateo 5:23, 24 a ti relasiontayo kadagiti kakabsattayo apektaranna ti relasiontayo ken ni Jehova? (Mat. 6:14, 15; Sal. 133:1; Col. 3:13; 1 Juan 4:20)

3. Basaenyo ti Mateo 6:1-8.

   Ania dagiti sumagmamano a kita ti panaginlilinteg a nasken a liklikan dagiti Kristiano? (Luc. 18:11, 12; 1 Cor. 4:6, 7; 2 Cor. 9:7)

4. Basaenyo ti Mateo 6:25-34.

   Ania ti insuro ni Jesus maipapan iti panagtalek ken ni Jehova no kadagiti material a kasapulantayo? (Ex. 16:4; Sal. 37:25; Fil. 4:6)

5. Basaenyo ti Mateo 7:1-11.

   Ania ti maadaltayo iti nalawag nga ilustrasion a masarakan iti Mateo 7:5? (Prov. 26:12; Roma 2:1; 14:10; Sant. 4:11, 12)

Estoria 92

1. Siasino ti ama ti balasitang nga adda iti ladawan, ket apay nga isu ken ti asawana madanaganda unay?

2. Ania ti inaramid ni Jairo idi nasarakanna ni Jesus?

3. Ania ti napasamak idi mapmapan ni Jesus iti pagtaengan ni Jairo, ket ania ti naipadamag ken ni Jairo bayat nga addada iti dalan?

4. Apay a dagiti tattao iti balay ni Jairo kinatkatawaanda ni Jesus?

5. Ania ti inaramid ni Jesus kalpasan nga imbagana kadagiti tallo nga apostolna kasta met ti ama ken ina ti ubing a mapanda iti kuarto ti ubing?

6. Siasino pay ti pinagungar ni Jesus, ket ania ti ipakita daytoy?

Kanayonan a salsaludsod:

1. Basaenyo ti Lucas 8:40-56.

   Kasano nga impakita ni Jesus ti asi ken kinanainkalintegan iti babai nga agpadpadara, ket ania ti masursuro iti daytoy dagiti Kristiano a panglakayen ita? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14)

2. Basaenyo ti Lucas 7:11-17.

   Kasano a dagidiay napukawan iti ipatpateg iti biag makasarakda iti dakkel a liwliwa iti insungbat ni Jesus iti balo idiay Nain? (Luc. 7:13; 2 Cor. 1:3, 4; Heb. 4:15)

3. Basaenyo ti Juan 11:17-44.

   Kasano nga impakita ni Jesus a gagangay ti agladingit iti ipapatay ti patpatgen? (Juan 11:33-36, 38; 2 Sam. 18:33; 19:1-4)

Estoria 93

1. Ania ti dakes a napasamak ken ni Juan Bautista, ket ania ti narikna ni Jesus iti daytoy?

2. Kasano a pinakan ni Jesus dagiti tattao a simmurot kenkuana, ket kasano kaadu ti taraon a natda?

3. Apay a nagbuteng dagiti adalan bayat ti rabii, ket ania ti napasamak ken ni Pedro?

4. Kasano a pinakan ni Jesus dagiti rinibu a tattao iti maikadua a gundaway?

5. Apay a nagsayaat no agturayto ni Jesus ditoy daga kas Ari ti Dios?

Kanayonan a salsaludsod:

1. Basaenyo ti Mateo 14:1-32.

   1. Ti salaysay iti Mateo 14:23-32 ket mangipaay iti ania a pannakaawat maipapan iti personalidad ni Pedro?

   2. Kasano nga ipasimudaag ti Kasuratan a nagmataengan ken naparmek ni Pedro ti kinadarasudosna? (Mat. 14:27-30; Juan 18:10; 21:7; Ara. 2:14, 37-40; 1 Ped. 5:6, 10)

2. Basaenyo ti Mateo 15:29-38.

   Kasano nga impakita ni Jesus ti panagraem kadagiti material a probision a naggapu ken Amana? (Mat. 15:37; Juan 6:12; Col. 3:15)

3. Basaenyo ti Juan 6:1-21.

   Kasano a matulad dagiti Kristiano ita ti ehemplo ni Jesus no iti panagraem iti gobierno? (Juan 6:15; Mat. 22:21; Roma 12:2; 13:1-4)

Estoria 94

1. Ania ti pagsusupiatan dagiti apostol idi addada iti dalanda nga agsubli manipud iti adayo a biahe?

2. Apay a nangawag ni Jesus iti bassit nga ubing ken pinatakderna iti sanguanan dagiti apostol?

3. Iti ania a pamay-an a sursuruen dagiti apostol ti agbalin a kas kadagiti ubbing?

4. Iti sabali pay a gundaway, kasano nga impakita ni Jesus a kaay-ayona dagiti ubbing?

Kanayonan a salsaludsod:

1. Basaenyo ti Mateo 18:1-4.

   Apay a nagusar ni Jesus kadagiti ilustrasion no mangisuro? (Mat. 13:34, 36; Mar. 4:33, 34)

2. Basaenyo ti Mateo 19:13-15.

   Ania a kababalin dagiti ubbing ti nasken a tuladentayo tapno magun-odtayo dagiti bendision nga itden ti Pagarian? (Sal. 25:9; 138:6; 1 Cor. 14:20)

3. Basaenyo ti Marcos 9:33-37.

   Ania ti insuro ni Jesus kadagiti adalanna maipapan iti panagtarigagay kadagiti natan-ok a saad? (Mar. 9:35; Mat. 20:25, 26; Gal. 6:3; Fil. 2:5-8)

4. Basaenyo ti Marcos 10:13-16.

   Kasano kalaka a maasitgan ni Jesus, ket ania ti masursuro dagiti Kristiano a panglakayen iti daytoy nga ehemplo? (Mar. 6:30-34; Fil. 2:1-4; 1 Tim. 4:12)

Estoria 95

1. Ania ti sinaludsod ti maysa a lalaki ken ni Jesus, ken apay?

2. Ania ti ammotayon maipapan kadagiti Judio ken Samaritano?

3. Iti estoria nga insalaysay ni Jesus, ania ti napasamak iti maysa a Judio a sumalsalog iti kalsada nga agturong idiay Jerico?

