7. Lög Guðsríkis eru þau bestu

Ríkisstjórnir setja lög sem er ætlað að vera til gagns og verndar fyrir þegnana. Ríki Guðs hefur líka sett lög sem þegnar þess eiga að fylgja. Lesið 1. Korintubréf 6:9–11 og ræðið síðan eftirfarandi spurningar:

• Hvernig heldurðu að heimurinn verði þegar allir fylgja hegðunarreglum Guðs?a

• Finnst þér sanngjarnt af Jehóva að ætlast til þess af þegnum Guðsríkis að virða þessar reglur? Hvers vegna?

• Hvernig vitum við að fólk sem hlýðir ekki lögum Guðs getur breytt sér? – Sjá 11. vers.

Mörgum finnst vandræðalegt að tala um kynlíf. En þegar Biblían talar um kynlíf gerir hún það blátt áfram og á virðulegan hátt. Það sem hún segir er okkur til góðs, sem er rökrétt því að Jehóva skapaði okkur og veit þess vegna hvað er okkur fyrir bestu. Hann sýnir okkur hvernig við getum þóknast honum með því sem við gerum og hvernig við getum notið lífsins að eilífu.

1. Hvernig lítur Jehóva á kynlíf?

Kynlíf er gjöf frá Jehóva til karls og konu innan hjónabands. Það gerir hjónum ekki aðeins kleift að eignast börn heldur líka að tjá hvort öðru ást sína á eðlilegan og ánægjulegan hátt. Þess vegna segir í Biblíunni: „Gleðstu með eiginkonu æsku þinnar.“ (Orðskviðirnir 5:18, 19) Jehóva ætlast til þess að hjón séu hvort öðru trú og haldi ekki fram hjá. – Lestu Hebreabréfið 13:4.

2. Hvað er kynferðislegt siðleysi?

Biblían segir: „Þeir sem lifa kynferðislega siðlausu lífi … erfa ekki ríki Guðs.“ (1. Korintubréf 6:9, 10) Í Biblíunni er gríska orðið porneiʹa notað um kynferðislegt siðleysi. Það felur í sér (1) kynmöka utan hjónabands, (2) kynmök samkynhneigðra og (3) kynmök við dýr. Þegar við ‚höldum okkur frá kynferðislegu siðleysi‘ er það okkur til gagns og við gleðjum Jehóva. – 1. Þessaloníkubréf 4:3.

KAFAÐU DÝPRA

3. Flýðu kynferðislegt siðleysi

Trúfastur maður að nafni Jósef lagði hart að sér til að halda sér siðferðilega hreinum. Lesið 1. Mósebók 39:1–12 og ræðið síðan eftirfarandi spurningar:

• Hvað fékk Jósef til að flýja? – Sjá 9. vers.

• Finnst þér Jósef hafa tekið rétta ákvörðun? Hvers vegna?

MYNDBAND: Flýið kynferðislegt siðleysi (5:06)

Jehóva vill að við höfnum kynferðislegu siðleysi. Lesið 1. Korintubréf 6:18 og ræðið síðan eftirfarandi spurningar:

• Hvaða aðstæður gætu leitt einhvern út í kynferðislegt siðleysi?

• Hvernig geturðu flúið kynferðislegt siðleysi?

4. Þú getur staðist freistingar

MYNDBAND: Biblíulestur getur hjálpað þér að standast freistingar (3:02)

• Hvað gerði bróðirinn í myndbandinu þegar hann áttaði sig á að það sem hann hugsaði og gerði gæti leitt til þess að hann yrði konunni sinni ótrúr?

Jafnvel þeir sem eru trúfastir Jehóva þurfa stundum að berjast við óhreinar hugsanir. Hvernig geturðu stöðvað siðlausar hugsanir? Lesið Filippíbréfið 4:8 og ræðið síðan eftirfarandi spurningar:

• Hvað ættum við að hugsa um?

• Hvernig getur biblíulestur og það að vera upptekin í þjónustu Jehóva hjálpað okkur að standast freistingar til að gera eitthvað rangt?

5. Siðferðisreglur Jehóva eru okkur til góðs

MYNDBAND: Að skorta heilbrigða skynsemi (9:31)

• Hvernig kom ungi maðurinn sér í erfiðar aðstæður? – Sjá Orðskviðina 7:8, 9.

• Kynferðislegt siðleysi getur haft alvarlegar afleiðingar eins og kemur fram í Orðskviðunum 7:23, 26. Hvaða erfiðleikum getum við komist hjá með því að halda okkur siðferðilega hreinum?

• Hvernig getur siðferðilegur hreinleiki stuðlað að því að við njótum lífsins að eilífu?

