Sálmur
Eftir Davíð.
138 Ég lofa þig af öllu hjarta.+
Ég syng þér lof
andspænis öðrum guðum.*
2 Ég fell fram í átt að heilögu musteri þínu*+
og lofa nafn þitt+
því að þú ert tryggur í kærleika þínum og trúfesti.
Þú hefur upphafið orð þitt og nafn yfir allt annað.*
4 Allir konungar jarðar munu lofa þig, Jehóva,+
því að þeir hafa heyrt loforð þín.
5 Þeir munu syngja um vegi Jehóva
því að dýrð Jehóva er mikil.+
6 Þótt Jehóva sé hár tekur hann eftir hinum auðmjúka+
en hinn hrokafulla þekkir hann aðeins í fjarska.+
7 Þegar ég er umkringdur hættum læturðu mig halda lífi.+
Þú réttir út höndina gegn reiði óvina minna,
hægri hönd þín bjargar mér.
8 Jehóva kemur öllu til leiðar fyrir mig.
Jehóva, tryggur kærleikur þinn varir að eilífu.+
Yfirgefðu ekki verk handa þinna.+