4. Ania ti napasamak idi adda nagna iti dalan a maysa a padi a Judio ken maysa a Levita?

5. Iti ladawan, siasino ti mangtultulong iti Judio a dinangran dagiti tulisan?

6. Idi nalpasen ti estoria ni Jesus, ania ti insaludsodna, ket ania ti insungbat ti lalaki?

Kanayonan a salsaludsod:

1. Basaenyo ti Lucas 10:25-37.

   1. Imbes a nangted iti direkta a sungbat, kasano a tinulongan ni Jesus ti maysa a lalaki a nalaing iti Linteg a mangtarus iti bambanag? (Luc. 10:26; Mat. 16:13-16)

   2. Kasano nga inusar ni Jesus dagiti ilustrasion a mangparmek iti panangidumduma iti biang dagiti agdengdengngeg kenkuana? (Luc. 10:36, 37; 18:9-14; Tito 1:9)

Estoria 96

1. Ania ti inaramid ni Jesus bayat nga agdaldaliasat iti daga?

2. Kalpasan ti tallo a tawen manipud idi nabautisaran ni Jesus, ania ti imbagana kadagiti apostolna?

3. Siasino dagiti tattao iti ladawan, ket ania ti inaramid ni Jesus iti babai?

4. Idi asidegen da Jesus ken dagiti apostolna idiay Jerico, ania ti inaramid ni Jesus kadagiti dua a bulsek?

5. Apay a nagaramid ni Jesus kadagiti milagro?

Kanayonan a salsaludsod:

1. Basaenyo ti Mateo 15:30, 31.

   Ania a nakaskasdaaw a pannakabalin ni Jehova ti naipalgak babaen ken Jesus, ket kasano koma nga apektaran daytoy ti panangtarustayo iti inkari ni Jehova a kasasaad iti baro a lubong? (Sal. 37:29; Isa. 33:24)

2. Basaenyo ti Lucas 13:10-17.

   Kasano a dagiti naisangsangayan a milagro nga inaramid ni Jesus iti Sabbath ipakitana no ania a pannakabang-ar ti iyegnanto iti sangatauan bayat ti Panagturayna iti Sangaribu a Tawen? (Luc. 13:10-13; Sal. 46:9; Mat. 12:8; Col. 2:16, 17; Apoc. 21:1-4)

3. Basaenyo ti Mateo 20:29-34.

   Kasano nga ipakita daytoy a salaysay a kanayon a madadaan ni Jesus a tumulong kadagiti tattao, ket ania ti masursurotayo iti daytoy? (Deut. 15:7; Sant. 2:15, 16; 1 Juan 3:17)

Estoria 97

1. Idi napan ni Jesus iti bassit a purok nga asideg idiay Jerusalem, ania ti imbagana nga aramiden dagiti adalanna?

2. Iti ladawan, ania ti napasamak idi asidegen ni Jesus iti siudad ti Jerusalem?

3. Ania ti inaramid dagiti ubbing idi nakitada ni Jesus a mangpapaimbag kadagiti tattao a bulsek ken lugpi?

4. Ania ti imbaga ni Jesus kadagiti makapungtot a papadi?

5. Kasanotayo nga agbalin a kas kadagiti ubbing a nangidaydayaw ken ni Jesus?

Kanayonan a salsaludsod:

1. Basaenyo ti Mateo 21:1-17.

   1. Kasano a ti iseserrek ni Jesus idiay Jerusalem kas Ari ket naiduma kadagiti naballigi a heneral idi panawen dagiti Romano? (Mat. 21:4, 5; Zac. 9:9; Fil. 2:5-8; Col. 2:15)

   2. Ania ti masursuro dagiti agtutubo manipud kadagiti Israelita nga ubbing a lallaki a nangadaw iti Salmo 118 idi simrek ni Jesus idiay templo? (Mat. 21:9, 15; Sal. 118:25, 26; 2 Tim. 3:15; 2 Ped. 3:18)

2. Basaenyo ti Juan 12:12-16.

   Ania ti isimbolo dagiti sanga ti palma nga inusar dagiti tattao a nangidaydayaw ken ni Jesus? (Juan 12:13; Fil. 2:10; Apoc. 7:9, 10)

Estoria 98

1. Iti ladawan, siasino kadakuada ni Jesus, ken siasino dagiti kakaduana?

2. Ania ti kayat nga aramiden dagiti papadi ken ni Jesus idiay templo, ket ania ti imbagana kadakuada?

3. Ania ti insaludsod dagiti apostol ken ni Jesus?

4. Apay nga imbaga ni Jesus kadagiti apostolna ti sumagmamano kadagiti banag a mapasamakto ditoy daga inton agturay kas Ari idiay langit?

