JEHONATAN

[Ni Jehova ket Nangipaay].

Iti Hebreo, masansan a mapagsinsinnukat ti pannakaaramat daytoy a nagan ken ti Jonatan. Nailista iti baba dagidiay pagparangan laeng ti nakaipatarusan dayta kas Jehonatan. Kadagidiay a pagparangan ti ab-ababa a porma, kitaenyo ti JONATAN.

1. Maysa kadagiti Levita nga imbaon ni Jehosafat idi maikatlo a tawen ti panagturayna tapno isuro kadagiti umili ti Juda ti linteg ni Jehova.​—2Cr 17:5, 7-9.

2. Maysa a sekretario a ti balayna ket napagbalin a pagbaludan, a nakaikulongan ni Jeremias. (Jer 37:15, 20; 38:26) Nalabit addaan ti balayna kadagiti siled iti uneg ti daga a maikanatad a pagibaludan.

3. Pannakaulo iti maysa a sangakabbalayan ti papadi a nagtaud iti dasig ti ama, kalpasan ti pannakaidestiero idi kaaldawan ni Joiaquim a suno ni Jesua.​—Ne 12:10, 12, 18.