Sumum finnst það sem Biblían segir um samkynhneigð vera kærleikslaust. En Jehóva er Guð kærleikans og vill að allir njóti eilífs lífs. Til þess þurfum við að fylgja siðferðisreglum hans. Lesið 1. Korintubréf 6:9–11 og ræðið síðan eftirfarandi spurningu:

• Er líferni samkynhneigðra það eina sem er rangt í augum Guðs?

Við þurfum öll að gera einhverjar breytingar til að þóknast Guði. Er það þess virði? Lesið Sálm 19:8, 11 og ræðið síðan eftirfarandi spurningar:

• Finnst þér siðferðisreglur Jehóva sanngjarnar? Hvers vegna?

SAMANTEKT

Kynlíf er gjöf frá Jehóva til karls og konu innan hjónabands.

Upprifjun

• Hvað er kynferðislegt siðleysi?

• Hvað hjálpar okkur að forðast kynferðislegt siðleysi?

• Hvernig er það okkur til góðs að fylgja siðferðisreglum Jehóva?

KANNAÐU

Lestu um hvers vegna það skiptir Guð máli að par sem vill búa saman gifti sig.

„Hvað segir Biblían um óvígða sambúð?“ (Vefgrein)

Kynntu þér hvers vegna viðhorf Biblíunnar til samkynhneigðar ýtir ekki undir hatur.

„Er samkynhneigð röng?“ (Vefgrein)

Lestu um hvernig lög Guðs um kynlíf eru okkur til verndar.

„Eru munnmök það sama og kynmök?“ (Vefgrein)

Lestu frásöguna „Þeir sýndu mér virðingu“ til að sjá hvað fékk samkynhneigðan mann til að gera breytingar á lífi sínu til að þóknast Guði.

„Biblían breytir lífi fólks“ (Varðturninn 1. júlí 2011)

Alls staðar í heiminum hefur fólk mismunandi viðhorf til áfengis. Sumir hafa gaman af að fá sér í glas með vinum sínum af og til. Aðrir kjósa að drekka ekki. Enn aðrir drekka sig fulla. Hvert er viðhorf Biblíunnar til áfengis?

1. Er rangt að drekka áfengi?

Biblían segir ekki að það sé rangt að drekka áfengi. Hún nefnir meira að segja „vín sem gleður hjarta mannsins“ þegar hún telur upp margar af gjöfum Guðs. (Sálmur 104:14, 15) Sumir trúfastir karlar og konur sem talað er um í Biblíunni drukku áfengi. – 1. Tímóteusarbréf 5:23.

2. Hvaða ráð gefur Biblían þeim sem velja að drekka áfengi?

Jehóva fordæmir ofdrykkju og það að drekka sig fullan. (Galatabréfið 5:21) Í orði hans segir: „Vertu ekki í hópi þeirra sem drekka of mikið vín.“ (Orðskviðirnir 23:20) Ef við veljum að drekka, jafnvel í einrúmi, ættum við því ekki að drekka það mikið að við getum ekki hugsað skýrt eða haft stjórn á tali okkar og verkum eða að við stofnum heilsu okkar í hættu. Ef við getum ekki haft stjórn á drykkjunni ættum við að vera tilbúin að hætta alveg að drekka.

3. Hvernig getum við virt ákvarðanir annarra varðandi áfengi?

Hver og einn þarf að ákveða hvort hann drekkur áfengi. Við ættum ekki að dæma þann sem velur að drekka áfengi í hófi og við ættum ekki heldur að þrýsta á þann að drekka sem vill það ekki. (Rómverjabréfið 14:10) Við veljum að drekka ekki ef það myndi gera öðrum erfitt fyrir. (Lestu Rómverjabréfið 14:21.) Við hugsum „ekki um eigin hag heldur hag annarra“. – Lestu 1. Korintubréf 10:23, 24.

KAFAÐU DÝPRA

4. Ákveddu hvort þú ætlir að drekka áfengi

Hvernig leit Jesús á það að drekka áfengi? Hugleiddu fyrsta kraftaverkið sem hann vann til að komast að því. Lesið Jóhannes 2:1–11 og ræðið síðan eftirfarandi spurningar:

• Hvað lærum við af þessu kraftaverki um viðhorf Jesú til áfengis og þeirra sem drekka?

• Hvernig ættum við að líta á þann sem velur að drekka fyrst Jesús fordæmdi ekki neyslu áfengis?

Þó að við megum drekka áfengi er ekki þar með sagt að það sé alltaf skynsamlegt. Lesið Orðskviðina 22:3 og ræðið síðan hvernig eftirfarandi aðstæður gætu haft áhrif á það hvort þú ætlir að drekka:

• Þú ert að fara að keyra eða vinna við vélar.

• Þú ert ófrísk.

• Læknir hefur ráðlagt þér að drekka ekki áfengi.