5. Ania ti imbaga ni Jesus a mapasamak sakbay a pagpatinggaenna ti amin a kinadakes ditoy daga?

Kanayonan a salsaludsod:

1. Basaenyo ti Mateo 23:1-39.

   1. Nupay ipasimudaag ti Kasuratan a mabalin ti agusar kadagiti sekular a titulo, ania ti ipakita dagiti sasao ni Jesus iti Mateo 23:8-11 maipapan iti panagusar kadagiti pammasablog a titulo iti kongregasion Kristiano? (Ara. 26:25; Roma 13:7; 1 Ped. 2:13, 14)

   2. Ania ti inusar dagiti Fariseo tapno malapdanda dagiti tattao nga agbalin a Kristiano, ket kasano nga us-usaren dagiti narelihiosuan a panguluen dagiti isu met la a taktika iti moderno a panawen? (Mat. 23:13; Luc. 11:52; Juan 9:22; 12:42; 1 Tes. 2:16)

2. Basaenyo ti Mateo 24:1-14.

   1. Iti Mateo 24:13, kasano a naipaganetget ti pateg ti panagibtur?

   2. Ania ti kaipapanan ti sao a “panungpalan” iti Mateo 24:13? (Mat. 16:27; Roma 14:10-12; 2 Cor. 5:10)

3. Basaenyo ti Marcos 13:3-10.

   Ania nga ebkas iti Marcos 13:10 ti mangipakita iti kinaganat ti panangikasaba iti naimbag a damag, ket kasanotayo koma a maapektaran iti sasao ni Jesus? (Roma 13:11, 12; 1 Cor. 7:29-31; 2 Tim. 4:2)

Estoria 99

1. Kas makitam iti ladawan, apay nga adda ni Jesus ken dagiti 12 nga apostolna iti maysa a dakkel a makingngato a kuarto?

2. Siasino ti lalaki a pumampanaw, ket ania ti aramidenna?

3. Ania a naisangsangayan a pannangan ti inrugi ni Jesus kalpasan ti pannangan ti Paskua?

4. Ania ti ipalagip daytoy naisangsangayan a pannangan kadagiti pasurot ni Jesus?

5. Kalpasan ti Pangmalem ti Apo, ania ti imbaga ni Jesus kadagiti pasurotna, ket ania ti inaramidda?

Kanayonan a salsaludsod:

1. Basaenyo ti Mateo 26:14-30.

   1. Kasano nga ipakita ti Mateo 26:15 nga inggagara ni Judas ti panangliputna ken ni Jesus?

   2. Ania ti dua a panggep ti naiparukpok a dara ni Jesus? (Mat. 26:27, 28; Jer. 31:31-33; Efe. 1:7; Heb. 9:19, 20)

2. Basaenyo ti Lucas 22:1-39.

   Iti ania nga anag a simrek ni Satanas ken ni Judas? (Luc. 22:3; Juan 13:2; Ara. 1:24, 25)

3. Basaenyo ti Juan 13:1-20.

   1. Iti salaysay iti Juan 13:2, mapabasol kadi ni Judas iti inaramidna, ken ania ti masursuro dagiti adipen ti Dios iti daytoy? (Gen. 4:7; 2 Cor. 2:11; Gal. 6:1; Sant. 1:13, 14)

   2. Ania a nalawag nga ulidan ti impaay ni Jesus? (Juan 13:15; Mat. 23:11; 1 Ped. 2:21)

4. Basaenyo ti Juan 17:1-26.

   Iti ania nga anag nga inkararag ni Jesus nga ‘agmaymaysa’ koma dagiti pasurotna? (Juan 17:11, 21-23; Roma 13:8; 14:19; Col. 3:14)

Estoria 100

1. Napanan ni Jesus ken dagiti apostolna idi pimmanawdan iti makingngato a kuarto, ket ania ti imbagana kadakuada nga aramidenda?

2. Ania ti nakita ni Jesus idi nagsubli iti ayan dagiti apostolna, ket mano a daras a napasamak daytoy?

3. Siasino dagiti immay iti hardin, ket ania ti inaramid ni Judas Iscariote, kas ipakita ti ladawan?

4. Apay a ni Judas inagkanna ni Jesus, ket ania ti inaramid ni Pedro?

5. Ania ti imbaga ni Jesus ken ni Pedro, ngem apay a saan nga indawat ni Jesus a mangibaon ti Dios kadagiti anghel?

Kanayonan a salsaludsod:

1. Basaenyo ti Mateo 26:36-56.

   1. Kasano a ti wagas a panangbalakad ni Jesus kadagiti adalanna ket nagsayaat nga ulidan kadagiti Kristiano a panglakayen ita? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Ania ti panangmatmat ni Jesus iti panangusar kadagiti literal nga igam maibusor kadagiti padatayo a tao? (Mat. 26:52; Luc. 6:27, 28; Juan 18:36)

2. Basaenyo ti Lucas 22:39-53.

   Idi nagparang ti maysa nga anghel tapno pabilgenna ni Jesus idiay minuyongan ti Getsemani, ipasimudaag kadi daytoy a kimmapuy ti pammati ni Jesus? Ilawlawagmo. (Luc. 22:41-43; Isa. 49:8; Mat. 4:10, 11; Heb. 5:7)

3. Basaenyo ti Juan 18:1-12.

   Kasano a sinalakniban ni Jesus dagiti adalanna manipud kadagiti bumusbusor, ket ania ti masursurotayo iti daytoy nga ehemplo? (Juan 10:11, 12; 18:1, 6-9; Heb. 13:6; Sant. 2:25)

Estoria 101

1. Siasino ti kangrunaan a makinggapuanan iti ipapatay ni Jesus?

2. Idi innala dagiti relihioso a papangulo ni Jesus, ania ti inaramid dagiti apostol?

3. Ania ti napasamak idiay balay ni Caifas, ti nangato a padi?

4. Apay a pimmanaw ken nagsangit ni Pedro?

5. Idi naisubli ni Jesus ken ni Pilato, ania ti inyikkis dagiti kangrunaan a papadi?

6. Ania ti napasamak ken ni Jesus iti nasapa a malem ti Biernes, ket ania ti inkarina iti maysa a kriminal a nailansa iti kayo iti abayna?

