Sálmur

140 Bjargaðu mér, Jehóva, frá illum mönnum,

verndaðu mig fyrir ofbeldismönnum,+

 2 þeim sem upphugsa illt í hjarta sér+

og valda sífellt átökum.

 3 Þeir brýna tungu sína eins og naðra,+

höggormseitur er innan vara þeirra.+ (Sela)

 4 Verndaðu mig, Jehóva, fyrir höndum hinna illu,+

verðu mig fyrir ofbeldismönnum,

þeim sem ætla að bregða fæti fyrir mig.

 5 Hrokafullir menn leggja gildru fyrir mig,

þeir strengja net meðfram veginum,+

þeir leggja snörur fyrir mig.+ (Sela)

 7 Jehóva, alvaldur Drottinn, máttugur frelsari minn,

þú skýlir höfði mínu á orrustudeginum.+

 8 Jehóva, uppfylltu ekki óskir hinna illu,

láttu ekki ráðabrugg þeirra heppnast svo að þeir verði sjálfumglaðir.+ (Sela)

 9 Megi það illa sem menn í kringum mig segja

koma sjálfum þeim í koll.+

Verði þeim varpað í eldinn,

í djúpar gryfjur*+ svo að þeir standi aldrei upp framar.

11 Rógberinn finni hvergi samastað á jörðinni,*+

hið illa elti uppi ofbeldismenn og felli þá.

12 Ég veit að Jehóva mun verja hina bágstöddu

og láta fátæka ná rétti sínum.+

13 Já, hinir réttlátu skulu lofa nafn þitt,

hinir heiðvirðu búa hjá þér.*+