Gunggonaan ni Jehova ti Pammatim

Agtrabtrabaho ni Emma iti maysa a hotel iti siam nga oras iti kada aldaw, mamitlo kada lawas. Nagpakada iti supervisor-na nga agbakasion iti maysa nga aldaw tapno makaatender iti rehional a kombension. Ngem saan a pinatgan dayta ti supervisor-na. Imbes ketdi, binaliwanna ti eskediul ti trabaho ni Emma. Pinagbalinna a lima nga aldaw iti kada lawas, sana pinagpili no awatenna ti baro nga eskediul wenno ag-resign. Gapu ta agtaltalek ni Emma a ni Jehova ti makaammon kenkuana, pinilina ti ag-resign ken agatender iti kombension.

Idi mapanen ited ni Emma ti resignation letter-na, nadanonanna ti general manager ti hotel. Idi naammuanna ti napasamak, imbagana ken Emma nga isunan ti makaammo. Ngem kalpasan ti dua a lawas, naipakaammo ken Emma a naikkat isunan. Idi kuan, nakitana manen ti general manager. Idi naammuan ti general manager a saan a nasurot ti instruksionna, nakapungtot la unay. Isu nga imbagana ken Emma a saan nga agdanag, ken impasiguradona nga isunan ti makisarita iti supervisor-na. Naikkan ni Emma iti baro nga eskediul. Agtrabahon iti lima nga aldaw iti kada lawas, ngem uppat laengen nga oras kada aldaw. Maymayat pay dayta ngem iti dati nga eskediulna ta ad-adun ti tiempona para iti panagpayunirna ken iti dadduma pay a naespirituan nga aktibidad. Talaga a ginunggonaan ni Jehova ti pammatina! Impaay ni Jehova dagiti kasapulanna iti pamay-an a nalablabes pay ngem iti namnamaenna.