7. Sadinonto ti ayan ti Paraiso a dinakamat ni Jesus?

Kanayonan a salsaludsod:

1. Basaenyo ti Mateo 26:57-75.

   Iti ania a pamay-an a dagiti kameng ti nangato a pangukoman dagiti Judio impakitada a dakes ti panagpuspusoda? (Mat. 26:59, 67, 68)

2. Basaenyo ti Mateo 27:1-50.

   Kasanotayo a maikuna a saan a pudpudno ti panagbabawi ni Judas? (Mat. 27:3, 4; Mar. 3:29; 14:21; 2 Cor. 7:10, 11)

3. Basaenyo ti Lucas 22:54-71.

   Ania ti masursurotayo iti panangilibak ni Pedro ken ni Jesus iti rabii a pannakaliput ken pannakaarestona? (Luc. 22:60-62; Mat. 26:31-35; 1 Cor. 10:12)

4. Basaenyo ti Lucas 23:1-49.

   Kasano a nagtignay ni Jesus iti laksid ti kinaawan hustisia a naaramid kenkuana, ket ania ti masursurotayo iti daytoy? (Luc. 23:33, 34; Roma 12:17-19; 1 Ped. 2:23)

5. Basaenyo ti Juan 18:12-40.

   Ania ti ipakita ti banag a nupay adda kanito a nagbuteng ni Pedro iti tao, bimmileg met laeng ken nagbalin a naisangsangayan nga apostol? (Juan 18:25-27; 1 Cor. 4:2; 1 Ped. 3:14, 15; 5:8, 9)

6. Basaenyo ti Juan 19:1-30.

   1. Ania ti balanse a panangmatmat ni Jesus kadagiti material a banag? (Juan 2:1, 2, 9, 10; 19:23, 24; Mat. 6:31, 32; 8:20)

   2. Kasano a dagiti sasao ni Jesus sakbay ti ipapatayna ket naballigi a deklarasion a naitandudona ti kinasoberano ni Jehova? (Juan 16:33; 19:30; 2 Ped. 3:14; 1 Juan 5:4)

Estoria 102

1. Siasino ti babai ken ti dua a lallaki iti ladawan, ket sadino ti ayanda?

2. Apay nga imbaga ni Pilato a mangibaon dagiti papadi kadagiti soldado a mangbantay iti tanem ni Jesus?

3. Ania ti nasapa nga inaramid ti maysa nga anghel iti maikatlo nga aldaw kalpasan ti ipapatay ni Jesus, ngem ania ti inaramid dagiti papadi?

4. Apay a naklaat ti sumagmamano a babbai idi sinarungkaranda ti tanem ni Jesus?

5. Apay a nagtaray da Pedro ken Juan idiay tanem ni Jesus, ket ania ti nakitada?

6. Ania ti napasamak iti bagi ni Jesus, ngem ania ti inaramidna tapno maipakitana kadagiti adalanna nga isu ket sibibiag?

Kanayonan a salsaludsod:

1. Basaenyo ti Mateo 27:62-66 ken 28:1-15.

   Idi napagungar ni Jesus, kasano a nagbasol maibusor iti nasantuan nga espiritu dagiti panguluen a papadi, Fariseo, ken lallakay? (Mat. 12:24, 31, 32; 28:11-15)

2. Basaenyo ti Lucas 24:1-12.

   Kasano a ti salaysay maipapan iti panagungar ni Jesus ipakitana a ni Jehova matmatanna dagiti babbai kas mapagtalkan a saksi? (Luc. 24:4, 9, 10; Mat. 28:1-7)

3. Basaenyo ti Juan 20:1-12.

   Kasano nga ipakita kadatayo ti Juan 20:8, 9 a nasken ti agbalin a naanus no ditay naan-anay a maawatan ti kaitungpalan ti padto ti Biblia? (Prov. 4:18; Mat. 17:22, 23; Luc. 24:5-8; Juan 16:12)

Estoria 103

1. Ania ti imbaga ni Maria iti maysa a lalaki nga impatona a hardinero, ngem kasanona a nailasin nga isu dayta ni Jesus?

2. Ania ti napasamak kadagiti dua nga adalan a magmagna nga agturong idiay Emmaus?

3. Ania ti napasamak idi a dagiti dua nga adalan ibagbagada kadagiti apostol a nakitada ni Jesus?

4. Mano a daras a nagparang ni Jesus kadagiti pasurotna?

5. Ania ti imbaga ni Tomas idi nangngegna a ni Jesus ket nakita dagiti adalan, ngem ania ti napasamak kalpasan ti walo nga aldaw?