• Þú átt erfitt með að hafa stjórn á því hversu mikið þú drekkur.

• Lögin leyfa ekki að þú drekkir.

• Þú ert með einhverjum sem velur að halda sig frá áfengi vegna þess að hann hefur átt erfitt með að stjórna drykkju sinni.

Ættirðu að bjóða upp á áfengi í brúðkaupum eða öðrum veislum? Spilið MYNDBANDIÐ til að sjá hvað getur hjálpað þér að ákveða það.

MYNDBAND: Ætti ég að bjóða upp á áfengi? (2:41)

Lesið Rómverjabréfið 13:13 og 1. Korintubréf 10:31, 32. Ræðið eftirfarandi spurningu eftir hvert vers fyrir sig:

• Hvernig getur þessi meginregla hjálpað þér að taka ákvörðun sem gleður Jehóva?

5. Ákveddu hversu mikið þú ætlir að drekka

Hafðu eftirfarandi í huga ef þú velur að drekka áfengi: Jehóva fordæmir ekki neyslu áfengis en hann fordæmir ofdrykkju. Hvers vegna? Lesið Hósea 4:11, 18 og ræðið síðan eftirfarandi spurningu:

• Hvað getur gerst ef fólk drekkur of mikið?

Hvernig getum við varast að drekka of mikið? Við þurfum að vera hógvær, eða meðvituð um takmörk okkar. Lesið Orðskviðina 11:2 og ræðið síðan eftirfarandi spurningu:

• Hvers vegna er skynsamlegt að setja því ákveðin mörk hve mikið maður drekkur?

6. Að sigrast á áfengisvanda

MYNDBAND: „Ég var mjög óhamingjusamur“ (6:32)

• Hvernig hegðaði Dmítríj sér þegar hann drakk?

• Tókst honum strax að hætta að drekka?

• Hvernig tókst honum að lokum að sigrast á áfengisfíkninni?

Lesið 1. Korintubréf 6:10, 11 og ræðið síðan eftirfarandi spurningar:

• Hversu alvarleg er ofdrykkja?

• Hvað sýnir að sá sem á við áfengisvanda að glíma getur breytt sér?

Lesið Matteus 5:30 og ræðið síðan eftirfarandi spurningu:

• Að höggva af sér höndina merkir að færa fórnir til að gleðja Jehóva. Hvað geturðu gert ef þú ert að reyna að sigrast á áfengisfíkn?a

Lesið 1. Korintubréf 15:33 og ræðið síðan eftirfarandi spurningu:

• Hvaða áhrif geta vinir þínir haft á það hve mikið þú drekkur?

SAMANTEKT

Jehóva hefur gefið okkur áfengi til að gleðja okkur, en hann fordæmir ofdrykkju og að drekka sig fullan.

Upprifjun

• Hvert er viðhorf Biblíunnar til áfengis?

• Hvaða hættur fylgja því að drekka of mikið?

• Hvernig getum við virt ákvarðanir annarra varðandi áfengi?

KANNAÐU

Hvernig geta unglingar tekið skynsamlegar ákvarðanir varðandi áfengi?

Hugsaðu áður en þú drekkur áfengi (2:31)

Lestu um hvernig hægt er að sigrast á áfengisvanda.

„Höfum rétt viðhorf til áfengis“ (Varðturninn 1. júlí 2010)

Hvenær og hvernig ættu foreldrar að ræða við börnin um áfengisneyslu?

„Að tala við börnin um áfengi“ (Vefgrein)

Lestu söguna ‚Ég var botnlaus tunna‘ til að sjá hvernig maður nokkur sigraðist á ofdrykkju.

„Biblían breytir lífi fólks“ (Grein úr Varðturninum)

Þó að þú elskir Jehóva heitt og leggir þig fram um að gera ekkert sem særir hann verða þér stundum á mistök. En sumar syndir eru alvarlegri en aðrar. (1. Korintubréf 6:9, 10) Ef þér verður á að drýgja alvarlega synd skaltu muna að Jehóva er ekki hættur að elska þig. Hann er fús til að fyrirgefa þér og hjálpa þér.

1. Hvað þurfum við að gera til að Jehóva fyrirgefi okkur?

Þeim sem elska Jehóva þykir það mjög leitt þegar þeim verður ljóst að þeir hafa drýgt alvarlega synd. En þeir fá hughreystingu í þessu loforði Jehóva: „Þó að syndir ykkar séu skarlatsrauðar skulu þær verða hvítar sem snjór.“ (Jesaja 1:18) Ef við iðrumst einlæglega fyrirgefur Jehóva okkur að fullu. Hvað felur iðrun í sér? Við sjáum virkilega eftir mistökum okkar, hættum að gera það sem er rangt og sárbænum Jehóva að fyrirgefa okkur. Síðan leggjum við hart að okkur að breyta röngu hugarfari eða venjum sem urðu til þess að við syndguðum og reynum að lifa eftir siðferðisreglum Jehóva. – Lestu Jesaja 55:6, 7.

