Sálmur

43 Dæmdu mig, Guð,+

verðu málstað minn+ gegn ótrúrri þjóð,

bjargaðu mér frá hinum svikulu og ranglátu

2 því að þú ert Guð minn, varnarvirki mitt.+

Hvers vegna hefurðu útskúfað mér?

Hvers vegna þarf ég að ganga um sorgmæddur, kúgaður af óvinum mínum?+

3 Sendu ljós þitt og sannleika.+

Þau skulu vísa mér veginn,+

leiða mig til þíns heilaga fjalls og þinnar stórfenglegu tjaldbúðar.+

4 Þá geng ég að altari Guðs,+

til Guðs sem er mín mesta gleði,

og lofa þig með hörpuleik,+ ó Guð, þú Guð minn.

5 Hvers vegna örvænti ég?

Hvers vegna finn ég enga ró innra með mér?

Ég vil bíða eftir Guði+

því að ég fæ að lofa hann, minn mikla frelsara og Guð.+