Kanayonan a salsaludsod:

1. Basaenyo ti Juan 20:11-29.

   Iti Juan 20:23, ibagbaga kadi ni Jesus nga autorisado dagiti tattao a mangpakawan kadagiti basol? Ilawlawagmo. (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2)

2. Basaenyo ti Lucas 24:13-43.

   Kasanotayo a maisagana ti pusotayo tapno sidadaan nga umawat kadagiti kinapudno a masarakan iti Biblia? (Luc. 24:32, 33; Esd. 7:10; Mat. 5:3; Ara. 16:14; Heb. 5:11-14)

Estoria 104

1. Iti naminsan, mano nga adalan ti nakakita ken Jesus, ket ania ti imbagana kadakuada?

2. Ania ti Pagarian ti Dios, ket anianto ti kasasaad ditoy daga inton agturayen ni Jesus kas Ari iti unos ti sangaribo a tawen?

3. Mano nga aldaw a nagparparang ni Jesus kadagiti adalanna, ket ania itan ti aramidenna?

4. Sakbay a pinanawan ni Jesus dagiti adalanna, ania ti imbagana nga aramidenda?

5. Iti ladawan, ania ti mapaspasamak, ket kasano a nailinged ni Jesus iti panagkita dagiti adalan?

Kanayonan a salsaludsod:

1. Basaenyo ti 1 Corinto 15:3-8.

   Apay a sikokompiansa a nakapagsao ni apostol Pablo maipapan iti panagungar ni Jesus, ket ania a bambanag ti sikokompiansa a maisao dagiti Kristiano ita? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Basaenyo ti Aramid 1:1-11.

   Kasano kasaknap ti trabaho a panangasaba, kas naipadto iti Aramid 1:8? (Ara. 6:7; 9:31; 11:19-21; Col. 1:23)

Estoria 105

1. Kas ipakita ti ladawan, ania ti napasamak kadagiti pasurot ni Jesus nga agur-uray idiay Jerusalem?

2. Ania ti nakakellaatan dagiti bimmisita idiay Jerusalem?

3. Ania ti inlawlawag ni Pedro kadagiti tattao?

4. Ania ti narikna dagiti tattao kalpasan a dimngegda ken ni Pedro, ket ania ti imbaga ni Pedro nga aramidenda?

5. Mano a tattao ti nabautisaran iti dayta nga aldaw ti Pentecostes, 33 K.P.?

Kanayonan a salsaludsod:

1. Basaenyo ti Aramid 2:1-47.

   1. Kasano a dagiti sasao ni Pedro a masarakan iti Aramid 2:23, 36 ipakitana nga adda sungsungbatan ti intero a nasion dagiti Judio iti ipapatay ni Jesus? (1 Tes. 2:14, 15)

   2. Kasano a nangipasdek ni Pedro iti nasayaat nga ulidan no iti pannakirinnason babaen ti panangusar iti Kasuratan? (Ara. 2:16, 17, 29, 31, 36, 39; Col. 4:6)

   3. Kasano nga inusar ni Pedro ti umuna kadagiti “tulbek ti pagarian ti langlangit,” nga inkari ni Jesus nga ited kenkuana? (Ara. 2:14, 22-24, 37, 38; Mat. 16:19)

Estoria 106

1. Iti maysa a malem, ania ti napasamak kada Pedro ken Juan bayat a mapmapanda idiay templo?

2. Ania ti imbaga ni Pedro iti lugpi, ket ania ti inted kenkuana ni Pedro a napatpateg ngem iti pirak?

3. Apay a nakaunget dagiti relihioso a papangulo, ket ania ti inaramidda kada Pedro ken Juan?

4. Ania ti imbaga ni Pedro kadagiti relihioso a papangulo, ket ania ti imbilin dagita a papangulo kadagiti apostol?

5. Apay a nagimon dagiti relihioso a papangulo, ngem ania ti napasamak idi naibalud dagiti apostol iti maikadua a gundaway?

6. Kasano a simmungbat dagiti apostol idi naiyegda idiay Sanhedrin?

Kanayonan a salsaludsod:

1. Basaenyo ti Aramid 3:1-10.

   Nupay saantayo a naikkan iti pannakabalin a mangaramid kadagiti milagro ita, kasano a dagiti sasao ni Pedro a nailanad iti Aramid 3:6 tulongannatayo a mangapresiar iti pateg ti mensahe ti Pagarian? (Juan 17:3; 2 Cor. 5:18-20; Fil. 3:8)

2. Basaenyo ti Aramid 4:1-31.

   No maipasangotayo iti ibubusor iti ministerio, iti ania a pamay-an a masapul a tuladentayo dagiti Kristiano a kakabsattayo idi umuna a siglo? (Ara. 4:29, 31; Efe. 6:18-20; 1 Tes. 2:2)

3. Basaenyo ti Aramid 5:17-42.

   No maipapan iti trabaho a panangasaba, kasano a nagbalin a nainkalintegan dagiti sumagmamano a saan a Saksi, iti napalabas ken iti agdama? (Ara. 5:34-39)

Estoria 107

1. Siasino ni Esteban, ket tinultulongan ti Dios a mangaramid iti ania?

2. Ania ti imbaga ni Esteban a nakapungtotan unay dagiti relihioso a papangulo?

3. Idi a dagiti lallaki ingguyodda ni Esteban iti ruar ti siudad, ania ti inaramidda kenkuana?

4. Iti ladawan, siasino ti agtutubo a lalaki nga agtaktakder iti abay ti kagkagay?

5. Sakbay a natay ni Esteban, ania ti inkararagna ken ni Jehova?

6. Kas panangtulad ken ni Esteban, ania ti masapul nga aramidentayo no adda agaramid iti dakes kadatayo?

Kanayonan a salsaludsod:

