8, 9. (a) Á hvaða grundvelli fyrirgefur Jehóva okkur? (b) Hvað sögðu sumir fráhvarfsmenn um syndina og hvers vegna var það rangt?

⁸ Jóhannes nefnir þessu næst á hvaða grundvelli fáist hreinsun frá syndinni. (Lestu 1. Jóhannesarbréf 1:8-2:2.) Ef við segjum: „Vér höfum ekki synd,“ þá afneitum við þeirri staðreynd að allir ófullkomnir menn eru syndugir og „sannleikurinn er ekki í oss.“ (Rómverjabréfið 5:12) En Guð er „trúr“ og fyrirgefur okkur „ef vér játum syndir vorar“ fyrir honum með iðrunarhug sem kemur okkur til að snúa baki við allri rangsleitni. (Orðskviðirnir 28:13) Guð sagði um þá sem fengju aðild að nýja sáttmálanum: „Ég mun . . . ekki framar minnast syndar þeirra.“ (Jeremía 31:31-34; Hebreabréfið 8:7-12) Þetta loforð heldur hann þegar hann fyrirgefur þeim.

10. Á hvaða veg er fórn Jesú „friðþæging“?

¹⁰ Jóhannes skrifar „þetta“ um synd, fyrirgefningu og hreinsun til að við iðkum ekki synd. Orð hans ættu að fá okkur til að leggja mikið kapp á að syndga ekki. (1. Korintubréf 15:34) En ef við samt sem áður syndgum og iðrar þess höfum við „árnaðarmann hjá föðurnum, Jesú Krist, hinn réttláta“ sem talar máli okkar við Guð. (Hebreabréfið 7:26; samanber Jóhannes 17:9, 15, 20.) Jesús er „friðþæging.“ Dauði hans fullnægði réttlætinu og gerði Guði mögulegt að sýna miskunn og sýkna bæði andlega Ísraelsmenn og ‚allan heiminn,‘ þeirra á meðal ‚múginn mikla,‘ af ákæru um synd. (Rómverjabréfið 6:23; Galatabréfið 6:16; Opinberunarbókin 7:4-14) Við metum þessa fórn afar mikils!