2. Hvernig notar Jehóva öldungana til að hjálpa okkur þegar við syndgum?

Jehóva segir okkur að ‚kalla til okkar öldunga safnaðarins‘ ef við drýgjum alvarlega synd. (Lestu Jakobsbréfið 5:14, 15.) Öldungarnir elska Jehóva og sauði hans. Þeir vita hvernig þeir eiga að hjálpa okkur að endurheimta gott samband við Jehóva. – Galatabréfið 6:1.

Hvernig hjálpa öldungarnir okkur ef við drýgjum alvarlega synd? Tveir eða þrír öldungar nota leiðbeiningar úr Biblíunni til að leiðrétta okkur. Þeir gefa okkur líka hagnýt ráð og hvatningu til að hjálpa okkur að falla ekki aftur í sama farið. Ef einhver drýgir alvarlega synd og iðrast ekki vísa öldungarnir honum úr söfnuðinum svo að hann hafi ekki slæm áhrif á aðra.

KAFAÐU DÝPRA

3. Það er okkur til góðs að viðurkenna synd okkar

Við særum Jehóva þegar við syndgum. Þess vegna er rétt að við viðurkennum syndir okkar fyrir honum. Lesið Sálm 32:1–5 og ræðið síðan eftirfarandi spurningu:

• Hvers vegna er betra fyrir okkur að játa syndir okkar fyrir Jehóva heldur en að reyna að leyna þeim?

MYNDBAND: Jehóva agar þá sem hann elskar (3:01)

• Hvernig hjálpuðu öldungar Canon að snúa aftur til Jehóva?

Við verðum að vera hreinskilin við öldungana. Þeir vilja hjálpa okkur. Lesið Jakobsbréfið 5:16 og ræðið síðan eftirfarandi spurningu:

• Hvers vegna er auðveldara fyrir öldungana að hjálpa okkur ef við erum hreinskilin við þá?

4. Jehóva sýnir syndurum miskunn

Þeim sem drýgir alvarlega synd og neitar að fylgja siðferðisreglum Jehóva er vísað úr söfnuðinum og við eigum ekki félagsskap við hann. Lesið 1. Korintubréf 5:6, 11 og ræðið síðan eftirfarandi spurningu:

• Súrdeig gerjar brauðdeig. Hvernig hefði það á svipaðan hátt áhrif á allan söfnuðinn að eiga félagsskap við iðrunarlausan syndara?

• Hvernig sést að Jehóva er sanngjarn, miskunnsamur og kærleiksríkur á því hvernig hann kemur fram við syndara?

5. Jehóva fyrirgefur okkur þegar við iðrumst

Jesús sagði dæmisögu sem hjálpar okkur að skilja hvernig Jehóva líður þegar einhver iðrast. Lesið Lúkas 15:1–7 og ræðið síðan eftirfarandi spurningu:

• Hvað segir þetta þér um Jehóva?

Lesið Esekíel 33:11 og ræðið síðan eftirfarandi spurningu:

• Hvað er mikilvægt að gera til að sýna að við iðrumst í einlægni?

SAMANTEKT

Jehóva fyrirgefur okkur þó að við drýgjum alvarlega synd ef við iðrumst í einlægni og erum ákveðin í að hætta að gera það sem er rangt.

Upprifjun

• Hvers vegna er gott fyrir okkur að játa syndir okkar fyrir Jehóva?

• Hvað þurfum við að gera til að Jehóva fyrirgefi okkur?

• Hvers vegna ættum við að leita hjálpar öldunganna ef okkur verður á að drýgja alvarlega synd?

KANNAÐU

Sjáðu hvernig maður nokkur kynntist miskunn Jehóva eins og henni er lýst í Jesaja 1:18.

Efastu aldrei um miskunn Jehóva (5:02)

Hvernig reyna öldungarnir að hjálpa þeim sem drýgja alvarlega synd?

„Að sýna þeim sem syndga kærleika og miskunn“ (Varðturninn ágúst 2024)

Sjáðu hvernig iðrunarlausum syndurum er sýndur kærleikur og miskunn.

„Hjálp handa þeim sem er vísað úr söfnuðinum“ (Varðturninn ágúst 2024)

Lestu söguna „Ég varð að snúa aftur til Jehóva“ til að komast að því hvers vegna manni sem lenti á villigötum fannst Jehóva draga sig til sín aftur.

„Biblían breytir lífi fólks“ (Varðturninn 1. apríl 2012)