1. Basaenyo ti Aramid 6:8-15.

   Ania a panangallilaw ti ar-aramiden dagiti panguluen ti relihion iti panangpadasda a mangpasardeng iti trabaho a panangasaba dagiti Saksi ni Jehova? (Ara. 6:9, 11, 13)

2. Basaenyo ti Aramid 7:1-60.

   1. Ania ti timmulong ken ni Esteban nga agbalin nga epektibo iti panangikalinteganna iti naimbag a damag iti saklang ti Sanhedrin, ket ania ti masursurotayo iti ehemplona? (Ara. 7:51-53; Roma 15:4; 2 Tim. 3:14-17; 1 Ped. 3:15)

   2. Ania a kababalin ti masapul a sukayentayo iti pannakilangen kadagiti bumusbusor iti trabahotayo? (Ara. 7:58-60; Mat. 5:44; Luc. 23:33, 34)

Estoria 108

1. Ania ti inaramid ni Saulo kalpasan a napapatay ni Esteban?

2. Ania a nakaskasdaaw a banag ti napasamak idi adda ni Saulo iti dalanna nga agturong idiay Damasco?

3. Ania ti imbaga ni Jesus nga aramiden ni Saulo?

4. Ania ti imbaga ni Jesus ken ni Ananias, ket kasano a nakakita manen ni Saulo?

5. Ania ti nagbalin a nalatak a nagan ni Saulo, ket nakausaranna?

Kanayonan a salsaludsod:

1. Basaenyo ti Aramid 8:1-4.

   Kasano a ti agsasaruno a pannakaidadanes a napasaran ti kabbuangay a kongregasion Kristiano ket nakatulong iti pannakaisaknap ti Nakristianuan a pammati, ket ania nga umasping a banag ti napasamak iti moderno a panawen? (Ara. 8:4; Isa. 54:17)

2. Basaenyo ti Aramid 9:1-20.

   Ania dagiti tallo a mision nga impalgak ni Jesus nga aramiden ni Saul? (Ara. 9:15; 13:5; 26:1; 27:24; Roma 11:13)

3. Basaenyo ti Aramid 22:6-16.

   Kasanotayo nga agbalin a kas ken Ananias, ket apay a napateg dayta? (Ara. 22:12; 1 Tim. 3:7; 1 Ped. 1:14-16; 2:12)

4. Basaenyo ti Aramid 26:8-20.

   Kasano a ti pannakakomberte ni Saul iti Kristianidad ket agserbi kas pammaregta kadagidiay addaan iti di manamati nga asawa ita? (Ara. 26:11; 1 Tim. 1:14-16; 2 Tim. 4:2; 1 Ped. 3:1-3)

Estoria 109

1. Iti ladawan, siasino ti lalaki nga agrukruknoy?

2. Ania ti imbaga ti maysa nga anghel ken ni Cornelio?

3. Ania ti impakita ti Dios ken ni Pedro idi adda ni Pedro iti plastado nga atep ti balay ni Simon idiay Joppe?

4. Apay nga imbaga ni Pedro a saan a rumbeng nga agruknoy ken agdayaw kenkuana ni Cornelio?

5. Apay a nagsiddaaw dagiti adalan a Judio a kimmuyog ken ni Pedro?

6. Ania ti napateg a leksion a masursurotayo iti panangsarungkar ni Pedro ken ni Cornelio?

Kanayonan a salsaludsod:

1. Basaenyo ti Aramid 10:1-48.

   Ania ti ipakita dagiti sasao ni Pedro a masarakan iti Aramid 10:42 maipapan iti trabaho a panangikasaba iti naimbag a damag ti Pagarian? (Mat. 28:19; Mar. 13:10; Ara. 1:8)

2. Basaenyo ti Aramid 11:1-18.

   Ania a kababalin ti imparangarang ni Pedro idi bimmatad ti bilin ni Jehova maipapan kadagiti Gentil, ket kasanotayo a matulad ti ehemplona? (Ara. 11:17, 18; 2 Cor. 10:5; Efe. 5:17)

Estoria 110

1. Siasino ti agtutubo a makitam iti ladawan, pagnanaedanna, ken ania ti nagan ti nanang ken ti lolana?

2. Ania ti kuna ni Timoteo idi dinamag ni Pablo no kayatna ti kumuyog kada Silas ken Pablo a mangasaba kadagiti tattao iti adayo a luglugar?

3. Sadino ti damo a nakaawagan dagiti pasurot ni Jesus kas Kristiano?

4. Ania ti sumagmamano kadagiti siudad a sinarungkaran da Pablo, Silas, ken Timoteo apaman a nakapanawda iti Listra?

5. Ania ti naitulong ni Timoteo ken ni Pablo, ket ania ti rumbeng nga isaludsod dagiti agtutubo ita iti bagbagida?

Kanayonan a salsaludsod:

1. Basaenyo ti Aramid 9:19-30.

   Kasano nga impakita ni apostol Pablo ti kinaannad idi naipasango iti ibubusor iti naimbag a damag? (Ara. 9:22-25, 29, 30; Mat. 10:16)

2. Basaenyo ti Aramid 11:19-26.

   Kasano a ti salaysay a nailanad iti Aramid 11:19-21, 26 ipakitana a ti espiritu ni Jehova iturturong ken iwanwanwanna ti trabaho a panangasaba?

