CLOPAS

Ti asawa ti maysa kadagiti Maria a nagtakder iti sibay ni Jesus bayat a sibibitin iti kayo a pagtutuokan. (Jn 19:25) Maipagarup nga isu ti asawa “ti sabali pay a Maria,” ken ama ni apostol Santiago a Bassit ken ti kabsatna a ni Joses. (Mt 27:56; 28:1; Mr 15:40; 16:1; Lu 24:10) Dakkel ti posibilidadna ken bigbigen ti kaaduan a ni Clopas isu met laeng daydiay naawagan iti Alfeo. (Mt 10:3; Mr 3:18; Lu 6:15; Ara 1:13) Dagitoy dua a nagan ket mabalin a nagduma laeng a pannakabalikas ti Aramaiko a sao, wenno dayta nga indibidual ket mabalin nga addaan iti dua a nagan a mapagsinsinnukat a nausar, a kadawyan idi a tiempo. Ti panangipapan nga agkabsat da Clopas ken Jose a pannakaama ni Jesus ket interamente a naibatay iti tradision.