DEPPA

Rukod a pangtukod iti kaadalem ti danum. Ti deppa kadawyan a namatmatan kas uppat a kasiko (a. 1.8 m; 6 pie) ken agarup katupag ti distansia iti nagbaetan dagiti murdong ti ramay ti dua nga ima ti maysa a tao no nakaunnat dagiti takiagna iti agsumbangir a direksion. Mayanatup unay, ti Griego a sao maipaay iti “deppa” (or·gui·aʹ) ket nagtaud iti sao a kaipapananna ti “iyunnat; igaw-at.”​—Ara 27:28, Rbi8 ftn.