3. Basaenyo ti Aramid 13:13-16, 42-52.

   Kasano nga ipakita ti Aramid 13:51, 52 a saan nga impalubos dagiti adalan a maupayda gapu iti ibubusor? (Mat. 10:14; Ara. 18:6; 1 Ped. 4:14)

4. Basaenyo ti Aramid 14:1-6, 19-28.

   Kasano a ti ebkas nga “intalekda ida ken Jehova” ket tumulong a mangbang-ar kadatayo iti aniaman a nalabes a pakaringgoran bayat a tultulongantayo dagiti kabbaro? (Ara. 14:21-23; 20:32; Juan 6:44)

5. Basaenyo ti Aramid 16:1-5.

   Kasano a ti situtulok a panagpakugit ni Timoteo ipaganetgetna a napateg ti panangaramid iti “amin a bambanag maigapu iti naimbag a damag”? (Ara. 16:3; 1 Cor. 9:23; 1 Tes. 2:8)

6. Basaenyo ti Aramid 18:1-11, 18-22.

   Ania ti ipasimudaag ti Aramid 18:9, 10 maipapan iti personal a panangiturong ni Jesus iti trabaho a panangasaba, ket ania ti ipanamnama dayta kadatayo ita? (Mat. 28:20)

Estoria 111

1. Iti ladawan, siasino ti ubing a nakaidda iti daga, ket ania ti napasamak kenkuana?

2. Ania ti inaramid ni Pablo idi nakitana a natayen ti ubing?

3. Sadino ti papanan da Pablo, Timoteo, ken dagidiay kakaduada nga agdaliasat, ket ania ti napasamak idi nagsardengda idiay Mileto?

4. Ania ti impakdaar ni mammadto nga Agabo ken ni Pablo, ket kasano a napasamak ti imbaga ti mammadto?

Kanayonan a salsaludsod:

1. Basaenyo ti Aramid 20:7-38.

   1. Sigun iti sasao ni Pablo a nailanad iti Aramid 20:26, 27, kasanotayo a makapagtalinaed a ‘nadalus iti dara dagiti amin a tattao’? (Ezeq. 33:8; Ara. 18:6, 7)

   2. No mangisuro dagiti panglakayen, apay a rumbeng a ‘kumpetda a sititibker iti matalek a sao’? (Ara. 20:17, 29, 30; Tito 1:7-9; 2 Tim. 1:13)

2. Basaenyo ti Aramid 26:24-32.

   Kasano nga inusar ni Pablo ti kalinteganna kas umili ti Roma tapno maitungpalna ti annongenna a mangasaba nga inawatna ken Jesus? (Ara. 9:15; 16:37, 38; 25:11, 12; 26:32; Luc. 21:12, 13)

Estoria 112

1. Ania ti napasamak iti barangay a nagluganan ni Pablo idi lumabas iti asideg ti puro ti Creta?

2. Ania ti imbaga ni Pablo kadagidiay nakalugan iti barangay?

3. Kasano a narumek wenno nalasanglasang ti barangay?

4. Ania ti imbilin ti kapitan ti buyot, ket mano a tattao ti nakagteng a sitatalged iti igid?

5. Ania ti nagan ti isla a nakaisadsadanda, ket ania ti napasamak ken ni Pablo idi simmayaaten ti panawen?

Kanayonan a salsaludsod:

1. Basaenyo ti Aramid 27:1-44.

   No basaentayo ti salaysay maipapan iti panaglayag ni Pablo nga agturong idiay Roma, kasano a tumibker ti panagtalektayo iti kinaumiso ti rekord ti Biblia? (Ara. 27:16-19, 27-32; Luc. 1:3; 2 Tim. 3:16, 17)

2. Basaenyo ti Aramid 28:1-14.

   No dagiti pagano nga agnanaed idiay Malta ket natignay a mangasikaso buyogen ti “naisangsangayan a natauan a kinamanangngaasi” kada Pablo ken dagiti kakaduana a naglugan iti nadadael a barangay, rumbeng a matignay dagiti Kristiano a mangipakita iti ania ken nangnangruna iti ania a wagas? (Ara. 28:1, 2; Heb. 13:1, 2; 1 Ped. 4:9)

Estoria 113

1. Siasino dagiti kinaskasabaan ni Pablo idi nakabalud idiay Roma?

2. Iti ladawan, siasino ti bisita nga agsursurat iti lamisaan, ket ania ti ar-aramidenna para ken ni Pablo?

3. Siasino ni Epafrodito, ket ania ti intugotna idi nagsubli idiay Filipos?

4. Apay a nagsurat ni Pablo ken ni Filemon a nasinged a gayyemna?

5. Ania ti inaramid ni Pablo idi nawayawayaan, ket ania ti napasamak kenkuana idi agangay?

6. Siasino ti inusar ni Jehova a mangisurat kadagiti maudi a libro ti Biblia, ket ania ti ibaga ti libro nga Apocalipsis?

Kanayonan a salsaludsod:

1. Basaenyo ti Aramid 28:16-31 ken Filipos 1:13.

   Kasano nga inusar ni Pablo ti panawenna bayat a nakabalud idiay Roma, ket ania ti epektona iti kongregasion Kristiano ti di maisin a pammatina? (Ara. 28:23, 30; Fil. 1:14)

2. Basaenyo ti Filipos 2:19-30.

   Aniada a sasao ti panangapresiar ti inyebkas ni Pablo maipapan kada Timoteo ken Epafrodito, ket kasanotayo a matulad ti ehemplo ni Pablo? (Fil. 2:20, 22, 25, 29, 30; 1 Cor. 16:18; 1 Tes. 5:12, 13)

