Ljóðaljóðin

Hár þitt er eins og geitahjörð

sem streymir niður Gíleaðfjöll.+

 2 Tennur þínar eru eins og hjörð af nýrúnum ám

sem komnar eru úr baði.

Allar eru tvílembdar

og engin hefur misst lamb.

 3 Varir þínar eru eins og skarlatsrautt band

og orð þín eru yndisleg.

Eins og sneitt granatepli

eru vangar þínir* undir blæjunni.

 4 Háls þinn+ er eins og turn Davíðs,+

hlaðinn úr steini.

Þar hanga þúsund skildir,

allir hringlaga skildir kappanna.+

 5 Brjóst þín eru eins og tveir gasellukálfar,

eins og gasellutvíburar+

á beit meðal liljanna.“

 6 „Áður en fer að kula og skuggarnir hverfa

vil ég fara til myrrufjallsins,

til reykelsishæðarinnar.“+

 7 „Öll ertu falleg, ástin mín,+

þú ert lýtalaus.

 8 Komdu með mér frá Líbanon, brúður mín,

komdu með mér frá Líbanon.+

Komdu niður af Amanatindi,*

af Senír- og Hermontindi,+

frá bælum ljónanna, frá fjöllum hlébarðanna.

 9 Þú hefur fangað hjarta mitt,+ systir mín og brúður,

þú hefur fangað hjarta mitt með einu augnatilliti,

með einni perlu á hálsfesti þinni.

Blíðuhót þín eru ljúfari en vín+

og ilmvatn þitt ljúfara en nokkurt krydd.+

Hunang og mjólk eru undir tungu þinni+

og föt þín ilma eins og angan Líbanons.

12 Systir mín og brúður er eins og lokaður garður,

lokaður garður, innsigluð lind.

13 Garður þinn* er eins og paradís* með granateplatrjám,

með ljúffengum ávöxtum, henna og nardusjurtum,

14 nardus+ og saffrankrókusum, ilmreyr+ og kanil,+

með alls konar reykelsistrjám, myrru og alóe+

ásamt ilmjurtum af bestu gerð.+

15 Þú ert lind í garði, brunnur með fersku vatni,

eins og rennandi lækir frá Líbanon.+

16 Vaknaðu, norðanvindur,

komdu, sunnanvindur,

leiktu um* garðinn minn,

berðu með þér ilm hans.“

„Ég vildi að ástin mín kæmi inn í garð sinn

og borðaði ljúffenga ávextina.“