Sálmur

Til tónlistarstjórans. Fyrir strengjahljóðfæri. Söngljóð eftir Davíð.

4 Svaraðu mér þegar ég hrópa, minn réttláti Guð,+

búðu mér leið út úr* erfiðleikum mínum.

Vertu mér góður og heyrðu bæn mína.

2 Þið menn, hve lengi ætlið þið að ráðast að reisn minni og niðurlægja mig?

Hve lengi ætlið þið að elska hið fánýta og eltast við blekkingar? (Sela)

3 Þið skuluð vita að Jehóva gerir vel við þann* sem er honum trúr.

Jehóva heyrir þegar ég hrópa til hans.

4 Reiðist en syndgið ekki.+

Hugleiðið það uppi í rúmi og verið hljóðir. (Sela)

5 Færið fórnir með hreinu hjarta

og treystið Jehóva.+

6 Margir segja: „Hver mun gera okkur gott?“

Láttu auglit þitt lýsa yfir okkur, Jehóva.+

7 Þú hefur fyllt hjarta mitt gleði,

meiri en þeirra sem uppskera ríkulega af korni og nýju víni.

8 Ég leggst og sef vært+

því að þú einn, Jehóva, lætur mig búa við öryggi.+