3. Basaenyo ti Filemon 1-25.

   1. Ania ti nakaibatayan ti panangdagadag ni Pablo ken ni Filemon nga agaramid iti umiso, ket kasano nga agserbi daytoy kas pagwadan kadagiti panglakayen ita? (Flm. 9; 2 Cor. 8:8; Gal. 5:13)

   2. Kasano a ti sasao ni Pablo a masarakan iti Filemon 13, 14 ipakitana a rinaemna ti konsiensia dagiti dadduma iti kongregasion? (1 Cor. 8:7, 13; 10:31-33)

4. Basaenyo ti 2 Timoteo 4:7-9.

   Kas ken apostol Pablo, kasanotayo a makapagtalek a gunggonaannatayto ni Jehova no agtalinaedtayo a matalek agingga iti panungpalan? (Mat. 24:13; Heb. 6:10)

Estoria 114

1. Apay a dinakamat ti Biblia dagiti kabayo idiay langit?

2. Ania ti awag ti pananggubat ti Dios kadagiti dakes a tattao ditoy daga, ket ania ti panggep daytoy a gubat?

3. Iti ladawan, siasino Daydiay mangidaulo iti gubat, apay a nakakorona, ken ania ti kaipapanan ti kampilanna?

4. No kitaem ti Estoria 10, 15 ken 33 apay a saantayo koma a maklaat no dadaelen ti Dios dagiti dakes a tattao?

5. Kasano nga ipakita kadatayo ti Estoria 36 ken 76 a ti Dios dadaelennanto dagiti dakes a tattao uray no ibagada nga agdaydayawda kenkuana?

Kanayonan a salsaludsod:

1. Basaenyo ti Apocalipsis 19:11-16.

   1. Kasano nga ipakita ti Kasuratan a ni Jesu-Kristo ti nakasakay iti puraw a kabalio? (Apoc. 1:5; 3:14; 19:11; Isa. 11:4)

   2. Kasano a ti dara a naiparsiak iti makinruar a kawes ni Jesus pasingkedanna a sigurado ken naan-anay ti panagbiktoriana? (Apoc. 14:18-20; 19:13)

   3. Siasino dagiti mabalin a karaman kadagiti buyot a sumursurot ken ni Jesus a nakasakay iti puraw a kabaliona? (Apoc. 12:7; 19:14; Mat. 25:31, 32)

Estoria 115

1. Sigun iti Biblia, aniada a kasasaad ti tagiragsakentayto iti Paraiso ditoy daga?

2. Ania ti kari ti Biblia kadagidiay agtaeng iti Paraiso?

3. Kaano a siguruen ni Jesus a maaramid daytoy nakaskasdaaw a panagbalbaliw?

4. Idi adda ni Jesus ditoy daga, ania ti inaramidna tapno ipakitana no anianto ti aramidenna kas Ari ti Pagarian ti Dios?

5. Anianto ti siguraduen ni Jesus ken dagiti kakaduana nga agturay idiay langit inton iturayanda ti intero a daga?

Kanayonan a salsaludsod:

1. Basaenyo ti Apocalipsis 5:9, 10.

   Apay a makapagtalektayo a dagidiay agturay iti intero a daga bayat ti Milenio a Turay ket mannakipagrikna ken naasida nga ar-ari ken papadi? (Efe. 4:20-24; 1 Ped. 1:7; 3:8; 5:6-10)

2. Basaenyo ti Apocalipsis 14:1-3.

   Ania ti ipasimudaag ti banag a ti nagan ti Ama ken ti nagan ti Kordero ket naisurat kadagiti muging dagiti 144,000? (1 Cor. 3:23; 2 Tim. 2:19; Apoc. 3:12)

Estoria 116

1. Ania ti masapul nga ammuentayo no kayattayo ti agbiag nga agnanayon?

2. Kasanotayo a maammuan ti maipapan kada Jehova a Dios ken ni Jesus, kas iti ar-aramiden ti bassit nga ubing ken dagiti gagayyemna iti ladawan?

3. Iti ladawan, ania ti makitam a sabali pay a libro, ket apay a masapul a kanayon a basaentayo daytoy?

4. Malaksid iti panangammo iti maipapan kada Jehova ken Jesus, ania pay ti masapul nga aramidentayo tapno magun-odtayo ti biag nga agnanayon?

5. Ania ti masursurotayo iti Estoria 69?

6. Ania ti ipakita ti nasayaat nga ulidan ni ubing a Samuel iti Estoria 55?

7. Kasanotayo a matulad ti ulidan ni Jesu-Kristo, ket no aramidentayo, anianto ti magunggonatayo iti masanguanan?

Kanayonan a salsaludsod:

1. Basaenyo ti Juan 17:3.

   Kasano nga ipakita ti Kasuratan a ti kaipapanan ti pananggun-od iti pannakaammo maipapan kada Jehova ken Jesu-Kristo ket saan laeng a basta panangikabesa kadagiti kinapudno? (Mat. 7:21; Sant. 2:18-20; 1 Juan 2:17)

2. Basaenyo ti Salmo 145:1-21.

   1. Ania ti sumagmamano kadagiti adu a rasontayo a mangidaydayaw ken ni Jehova? (Sal. 145:8-11; Apoc. 4:11)

   2. Kasano a ni Jehova ket “naimbag iti isuamin,” ken kasano koma nga ad-adda nga iyadaninatayo daytoy kenkuana? (Sal. 145:9; Mat. 5:43-45)

   3. No napateg ni Jehova iti pusotayo, matignaytayo a mangaramid iti ania? (Sal. 119:171, 172, 175; 145:11, 12, 21)